એવું તે શું પોસ્ટ કર્યું અમિતાભ બચ્ચને કે સોશિયલ મીડિયા પર થઇ ગયા ટ્રોલ….
અમિતાભ બચ્ચનનું નામ ઈન્ડસ્ટ્રીના દિગ્ગજ કલાકારોની યાદીમાં સામેલ છે. તેઓ સોશિયલ મીડિયા પર જે કંઇ પોસ્ટ કરે એ સમાચાર બ્રેકિંગનું કામ કરે છે. ભારતીય ફિલ્મ ઈન્ડસ્ટ્રીના મોટા કલાકારોની યાદીમાં અમિતાભ બચ્ચનનું નામ સામેલ છે. આવી સ્થિતિમાં, જો તેમના સંબંધિત કોઈ સમાચાર બહાર આવે છે, તો તે બ્રેકિંગ બની જાય છે. હવે તેની સાથે જોડાયેલા એક સમાચાર સામે આવ્યા છે જેમાં યુઝર્સ તેમને જોરદાર ટ્રોલ કરી રહ્યા છે. ચાલો જાણીએ શું છે સમગ્ર મામલો?
હાલમાં યુઝર્સ અમિતાભ બચ્ચનને જોરદાર ટ્રોલ કરી રહ્યા છે. આ આખો મામલો છે મંગળવારે શેર કરાયેલ પાસનો, જે બિગ બીએ તેમના સોશિયલ મીડિયા હેન્ડલ પર શેર કર્યો હતો, જેમાં તેમણે કેપ્શન લખ્યું હતું – ‘બધાને શુભેચ્છાઓ… T-Series’ ગીત “મેરે સાથિયા” અંકિત તિવારીએ ગાયું છે અને ડીજે શેઝવુડ દ્વારા કમ્પોઝ કરવામાં આવ્યું છે. કલાકારો- કેઆરકે, રક્ષિકા શર્મા અને કેયા શર્મા. જુઓ અને આનંદ કરો! માત્ર અમિતાભ જ નહીં, આ ગીતને અનિલ કપૂર, ટાઈગર શ્રોફ, રામ ગોપાલ વર્મા, ગુરુ રંધાવા અને મધુર ભંડારકર સહિત ઘણા સેલેબ્સ દ્વારા શેર કરવામાં આવ્યું છે.
આ પણ વાંચો : ઐશ્વર્યા રાયથી અલગ થવાના સમાચાર વચ્ચે અભિષેક બચ્ચને આ શું કર્યું…?
અમિતાભ બચ્ચનની આ એક પોસ્ટે સોશિયલ મીડિયા પર એક અલગ જ માહોલ ઉભો કર્યો છે. પણ યુઝર્સ તેમને જોરદાર ટ્રોલ કરી રહ્યા છે. તેમની પોસ્ટ પર એક યુઝરે કોમેન્ટ કરી કે, ‘સરનું એકાઉન્ટ હેક થઈ ગયું છે’. જ્યારે અન્ય એક યુઝરે કોમેન્ટ કરી છે કે – ‘આવી શું મજબૂરી હતી?’ એક યુઝરે તો એમ પણ કહ્યું કે, ‘સર, આ SRK નહીં પણ KRK છે. ખરેખર, તેમને ટ્રોલ કરવાનું કારણ KRK છે.
અમિતાભ સિવાય અનિલને પણ આ ગીત શેર કરવા બદલ ટ્રોલીંગનો સામનો કરવો પડ્યો હતો. એક યુઝરે પોતાની પોસ્ટ પર લખ્યું કે, ‘અનિલ કપૂર સર માટેનું સન્માન ઘટી ગયું છે.’ જ્યારે અન્ય એક ટિપ્પણી કરી, ‘અનિલ કપૂરના એટલા ખરાબ દિવસો આવ્યા છે કે તે KRKને પ્રમોટ કરી રહ્યો છે.’
KRK એક જાણીતા ભોજપુરી અભિનેતા અને નિર્માતા છે. તે અવારનવાર પોતાની વિવાદાસ્પદ ટિપ્પણીઓને કારણે ચર્ચામાં રહે છે. આવી સ્થિતિમાં, અમિતાભ બચ્ચને કદાચ ભૂલથી જ તેમના ગીતને પ્રમોટ કર્યું છે, પણ નેટિઝન્સને એના કારણે મોટો આંચકો લાગ્યો છે કે અભિનેતાના હવે એવા દિવસો આવી ગયા કે તેમણે KRKના વીડિયોને પ્રમોટ કરવો પડ્યો!
