ડેવિડ વોર્નરને ઝટકો: ચેમ્પિયન્સ ટ્રોફીમાં પસંદગી થવા મુદ્દે લટકતી તલવાર
મેલબોર્ન: ચેમ્પિયન્સ ટ્રોફી (Champions Trophy) આવતા વર્ષે ફેબ્રુઆરી-માર્ચ વચ્ચે યોજાશે. ઓસ્ટ્રેલિયાના સ્ટાર બેટ્સમેન ડેવિડ વોર્નર માટે આ ટૂર્નામેન્ટમાં રમવું મુશ્કેલ માનવામાં આવે છે. વાસ્તવમાં ટી-20 વર્લ્ડ કપ પછી વોર્નરે ટી-20 ઇન્ટરનેશનલમાંથી નિવૃત્તિની જાહેરાત કરી હતી.
થોડા દિવસો પછી જો પસંદગીકારો તેને ચેમ્પિયન્સ ટ્રોફી માટે ટીમમાં પસંદ કરે તો તેણે વાપસી કરવાની ઇચ્છા વ્યક્ત કરી હતી. જોકે હવે ઓસ્ટ્રેલિયન ટીમ સિલેક્ટર જ્યોર્જ બેઈલીએ સ્પષ્ટ કર્યું છે કે વોર્નરને હટાવવાની યોજના બનાવવામાં આવી રહી છે.
આ પણ વાંચો : Virat Kohliએ કોને આપ્યો સુપર મેસેજ, Good Luck પણ જણાવ્યું, જાણો શું છે મામલો?
જ્યોર્જ બેઇલીએ ચેમ્પિયન્સ ટ્રોફી અગાઉ કહ્યું હતું કે “અમારી સમજ એ છે કે ડેવિડ નિવૃત્ત થઈ ગયો છે અને ત્રણેય ફોર્મેટમાં તેની અવિશ્વસનીય કારકિર્દી માટે તેની પ્રશંસા થવી જોઈએ. સ્વાભાવિક રીતે અમારી યોજના એ છે કે તે પાકિસ્તાનમાં નહીં હોય. તેણે ઓસ્ટ્રેલિયા માટે 110 ટી-20 મેચમાં 3277 રન કર્યા છે જેમાં એક સદી અને 28 અડધી સદી સામેલ છે..
મેથ્યુ વેડ, મિશેલ સ્ટાર્ક અને ગ્લેન મેક્સવેલ જેવા ખેલાડીઓની ગેરહાજરીને કારણે બેઈલીએ કહ્યું કે ટી20 વર્લ્ડ કપ 2026 પર નજર રાખીને ટીમમાં વધુ યુવા ખેલાડીઓને તક મળી શકે છે.
