હનીમૂનથી પરત ફરેલા કપલે અંગત પળોના ફોટા ભૂલમાં ફેમિલી ગ્રુપમાં મોકલી આપ્યા પછી

મોબાઈલ ફોને જીવનને જેટલું સરળ બનાવી દીધું છે તેટલું જ ટેકનોલોજીના આ યુગમાં જીવન પણ જોખમી બની ગયું છે. ખાસ કરીને જ્યારે આપણે ફોનમાં આપણું અંગત જીવન સામેલ કરીએ છીએ. હકીકતમાં, નવપરિણીત યુગલની એક નાનકડી ભૂલ તેમને એટલી મોંઘી પડી કે તેઓ હવે તેમના બધા સંબંધીઓમાં શરમ અનુભવે છે અને પરિવાર અને મિત્રોને આ તસવીરો આગળ ન મોકલવા વિનંતી કરી રહ્યા છે.

હનીમૂનથી પરત ફરેલા એક વ્યક્તિએ તેના ફેમિલી ગ્રૂપમાં તેના રોમાન્ટિક પળોના અંગત ફોટા મોકલી આપ્યા હતા. વ્યક્તિએ આ સમગ્ર ઘટનાની માહિતી સોશિયલ મીડિયા પર પણ શેર કરી હતી. તેણે જણાવ્યું કે જ્યારે તે હનીમૂનથી પરત ફરી રહ્યો હતો ત્યારે તેના પરિવારના સભ્યોએ તેના ફોટોગ્રાફ્સ મંગાવ્યા, તેણે ફ્લાઈટમાં જ ફોટોગ્રાફ્સનું ફોલ્ડર તૈયાર કર્યું અને તેની લિંક ફેમિલી ગ્રુપ અને મિત્રોને મોકલી આપી. આ દરમિયાન, વ્યક્તિએ તેના અંગત પળોના ખાનગી ફોટા પણ શેર કરવાની ભૂલ કરી. આ તસવીરોમાં કેટલીક ખૂબ જ અંગત તસવીરો પણ સામેલ હતી, જે વ્યક્તિએ આકસ્મિક રીતે આખા પરિવારને મોકલી દીધી હતી. ત્યાર બાદ તે વ્યક્તિ શરમ અનુભવતો હતો.

નોંધનીય છે કે આવી જ એક ભૂલ પંજાબના એક કપલને મોંઘી પડી છે. પંજાબના જલંધર શહેરમાં જાણીતી પિઝાની દુકાન ચલાવતા કપલનો એક પ્રાઈવેટ વીડિયો પણ સામે આવ્યો છે જે સોશિયલ મીડિયા પર ઝડપથી વાયરલ થઈ રહ્યો છે. જોકે, કપલનું કહેવું છે કે આ વીડિયો તેમનો નથી, પરંતુ તેને AI (આર્ટિફિશિયલ ઈન્ટેલિજન્સ) દ્વારા બનાવ્યો છે. હાલ આ મામલાની તપાસ ચાલી રહી છે.