Paris Olympics-IND VS ARGENTINA: છેલ્લી મિનિટમાં હરમનપ્રીત સિંહે કર્યો ચમત્કાર અને મેચ ડ્રોમાં પરિણમી
પેરિસઃ ભારતીય પુરુષ હૉકી ટીમે પેરિસ ઓલિમ્પિક 2024માં તેની બીજી મેચ આર્જેન્ટિના સામે રમી હતી, જે 1-1થી ડ્રો રહી હતી. આ મેચમાં લુકાસ માર્ટિનેઝે 22મી મિનિટે આર્જેન્ટિના માટે ગોલ કર્યો હતો. જ્યારે ભારત માટે હરમનપ્રીત સિંહે રમતની 59મી મિનિટે પેનલ્ટી કોર્નર પર ગોલ કર્યો હતો. ભારતીય ટીમ હવે પુલ બીની આગામી મેચ 30 જુલાઈએ આયરલેન્ડ સામે રમશે. ભારતીય ટીમે તેની પહેલી મેચમાં ન્યૂ ઝીલેન્ડને 3-2થી હરાવ્યું હતું.
આ મેચના પ્રથમ ક્વાર્ટરમાં કોઈ ગોલ થયો ન હતો. જોકે, બંને ટીમોને ચોક્કસપણે એક-એક પેનલ્ટી કોર્નર મળ્યો હતો. ત્યારબાદ બીજા ક્વાર્ટરની 7મી મિનિટે આર્જેન્ટિના તરફથી લુકાસ માર્ટિનેઝે જમણી બાજુએથી જોરદાર શોટ માર્યો અને ભારતીય ગોલકીપર પીઆર શ્રીજેશ તેને રોકી શક્યો નહીં. અગાઉ આ જ ક્વાર્ટરમાં ભારતને સતત ત્રણ પેનલ્ટી કોર્નર મળ્યા હતા, પરંતુ ગોલ થઈ શક્યો નહોતો. હાફ ટાઈમમાં આર્જેન્ટિના 1-0થી આગળ હતું.
આ પણ વાંચો: Paris Olympics: આવતીકાલે ભારતના ખેલાડીઓ આટલી રમતોમાં લેશે ભાગ
હાફ ટાઈમ બાદ આર્જેન્ટિનાની ટીમે કેટલીક સારી રમત બતાવી હતી. રમતની 37મી મિનિટે આર્જેન્ટિનાને પેનલ્ટી સ્ટ્રોક પર ગોલ કરવાની તક મળી હતી, પરંતુ માકો કેસેલા ગોલ કરી શક્યો નહોતો. આ ક્વાર્ટરમાં ભારતને પેનલ્ટી કોર્નર પર ગોલ કરવાની તક પણ મળી હતી, પરંતુ તે આ તક ચૂકી ગઈ હતી.
છેલ્લા ક્વાર્ટરમાં પણ બંને ટીમો વચ્ચે જોરદાર સ્પર્ધા જોવા મળી હતી. એક સમયે એવું લાગતું હતું કે ભારતીય ટીમ કદાચ હારશે નહીં કારણ કે 57મી મિનિટ સુધી તે મેચમાં 0-1થી પાછળ હતી.
આ પછી ભારતને 58મી અને 59મી મિનિટની વચ્ચે સતત ચાર પેનલ્ટી કોર્નર મળ્યા હતી. કેપ્ટન હરમનપ્રીત ત્રણ પ્રયાસમાં ગોલ કરી શક્યો ન હતો પરંતુ અંતે કેપ્ટને કોર્નર કન્વર્ટ કરીને મેચને ડ્રો કરવામાં સફળતા મેળવી હતી.
