Stock Market:શેરબજાર સપ્તાહના અંતિમ દિવસે કકડભૂસ, સેન્સેક્સમાં 808.65 પોઈન્ટનો ઘટાડો
મુંબઇ : ભારતીય શેરબજાર(Stock Market)આજે સપ્તાહના અંતિમ દિવસે ઘટાડા સાથે બંધ થયું હતું. ગયા સપ્તાહે શુક્રવારથી બજારમાં ઘટાડો જોવા મળી રહ્યો છે. શેરબજારમાં આજે સતત 5માં દિવસે ઘટાડાનો દોર રહ્યો હતો. આજે શુક્રવારે સેન્સેક્સ 808.65 પોઈન્ટ ઘટીને 81,688.45 પોઈન્ટ પર બંધ થયો હતો. બીજી તરફ નિફ્ટી 50 પણ 200.25 પોઈન્ટ ઘટીને 25,049.85 પોઈન્ટ પર બંધ રહ્યો હતો. આ અઠવાડિયું ભારતીય શેર બજારમાં રોકાણકારો માટે ઘણું ખરાબ રહ્યું. આ અઠવાડિયે સેન્સેક્સમાં કુલ 3883.40 પોઈન્ટનો ઘટાડો નોંધાયો હતો. જ્યારે બીજી તરફ નિફ્ટી 50માં કુલ 1129.10 પોઈન્ટનો ઘટાડો નોંધાયો હતો.
ગયા સપ્તાહે શુક્રવારથી આ ઘટાડો ચાલુ રહ્યો
ગત સપ્તાહે શુક્રવારથી ભારતીય બજારમાં ઘટાડાનો દોર ચાલુ છે. ગત અઠવાડિયે ગુરુવારે સેન્સેક્સ 666.25 પોઈન્ટના વધારા સાથે 85,836.12 પોઈન્ટની નવી વિક્રમી સપાટીએ 26,216.05 પોઈન્ટ અને નિફ્ટી 50 211.90 પોઈન્ટના વધારા સાથે 26,216.05 પોઈન્ટની નવી વિક્રમી સપાટીએ બંધ રહ્યો હતો. એટલે કે ગયા સપ્તાહે ગુરુવારથી અત્યાર સુધીમાં સેન્સેક્સમાં 4147.67 પોઈન્ટ્સ અને નિફ્ટીમાં 1166.20 પોઈન્ટનો ઘટાડો નોંધાયો છે.
આ પણ વાંચો : ઝુકેગા નહીંઃ શેરબજારમાં ‘સુનામી’, પણ આટલા શેરોમાં ધૂમ તેજી, અપર સર્કિટ
સેન્સેક્સની 30માંથી 22 કંપનીઓના શેર ઘટાડા સાથે બંધ થયા
શુક્રવારે સેન્સેક્સની 30માંથી 22 કંપનીઓના શેર ઘટાડા સાથે બાકીની 8 કંપનીઓના શેર વધારા સાથે બંધ થયા હતા. એ જ રીતે નિફ્ટી 50માં 50માંથી 37 કંપનીઓના શેર લાલ ઘટાડા સાથે અને 13 કંપનીઓના શેર વધારા સાથે બંધ થયા હતા.
આ શેરોના ભાવમાં ઘટાડો નોંધાયો
આજે સેન્સેક્સ કંપનીઓમાં મહિન્દ્રા એન્ડ મહિન્દ્રાના શેરમાં 3.58 ટકાનો સૌથી મોટો ઘટાડો નોંધાયો હતો. બજાજ ફાઈનાન્સ 3.01 ટકા, નેસ્લે ઈન્ડિયા 2.85 ટકા, એશિયન પેઈન્ટ્સ 2.49 ટકા, ભારતી એરટેલ 2.09 ટકા, અલ્ટ્રાટેક સિમેન્ટ 1.99 ટકા, આઈટીસી 1.86 ટકા, હિન્દુસ્તાન યુનિલિવર 1.60 ટકા, પાવરગ્રીડ 1.57 ટકા, એચડી 511 ટકા, એચડી 511 ટકા, એચડી 511 ટકા, ફિન સર્વિસ બેન્ક 1.99 ટકા. રિલાયન્સનો શેર 1.47 ટકા, ICICI બેન્ક 1.38 ટકા, NTPC 1.21ટકા ઘટીને બંધ રહ્યો હતો. આ સિવાય અદાણી પોર્ટ્સ, કોટક મહિન્દ્રા બેંક, JSW સ્ટીલ, મારુતિ સુઝુકી, ટાઇટન, લાર્સન એન્ડ ટુબ્રો, સન ફાર્મા અને ટાટા સ્ટીલના શેર પણ ઘટાડો જોવા મળ્યો.
સેન્સેક્સમાં ઘટાડા છતાં આ શેરોમાં વધારો જોવા મળ્યો
આ ઘટાડા વચ્ચે ઈન્ફોસિસના શેરમાં સૌથી વધુ 1.33 ટકાનો વધારો નોંધાયો હતો. ટેક મહિન્દ્રાના શેરમાં 0.83 ટકા, ટાટા મોટર્સના શેરમાં 0.50 ટકા, TCSના શેરમાં 0.42 ટકા, સ્ટેટ બેન્કના શેરમાં 0.28 ટકા, HCL ટેકના શેરમાં 0.27 ટકા અને ઇન્ડસઇન્ડ બેન્કના શેરમાં 0.12 ટકાનો વધારો થયો છે.
