મહારાષ્ટ્ર સરકારે 2024 માટે Tourism Policyનું કર્યું અનાવરણ, ગ્રામીણ ક્ષેત્ર પર ફોકસ
મુંબઈઃ મહારાષ્ટ્ર સરકારે ૨૦૨૪ માટે એક વ્યાપક પ્રવાસન નીતિ (Tourism policy for 2024)નું અનાવરણ કર્યું છે, જેમાં ગ્રામીણ જીવન, ફિલ્મો, અને મેડિકલ ટુરિઝમના પ્રમોશનની સાથે ‘વર્કકેશન’ના ખ્યાલને અપનાવવામાં આવ્યો છે. રાજ્ય કેબિનેટે તાજેતરમાં નીતિને મંજૂરી આપી હતી, જેનો ઉદ્દેશ્ય આગામી દાયકામાં ₹ ૧૦૦,૦૦૦ કરોડનું રોકાણ આકર્ષિત કરવાનો અને ૧.૮ મિલિયન નોકરીઓ ઊભી કરવાનો છે.
આ નીતિ ૨૦૨૮ સુધીમાં મહારાષ્ટ્રના ૧ ટ્રિલિયન અમેરિકન ડોલર અર્થતંત્ર બનવાના લક્ષ્યમાં પ્રવાસનના યોગદાનને વેગ આપવા માટેના મુખ્ય ક્ષેત્રો છે. તે મજબૂત ઈન્ફ્રાસ્ટ્રક્ચર વિકસાવવા અને ટૂર ઓપરેટર્સ અને એમઆઈસીઈ (મીટિંગ્સ, પ્રોત્સાહનો, કોન્ફરન્સ, પ્રદર્શન) આયોજકો સહિત વિવિધ હિસ્સેદારો પોતપોતાના ક્ષેત્રોમાં બમણી આવક જનરેશન સાથે ભાગીદારી કરવા પર ધ્યાન કેન્દ્રિત કરશે.
પ્રવાસન પ્રોજેક્ટને કદના આધારે એ, બી અને સી સ્તરોમાં વર્ગીકૃત કરે છે, જેમાં જીએસટી માફી, વીજળીના દરમાં રાહતો અને સ્ટેમ્પ ડ્યુટીમાં ઘટાડો જેવા પ્રોત્સાહનો આપવામાં આવે છે. તે નવીન ઉત્પાદનો અને સાંસ્કૃતિક અને કલાત્મક રિવાજોને પુનર્જીવિત કરવા માટે રોકડ પુરસ્કારોની પણ દરખાસ્ત કરવામાં આવી છે.
આ પણ વાંચો : મહારાષ્ટ્રમાં ખેંચતાણ શરૂ: અજિત પવારના ચાર નેતાઓ શરદ પવાર સાથે
પ્રવાસન વિભાગના એક અધિકારીએ જણાવ્યું હતું કે, પોલીસી એગ્રિક્લચર અને એડવેન્ચર ટુરિઝમ પર રહેશે. “પ્રોજેક્ટ્સને પ્રશંસનીય સંશોધન કાર્ય માટે ₹૧૦ લાખ સુધી પ્રોત્સાહનો મળશે. સ્થાનિક સંસ્કૃતિ, કલા, રાંધણકળા અને તહેવારોને પ્રોત્સાહન આપવાની યોજનાઓ સાથે ગ્રામીણ વિકાસ મુખ્ય ફોકસ છે.
મુંબઈ ફેસ્ટિવલ મોડલને અનુસરીને, નાગપુર જેવા અન્ય મુખ્ય શહેરો તેમના પોતાના તહેવારોનું આયોજન કરશે, આ ઉપરાંત પર્યટનને વેગ આપવા માટે ચોમાસા અને ગણેશ ઉત્સવોની યોજના છે. આ નીતિ વિવિધ પ્રવાસન-સંબંધિત પ્રોજેક્ટ્સ માટે નોંધપાત્ર પ્રોત્સાહનો આપે છે:
- હોટેલ્સ, મોટેલ્સ, યુથ હોસ્ટેલ, યુથ ક્લબ, લોગ હટ્સ અને કોટેજ માટે ₹૨૦ કરોડ સુધી અથવા પાત્ર મૂડી રોકાણના ૨૦%
- રેસ્ટોરાં, ફૂડ કિઓસ્ક, ફૂડ કોર્ટ, એમઆઈસીઈ કેન્દ્રો, મનોરંજન ઉદ્યાનો, ગોલ્ફ કોર્સ, યુનિટી મોલ્સ, સાંસ્કૃતિક કેન્દ્રો, મલ્ટીપ્લેક્સ, હસ્તકલાની દુકાનો, થિયેટરો અને આર્ટ ગેલેરીઓ માટે ૧૫% મૂડી રોકાણ અથવા ₹૧૫ કરોડ સુધી વધારાના પ્રોત્સાહનો શામેલ છે:
- પ્રોજેક્ટના કદના આધારે ૫૦% થી ૧૦૦% સુધી એસજીએસટી ભરપાઈ
- પ્રોજેક્ટ સ્કેલના આધારે ૫૦% થી ૧૦૦% સુધી વીજળી ડ્યુટી/ટેરિફ છૂટછાટો
- ₹૫કરોડથી ₹૨૫ કરોડ સુધીની લોન પર ૫% સુધી વ્યાજ સબવેન્શન
- મુંબઈમાં વધારાની એફએસઆઈ ત્રણથી ૫ અને બાકીના મહારાષ્ટ્રમાં ૪ સુધી
