આનંદો! હવે પાણી કાપને બાય બાય, મુંબઇને પાણી પૂરું પાડતા ચાર તળાવ છલકાયા

મુંબઈને પાણી પૂરું પાડતા જળાશયોના કેચમેન્ટ એરિયામાં ભારે વરસાદ થયો છે, જેના પરિણામે પાણીના સંગ્રહમાં સતત વધારો થઈ રહ્યો છે. હાલમાં, ચાર જળાશયો-વિહાર, તુલસી, તાનસા અને મોડકસાગર-ઉભરાઈ રહ્યા છે. ગુરુવારે સવારે 6 વાગ્યા સુધીમાં, તમામ સાત તળાવોમાં કુલ પાણીનો સ્ટોક તેમની કુલ ક્ષમતાના 66.77% હતો, જે ગયા વર્ષે સમાન સમયે 55.18% હતો.

વિહાર, તુલસી, તાનસા અને મોડકસાગર સહિતના મુંબઈના જળાશયો ભારે વરસાદને કારણે ઓવરફ્લો થઈ રહ્યા છે, જેના કારણે પાણીનો સ્ટોક વધીને 66.77% થયો છે. પરિણામે, BMC 29 જુલાઈ, 2024 ના રોજથી મુંબઈ, થાણે શહેર, ભિવંડી અને આસપાસના વિસ્તારો માટે 10% પાણી કાપ ઉઠાવી લેશે.

આ પણ વાંચો :ગુજરાતમાં વરસાદે વેરી બન્યો, વધુ બેનાં જીવ ગયા, ચારેકોર પાણી જ પાણી

મુંબઈને પાણી પૂરુ પાડતા તળાવોના કેચમેન્ટ એરિયામાં છએલ્લા કેટલાક દિવસથી સતત ભારે વરસાદને કારણે જળાશયોમાં પાણીનું સ્તર વધી રહ્યું છે. મુંબઈને પાણી પૂરું પાડતું અન્ય એક જળાશય, તાનસા બુધવારે ઓવરફ્લો થવાનું શરૂ થયું હતું. 20 જુલાઈના રોજ તુલસી પછી ઓવરફ્લો થનારું તાનસા બીજું તળાવ હતું. ગયા વર્ષે 26 જુલાઈના રોજ તાનસા તળાવ ઓવરફ્લો થયું હતું. આજે જ સવારે BMCએ વિહાર અને મોડકસાગર તળાવ છલકાયા હોવાની માહિતી આપી છે.

ભાતસા, અપર વૈતરણા, મધ્ય વૈતરણા, તાનસા, મોડક સાગર, વિહાર અને તુલસી એમ સાત જળાશયો મુંબઇને પાણી પુરવઠો પૂરો પાડે છે