Janmashtami special: મોરપીંછનો આવો ઉપયોગ કરશો શ્રીકૃષ્ણ બધા ગ્રહદોષ દૂર કરશે
![Janmashtami special: If you use peacock feather like this, Shri Krishna will remove all planetary doshas](https://bombaysamachar.com/wp-content/uploads/2024/08/krishana-780x470.webp)
આવતીકાલે સૌ કોઈ કાનૂડાના જન્મોત્સવની તૈયારીઓ કરશે અને રાત્રે 12 વાગ્યે નંદ ગેર આનંદ ભયોના નાદ સાથે કૃષ્ણ જન્મ ઉજવાશે. ભગવાન કૃષ્ણ નટખટ અને રમતિયાળ છે, પણ સાથે પોતાના ભક્તોની વ્હારે અચૂક આવે છે. કૃષ્ણને પ્રિય વસ્તુઓમાં માખણ, વાંસળી સાથે મોરપંખ કે મોરપીંછ પણ છે. આ મોરપીંછ સાથે જોડાયેલા અમુક ઉપાયો અમે તમને જણાવીશું, જે તમારા ઘરમાં ધનની વર્ષા કરશે અને સાથે પરિવારમાં સુખ-શાંતિ લાવશે.
મોર પીંછ હંમેશા ભગવાન કૃષ્ણના મુગટને શણગારે છે. મોર પીંછાને પણ શુભ, પવિત્રતા અને સમૃદ્ધિનું પ્રતીક માનવામાં આવે છે. એવું માનવામાં આવે છે કે મોર પીંછાનો ઉપયોગ નકારાત્મક ઊર્જાને દૂર કરે છે અને તમને ઘણા ગ્રહ દોષોથી પણ મુક્ત કરે છે. તેથી, જન્માષ્ટમીના દિવસે, તમારે મોરના પીંછાથી સંબંધિત કેટલાક ઉપાય કરવા જોઈએ.
પૂજાના રૂમમાં રાખો મોરપીંછ અને મેળવો લાભઃ
જન્માષ્ટમીની રાત્રે ભગવાન કૃષ્ણની વિધિવત પૂજા કર્યા પછી તમારે કૃષ્ણની મૂર્તિ અથવા ચિત્રની સામે મોરનાં પીંછાં રાખવા જોઈએ. આનાથી ભગવાન કૃષ્ણના આશીર્વાદ સાથે તમને દેવી લક્ષ્મીની કૃપા પણ મળે છે અને ઘરમાં ધનની વૃદ્ધિ થાય છે.
તિજોરીમાં રાખો મોરનું પીંછઃ
જન્માષ્ટમીના દિવસે જો તમે મોરના પીંછાને લાલ કપડામાં લપેટીને તમારી તિજોરીમાં અથવા જ્યાં પૈસા રાખો છો ત્યાં રાખો તો તમને ઘણા ફાયદા થઈ શકે છે. આ ઉપાય તમારી આર્થિક સ્થિતિને મજબૂત બનાવે છે અને તમારા ઘરમાં સુખ-સમૃદ્ધિ લાવે છે. આ સાથે તમારા નાણાનો ખોટો ખર્ચ અટકાવે છે અને ઓછી આવકમાં પણ ઘરમાં બરકત લાગે છે.
આ પણ વાંચો : મથુરામાં શ્રી કૃષ્ણ જન્મોત્સવ કાર્યક્રમ આજથી શરૂ, Janmashtamiના કાર્યક્રમોનું જુઓ સંપૂર્ણ લિસ્ટ…
શ્રી કૃષ્ણના શણગારમાં મોરપીંછ અવશ્ય મૂકોઃ
જન્માષ્ટમીના દિવસે તમારે ભગવાન શ્રી કૃષ્ણના બાળ સ્વરૂપને મોરના પીંછાથી શણગારવું જોઈએ. આ ઉપાય કરવાથી ઘરમાં રહેલી નકારાત્મક શક્તિઓનો નાશ થાય છે.
આ ઉપાયથી ઘરના વાસ્તુ દોષ દૂર થશેઃ
જન્માષ્ટમીના દિવસે જો તમે મોરનું પીંછા ઘરની પૂર્વ દિશામાં રાખો છો તો ઘરના વાસ્તુ દોષ દૂર થઈ જશે. વાસ્તુ દોષોને દૂર કરવાથી તમને માનસિક અને શારીરિક સુખ તો મળે જ છે, પરંતુ આર્થિક લાભની પણ શક્યતાઓ રહે છે.
તમારા કાર્યસ્થળ પર મોરનું પીંછું રાખોઃ
જો તમે તમારી કારકિર્દી અથવા વ્યવસાયમાં મુશ્કેલીઓનો સામનો કરી રહ્યા છો, પણ આવક સારી નથી, તો તમારે તમારા કાર્યસ્થળ પર મોરનું પીંછું રાખવું જોઈએ. તેને રાખવાથી તમને તમારી કારકિર્દીમાં લાભ મળે છે અને તમને નવી તકો મળવા લાગે છે.
આ સાથે આ બબાતોનું રાખો ખાસ ધ્યાનઃ
મોરના પીંછાને હંમેશા પવિત્ર અને સ્વચ્છ જગ્યાએ રાખો.
જન્માષ્ટમીના દિવસે મોરના પીંછાને ગંગાજળથી પવિત્ર કરીને તેનો ઉપયોગ કરો.
મોરપીંછને ક્યાંય બંધ કરી ન રાખશો. તેને ખુલ્લામાં રાખજો.