Vodafone Ideaએ યૂઝર્સને આપ્યો મોટો ઝટકો, આ પ્લાન સાથે મળતા બેનીફીટ્સ સમાપ્ત
મુંબઈ: Jio અને Airtelએ રીચાર્જ પ્લાનની કિંમતમાં વધારો (Recharge Plan price hike) કરતા યુઝર્સના ખિસ્સાને મોટો ફટકો પડ્યો છે, ત્યાર બાદ Vodafone-Ideaએ પણ રિચાર્જ પ્લાનની કિંમતમાં વધારો કર્યો હતો. કંપનીએ તેના પ્રીપેડ અને પોસ્ટપેડ બંને પ્લાનની કિંમતોમાં વધારો કર્યો છે, પરંતુ હવે કંપનીએ તેના યુઝર્સને વધુ એક નવો ઝટકો આપ્યો છે. Vodafone-Idea કંપનીએ તેના એક પોસ્ટપેડ પ્લાન(Postpaid Plan) સાથે ઉપલબ્ધ અનલિમિટેડ ડેટા બેનીફીટ્સ સમાપ્ત કરી દીધા છે.
Vodafone Ideaનો લોકપ્રિય પોસ્ટપેડ પ્લાન 701 રૂપિયાની કિંમતનો હતો. કંપનીએ આ પ્લાનની કિંમત વધારીને 751 રૂપિયા કરી દીધી છે, કિંમત વધારવા છતાં કંપનીએ આ પ્લાન સાથે મળનારા ફાયદામાં ઘટાડો કર્યો છે. અગાઉ, વોડાફોન આઈડિયાના આ પ્લાન સાથે અનલિમિટેડ ડેટા બેનીફીટ્સ મળતો હતો, જેના કારણે આ પોસ્ટપેડ રિચાર્જ પ્લાન લોકપ્રિય હતો.
Vodafone Ideaના 701 રૂપિયાના પ્લાન સાથે હવે યુઝર્સને અનલિમિટેડ વૉઇસ કૉલિંગ, દર મહિને 3000SMS અને 150GB ડેટા લાભ મળશે. આ પ્લાન સાથે, કંપની માસિક 150GB ડેટા લાભ સાથે 200GB ડેટા રોલઓવરની સુવિધા પણ આપી રહી છે. આ સિવાય યુઝર્સ મધરાત 12 થી સવારે 6 વાગ્યા સુધી અનલિમિટેડ ડેટાનો ઉપયોગ કરી શકે છે.
પ્લાન સાથે કંપનીએ Vi Gamesની સુવિધા પણ આપી છે. આ પોસ્ટપેડ પ્લાન સાથે 6 મહિનાની એમેઝોન પ્રાઇમ મેમ્બરશિપ, 1 વર્ષ ડિઝની પ્લસ હોટસ્ટાર, સોનીલિવ પ્રીમિયમ ટીવી અને મોબાઇલ સબ્સ્ક્રિપ્શન, સનએનએક્સટી સબ્સ્ક્રિપ્શન, સ્વિગી સબસ્ક્રિપ્શન (દર ત્રણ મહિને બે કૂપન સાથે), અને ઇઝીડીનરની ઍક્સેસ (ત્રણ મહીને બે કૂપન) પણ મળે છે.
