હાઇ વૉલ્ટેજ ડ્રામા બાદ MCDની સ્થાયી સમિતિની બેઠક માટે આજે ચૂંટણી

નવી દિલ્હી : દિલ્હી મ્યુનિસિપલ કોર્પોરેશન (MCD)ની સ્થાયી સમિતિની છઠ્ઠી બેઠક માટેની ચૂંટણી વિવાદ બાદ  ગુરુવારે મોકૂફ રાખવામાં આવી હતી. મેયર શૈલી ઓબેરોયે 5 ઓક્ટોબર સુધી ચૂંટણી સ્થગિત કરી દીધી હતી. જ્યારે બાદમાં લેફ્ટનન્ટ ગવર્નર વી.કે. સક્સેનાએ મેયરના નિર્ણયને પલટી નાખ્યો હતો.દિલ્હીના લેફ્ટનન્ટ ગવર્નર વીકે સક્સેનાએ ગુરુવારે મ્યુનિસિપલ કમિશનરને આદેશ આપ્યો કે તેઓ શુક્રવારે એમસીડી સ્ટેન્ડિંગ કમિટીની છેલ્લી ખાલી બેઠક માટે ચૂંટણી યોજે. એલજીના જણાવ્યા અનુસાર, ચૂંટણી બપોરે 1 વાગ્યે યોજાશે.જેમાં ઉમેર્યું હતું કે વધારાના કમિશનર જિતેન્દ્ર યાદવ ચૂંટણીની અધ્યક્ષતા કરશે.

ચૂંટણી મુલતવી રાખવાના નિર્ણયને ઉલટાવી દીધો

જેમાં છેલ્લી ક્ષણે દરમિયાનગીરી કરીને  લેફ્ટનન્ટ ગવર્નર વી.કે. સક્સેનાએ મોડી રાત્રે સ્થાયી સમિતિની છેલ્લી ખાલી બેઠક માટે ચૂંટણી મુલતવી રાખવાના નિર્ણયને ઉલટાવી દીધો અને MCD કમિશનર અશ્વિની કુમારને 10 વાગ્યા સુધીમાં રિપોર્ટ સબમિટ કરવાનો નિર્દેશ આપ્યો.સક્સેનાએ નિર્દેશ આપ્યો કે જો મેયર ચૂંટણી કરાવવાનો ઇનકાર કરે તો ડેપ્યુટી મેયરને ચૂંટણી માટે પ્રિસાઇડિંગ ઓફિસર બનાવવામાં આવે અને જો ડેપ્યુટી મેયર પણ ચૂંટણી કરાવવાનો ઇનકાર કરે તો ગૃહના સૌથી વરિષ્ઠ સભ્ય ચૂંટણી કરાવશે.

કોર્ટના નિર્દેશો અનુસાર ચૂંટણી કરાવવાનું કહ્યું

આદેશ બાદ MCD કમિશનરે સ્ટેન્ડિંગ કમિટીના છઠ્ઠા સભ્ય માટે ચૂંટણી કરાવવાનો આદેશ જાહેર કર્યો હતો.ભાજપ દિલ્હી એકમના અધ્યક્ષ વીરેન્દ્ર સચદેવાએ એક નિવેદનમાં જણાવ્યું હતું કે ભાજપે MCD કમિશનરને કાયદા અને સુપ્રીમ કોર્ટના નિર્દેશો અનુસાર ચૂંટણી કરાવવાનું કહ્યું છે.

હાલમાં ભાજપ પાસે સ્થાયી સમિતિમાં નવ સભ્યો છે. જ્યારે AAP પાસે આઠ છે. પશ્ચિમ દિલ્હી મતવિસ્તારમાંથી પક્ષના સંસદસભ્ય તરીકે ચૂંટાયા બાદ દ્વારકા-બીના ભાજપના કાઉન્સિલર કમલજીત સેહરાવતે રાજીનામું આપતાં 18મી બેઠક ખાલી થઈ હતી.

આ અગાઉ ગુરુવારે, આમ આદમી પાર્ટીના નેતા મનીષ સિસોદિયાએ ભાજપ પર MCDમાં લોકશાહીની હત્યા કરવાનો આરોપ મૂક્યો હતો અને મ્યુનિસિપલ કોર્પોરેશન હાઉસની બેઠક સ્થગિત હોવા છતાં મોડી રાત્રે સ્થાયી સમિતિના સભ્યોની ચૂંટણી યોજવા માટે દબાણ કર્યું હતું.

જ્યારે મેયર શેલી ઓબેરોયે જણાવ્યું હતું કે 5 ઓક્ટોબર પહેલા યોજાનારી કોઈપણ ચૂંટણી “ગેરકાયદે અને ગેરબંધારણીય”હશે. જ્યારે ડેપ્યુટી મેયર અને MCDના સૌથી વરિષ્ઠ સભ્યોએ આ બાબતે કોઈ પ્રતિક્રિયા આપી ન હતી.