ડાયાબિટીસના દર્દીઓ માટે વરદાનથી કમ નથી આ જ્યુસો, બ્લડ શુગર લેવલ કંટ્રોલમાં રાખે છે…
ડાયાબિટીસ એક અસાધ્ય રોગ છે, જેનો કોઈ ઈલાજ શક્ય નથી. તેને માત્ર દવાઓ અને યોગ્ય આહારથી નિયંત્રિત કરી શકાય છે. ડાયાબિટીસના રોગમાં, સ્વાદુપિંડ પૂરતું ઇન્સ્યુલિન ઉત્પન્ન કરતું નથી, જેના કારણે બ્લડ સુગરનું સ્તર વધવા લાગે છે. જો તેને સમયસર કાબૂમાં લેવામાં ન આવે તો આ રોગ શરીરના ઘણા મોટા અંગોને નુકસાન પહોંચાડે છે. ડાયાબિટીસના દર્દીઓએ તેમના આહાર પર વિશેષ ધ્યાન આપવાની જરૂર છે. જો તમે શરીરમાં બ્લડ શુગર લેવલને કંટ્રોલ કરવા ઈચ્છો છો, તો તમે તમારા આહારમાં કેટલાક ગ્રીન જ્યુસ સામેલ કરી શકો છો. આજે અમે તમને કેટલાક ગ્રીન જ્યુસ વિશે જણાવવા જઈ રહ્યા છીએ, જેના સેવનથી બ્લડ શુગર લેવલને ઘણી હદ સુધી નિયંત્રિત કરવામાં મદદ મળી શકે છે. આવો, આપણે તેના વિશે જાણીએ.
આ પણ વાંચો : Diabetesના દરદી છો અને કેરી ખાવાનું મન થાય છે ? તો પહેલા આ વાંચી લો
પાલકનો જ્યુસ
ડાયાબિટીસના દર્દીઓ માટે પાલકના જ્યુસનું સેવન ખૂબ જ ફાયદાકારક સાબિત થઈ શકે છે. તેમાં વિટામીન, મિનરલ્સ અને એન્ટીઓક્સીડેન્ટ ભરપૂર માત્રામાં હોય છે, જે બ્લડ સુગર લેવલને નિયંત્રિત કરવામાં મદદ કરે છે. તેમાં કેલરીની માત્રા ઘણી ઓછી હોય છે, તેથી તેનું સેવન કરવાથી વજન ઘટાડવામાં પણ મદદ મળે છે. તેના નિયમિત સેવનથી અનેક ગંભીર બીમારીઓથી બચી શકાય છે.
આ પણ વાંચો : Diabetes ના દર્દીઓ માટે આ ફળ ખાસ ફાયદાકારક, વજન ઉતારવામાં પણ થશે મદદગાર
મોરિંગા જ્યુસ
ડ્રમસ્ટિક (સરગવાની સિંગ) એટલે કે મોરિંગાનો જ્યુસ શરીરમાં વધતા બ્લડ શુગર લેવલને નિયંત્રિત કરવામાં ખૂબ જ ફાયદાકારક સાબિત થઈ શકે છે. તેમાં ઘણા પ્રકારના વિટામીન, મિનરલ્સ અને એન્ટીઓક્સિડેન્ટ હોય છે, જે ડાયાબિટીસને કંટ્રોલ કરવામાં મદદ કરે છે. તેના નિયમિત સેવનથી સ્થૂળતા અને એનિમિયા જેવી ઘણી બીમારીઓને દૂર કરવામાં મદદ મળે છે.
આ પણ વાંચો : શું ડાયાબિટીસના દર્દીઓ કેરી ખાઇ શકે?
આમળાનો જ્યુસ
શરીરમાં વધેલા બ્લડ શુગર લેવલને કંટ્રોલ કરવા માટે તમે તમારા આહારમાં આમળાનો રસ સામેલ કરી શકો છો. તેમાં એન્ટીઓક્સીડેન્ટ્સ અને હાઈપોગ્લાયકેમિક પ્રોપર્ટીઝ હોય છે, જે બ્લડ સુગર લેવલને ઘટાડવામાં મદદ કરે છે. તેમજ તેમાં વિટામીન સી ભરપૂર માત્રામાં જોવા મળે છે, જે રોગપ્રતિકારક શક્તિ વધારવામાં મદદ કરે છે. ડાયાબિટીસના દર્દીઓ દરરોજ સવારે ખાલી પેટે 50 થી 60 મિલી આમળાના રસનું સેવન કરી શકે છે.
આ પણ વાંચો : Health Tips: ડાયાબિટીસનું આ લક્ષણ ફક્ત રાત્રે જ દેખાય છે! જો જો હો ક્યાંક તમને…
કારેલાનો જ્યુસ
કારેલાનો જ્યુસ ડાયાબિટીસને કંટ્રોલ કરવામાં ખૂબ જ ફાયદાકારક છે. તેમાં પોલીપેપ્ટાઈડ પી નામનું તત્વ હોય છે, જે બ્લડ સુગર લેવલને ઝડપથી ઘટાડવામાં મદદ કરે છે. ડાયાબિટીસના દર્દીઓને સવારે ખાલી પેટે સૌથી પહેલા કારેલાનો રસ પીવાની સલાહ આપવામાં આવે છે.
દૂધીનો જ્યૂસ
દૂધીનો જ્યુસ ડાયાબિટીસના દર્દીઓ માટે ટોનિકથી ઓછો નથી. તેનો ગ્લાયકેમિક ઇન્ડેક્સ ઓછો છે, તેથી તેના સેવનથી બ્લડ સુગરમાં ઝડપથી વધારો થતો નથી. આ સિવાય તેમાં ભરપૂર માત્રામાં ફાઈબર હોય છે, જે બ્લડ શુગર લેવલને નિયંત્રિત કરવામાં મદદ કરે છે. તેના નિયમિત સેવનથી પાચન સંબંધી સમસ્યાઓ પણ દૂર થાય છે.
