મની ટ્રાન્સફર, ક્રેડિટ કાર્ડ, FD, LPG કિંમતો સુધી… આજથી બદલાઈ ગયા આ 7 મોટા નિયમો, જાણી લો

દર મહિનાની જેમ આ મહિનાથી એટલે કે 1 નવેમ્બર, 2024થી ઘણા નિયમો બદલવામાં આવી રહ્યા છે, જેની સીધી અસર સામાન્ય લોકોના ખિસ્સા પર પડશે. 19 કિલોના કોમર્શિયલ ગેસ સિલિન્ડરની કિંમતમાં વધારો થયો છે, જ્યારે ટ્રેન ટિકિટ બુકિંગના નિયમો, ક્રેડિટ કાર્ડ, બેંકિંગ નિયમો અને મની ટ્રાન્સફરના નિયમોમાં ફેરફાર કરવામાં આવ્યા છે. આ નિયમો વિશે જાણવું ખૂબ જ મહત્વપૂર્ણ છે, નહીં તો તમારે નુકસાન સહન કરવું પડી શકે છે. ચાલો જાણીએ કે કયા નિયમો બદલાયા છે.

Also read: જાણીતા અર્થશાસ્ત્રી, પીએમની આર્થિક સલાહકાર પરિષદના અધ્યક્ષ Bibek Debroyનું થયું નિધન

નવા મહિનાની શરૂઆત સાથે એલપીજી ગેસના ભાવમાં વધારો કરવામાં આવ્યો છે. આજથી એલપીજી સિલિન્ડરની કિંમતમાં 62 રૂપિયાનો વધારો કરવામાં આવ્યો છે. ઓઇલ કંપનીઓએ 19 કિલોના કોમર્શિયલ એલપીજી સિલિન્ડરની કિંમતમાં વધારો કર્યો છે. કંપનીઓએ 14.2 કિલોના ઘરેલુ સિલિન્ડરના ભાવમાં કોઈ ફેરફાર કર્યો નથી. મુંબઈમાં 19 કિલોનો કોમર્શિયલ LPG સિલિન્ડર 1692.50 રૂપિયાને બદલે 1754 રૂપિયામાં મળશે.

એર ટર્બાઇન ફ્યુઅલ (ATF)ની કિંમતમાં સુધારો કરવામાં આવ્યો છે. છેલ્લા કેટલાક મહિનામાં એવિએશન ફ્યુઅલની કિંમતમાં ઘટાડો જોવા મળ્યો હતો. ઓક્ટોબરમાં એટીએફની કિંમત 93,480.22 રૂપિયા પ્રતિ કિલોલીટરથી ઘટીને 87,597.22 રૂપિયા પ્રતિ કિલોલીટર થઈ ગઈ હતી. જો કે, હવે તેની કિંમત વધી છે. દિલ્હીમાં તેની કિંમત 90,538.72 રૂપિયા પ્રતિ કિલોલીટર પર પહોંચી ગઈ છે.

1 નવેમ્બરથી, અનસિક્યોર્ડ SBI ક્રેડિટ કાર્ડ્સ પર દર મહિને 3.75 રૂપિયાના ફાઇનાન્સ ચાર્જ ચૂકવવાના રહેશે. આ સિવાય વીજળી, પાણી, LPG ગેસ અને અન્ય ઉપયોગિતા સેવાઓમાં 50,000 રૂપિયાથી વધુની ચુકવણી પર 1 ટકા વધારાનો ચાર્જ ચૂકવવો પડશે.  ઇન્ડિયન બેંકની સ્પેશિયલ ફિક્સ્ડ ડિપોઝિટ (FD)માં 30 નવેમ્બર, 2024 સુધીમાં જ રોકાણ કરી શકાશે કારણ કે તે છેલ્લી તારીખ છે. ઈન્ડ સુપર યોજના 300 દિવસો પર સામાન્ય લોકો માટે 7.05%, વરિષ્ઠ લોકો માટે 7.55% અને સુપર વરિષ્ઠ નાગરિકો માટે 7.80% વ્યાજ દર ઓફર કરે છે.

રિઝર્વ બેંક ઓફ ઈન્ડિયા (RBI) એ ડોમેસ્ટિક મની ટ્રાન્સફર (DMT) માટે નવા નિયમો જાહેર કર્યા છે, જે 1 નવેમ્બર, 2024 થી અમલમાં આવશે. આ નિયમોનો ઉદ્દેશ્ય બેંકિંગ ચેનલો દ્વારા થતી છેતરપિંડી અટકાવવાનો છે. ભારતીય રેલવેની ટ્રેન ટિકિટ એડવાન્સ રિઝર્વેશન ટિકિટ બુકિંગનો સમય હવે 120 દિવસથી ઘટીને 60 દિવસ થઇ ગયો છે.

Also read: સપાએ ભાજપના ‘બટેંગે તો કટંગે’ના નારાનો આપ્યો જવાબ, લખનઉમાં જોવા મળ્યા પોસ્ટર

1 નવેમ્બર, 2024થી UPI લાઇટ પ્લેટફોર્મમાં મોટો ફેરફાર થયો છે. હવે UPI લાઇટ યુઝર્સ વધુ પેમેન્ટ કરી શકશે. RBIએ પણ તેની ટ્રાન્ઝેક્શન લિમિટ વધારી દીધી છે. બેંકો નવેમ્બરમાં ઘણા દિવસ બંધ રહેશે. નવેમ્બરમાં કુલ 13 દિવસની બેંક રજાઓ રહેશે. આ બેંક રજાઓ દરમિયાન તમે બેંકોની ઓનલાઈન સેવાઓનો ઉપયોગ કરીને તમારું બેંકિંગ સંબંધિત કામ કરી શકો છો. આ સેવા ચોવીસે કલાક કાર્યરત રહે છે