શુરા ખાનના કારણે મલાઈકાએ અરબાઝ સાથે કર્યું કંઇક એવું કે..
![Malaika did something with Arbaaz because of Shura Khan..](https://bombaysamachar.com/wp-content/uploads/2024/08/Yogesh-2024-08-06T130551.334.jpg)
અભિનેત્રી મલાઈકા અરોરાનું અંગત જીવન હંમેશા ચર્ચાનો વિષય રહ્યું છે. બોલિવૂડ એક્ટ્રેસ મલાઈકા અરોરા તેની પ્રોફેશનલ લાઈફ કરતાં તેના અંગત જીવન માટે વધુ ચર્ચામાં રહે છે. દરમિયાન, સમાચાર આવી રહ્યા છે કે અભિનેત્રીએ તેના પૂર્વ પતિ અરબાઝ ખાનને ઇન્સ્ટાગ્રામ પરથી અનફોલો કરી દીધો છે.
અભિનેત્રીએ અરબાઝ ખાન સાથે લગ્ન કર્યા હતા અને બંને તેમના પુત્ર અરહાનના માતા-પિતા બન્યા. અરબાઝ અને મલાઈકાએ તેમના લગ્નજીવનના 19 વર્ષ બાદ અલગ થવાનો નિર્ણય લીધો હતો. બંનેએ એકબીજા સાથે સૌહાર્દપૂર્ણ સંબંધો જાળવી રાખ્યા છે અને પુત્રનો ઉછેર સાથે કરવાનો નિર્ણય લીધો છે. અરબાઝે શુરા ખાન સાથે લગ્ન કરી લીધા છે અને મલાઈકાએ તેના બોયફ્રેન્ડ અર્જુન કપૂર સાથે બ્રેકઅપ કરી લીધું છે. અર્જુન સાથેના બ્રેકઅપના સમાચાર વચ્ચે પણ મલાઈકા સોશિયલ મીડિયા પર તેના પૂર્વ પતિ અરબાઝને ફોલો કરતી હતી. હવે એક રિપોર્ટમાં કહેવામાં આવ્યું છે કે મલાઈકાએ તેના ઇન્સ્ટાગ્રામ એકાઉન્ટમાંથી અરબાઝને અનફોલો કરી દીધો છે. અરબાઝને અનફોલો કરવાના સમાચાર ત્યારે સામે આવ્યા જ્યારે તેની પત્ની શુરા ખાને તેને સોશિયલ મીડિયા પર જન્મદિવસની શુભેચ્છા પાઠવી. અરબાઝ ખાને 4 ઓગસ્ટે પોતાનો 57મો જન્મદિવસ ઉજવ્યો હતો. આ ખાસ અવસર પર શૂરા ખાને તેનો ડાન્સ વીડિયો શેર કરીને અભિનેતાને જન્મદિવસની શુભેચ્છા પાઠવી હતી. જો કે આ અંગે મલાઈકા કે અરબાઝ તરફથી કોઈ પ્રતિક્રિયા આવી નથી. મલાઇકા હાલમાં સિંગલ છે અને મી ટાઇમ માણી રહી છે. અરબાઝ તેની પત્ની શૂરા સાથે મઝાનો ટાઇમ પસાર કરી રહ્યો છે.
મલાઈકા અરોરા લાંબા સમયથી અર્જુન કપૂર સાથે રિલેશનશિપમાં હતી. અહેવાલ મુજબ, બંનેએ થોડા મહિના પહેલા તેમના સંબંધોનો અંત લાવ્યો છે. જોકે, તેમણે આ અંગે હાલમાં ચુપકીદી જ સેવી છે. બંનેએ સારા મિત્ર રહેવાનું નક્કી કર્યું છે. ગયા વર્ષે, એવા અહેવાલો આવ્યા હતા કે મલાઈકા અને અર્જુનનું બ્રેકઅપ થઈ ગયું છે, પરંતુ પછી તેઓએ સમાધાન કર્યું હતું. તેમના બ્રેક અપ માટે એવું જણાવવામાં આવે છે કે બંનેમાંથી એક જણ સંબંધને નામ આપવા માંગે છે, પણ બીજું તૈયાર નથી.