ઉત્તર પ્રદેશમાં 513 મદરેસાઓએ સરકારને પરત કરી પોતાની માન્યતા: શું છે કારણ?
![513 madrassas in Uttar Pradesh return their accreditation to the government: What is the reason?](https://bombaysamachar.com/wp-content/uploads/2024/09/513-madrassas-in-Uttar-Pradesh-return.jpg)
નવી દિલ્હી: ઉત્તર પ્રદેશમાં 513 સરકારી માન્યતા પ્રાપ્ત મદરેસાઓએ તેમની માન્યતા સરેન્ડર કરી દીધી છે. આ પછી યુપી મદરસા બોર્ડ આ તમામ મદરેસાઓને નોટિસ પાઠવીને એ જાણવાનો પ્રયત્ન કરી રહ્યું છે અને તે જાણવાનો પ્રયાસ કરી રહ્યું છે કે આ મદરેસાઓ શા માટે તેમની માન્યતા રદ્દ કરવા માંગે છે. યોગી સરકારની મદરેસાઓ અંગેની કડક નીતિના કારણે શું આ મદરેસાઓ પોતાની માન્યતા પાછી ખેંચી રહ્યા છે કે કેમ તે અંગે પણ સવાલો થઈ રહ્યા છે.
આ પણ વાંચો : વાલ્મિકી દ્વારા લિખિત રામાયણ અને રામચરિત માનસનો ઉર્દૂ અનુવાદ એશિયાના સૌથી મોટા મદરેસામાં આજે પણ સલામત….
હકીકતે વર્ષ 2017માં યુપીમાં યોગી સરકાર બન્યા પછી, મદરેસા પોર્ટલ બનાવવામાં આવ્યું હતું કે જેથી કરીને રાજ્યમાં નકલી મદરેસા ન ચાલી શકે. પોર્ટલનું પરિણામ એ આવ્યું કે નકલી મદરેસાઓ મોટા પાયે બંધ થઈ ગયા. 2017 પહેલા, યુપીમાં 22000 થી વધુ માન્ય મદરેસાઓ હતી પરંતુ પોર્ટલની રચના પછી ઘટીને 16500 થઈ ગઈ.
મદરેસામાં બાળકોને ચોરી કે નકલ કરતા અટકાવવા માટે કેન્દ્રોમાં વેબ કેમેરા લગાવવામાં આવ્યા હતા. યુપીમાં માન્યતા વિનાની મદરેસાઓનો સર્વે કરવામાં આવ્યો હતો, જેમાં મદરેસાઓને મળતા અનુદાન પર પણ સવાલો ઉઠાવવામાં આવ્યા હતા. સરકારે મદરેસાઓને મળેલા દાનની SIT તપાસનો આદેશ પણ આપ્યો હતો. આ મદરેસાઓને પૈસા ક્યાંથી મળી રહ્યા છે, શિક્ષકોને પગાર ચૂકવવા, હોસ્ટેલમાં બાળકો પર ખર્ચ કરવા, મદરેસાની ઇમારતો બનાવવા અને મદરેસાઓમાં શું ભણાવવામાં આવે છે તે માટે ભંડોળ ક્યાંથી છે? એસઆઈટીને એ શોધવાનું કામ સોંપવામાં આવ્યું હતું.
આ પણ વાંચો : ઉત્તરાખંડ વક્ફ બોર્ડનો મોટો નિર્ણય, મદરેસાઓમાં રામ કથા શીખવવામાં આવશે!
મદરેસાના લોકોનું કહેવું છે કે તપાસ માટે સરકારના તપાસને લઈને આપેલા તપાસના આદેશોથી પરેશાન કેટલીક મદરેસાઓએ માન્યતા રદ કરવા માટે અરજી કરી છે. કેટલાક લોકોનું કહેવું છે કે 2017 પહેલા કેન્દ્ર અને રાજ્ય સરકારો આધુનિક શિક્ષણ માટે ત્રણ શિક્ષકોનો પગાર કરતી હતી, જે હવે બંધ થઈ ગઈ છે જેના કારણે મદરેસા ચલાવવા મુશ્કેલ બની રહ્યા છે.