પ્રિયંકા ચોપરાએ બનેવી રાઘવને લગ્નની ગીફ્ટ નહીં મોકલી
પરિણીતીના લગ્નમાં ન આવવાનું કારણ પણ સામે આવ્યું
પરિણીતી ચોપરા અને રાઘવ ચઢ્ઢાએ ગઈકાલે ઉદયપુરની ધ લીલા પેલેસમાં નજીકના મિત્રો અને પરિવારની હાજરીમાં એક ખાનગી સમારોહમાં લગ્ન કરી લીધા. આ દંપતીના લગ્નમાં ઘણી પ્રખ્યાત હસ્તીઓએ હાજરી આપી હતી, ત્યારે અભિનેત્રી મીમી દીદી એટલે કે પ્રિયંકા ચોપરા અને તેના સાળા નિક જોનાસની લગ્નમાં ગેરહાજરી ચર્ચાનો વિષય બની હતી. ગ્લોબલ આઈકન પ્રિયંકાએ તેની પિતરાઈ બહેન પરિણીતી અને સાળા રાઘવને તેમના લગ્નના મોટા દિવસે કોઈ ભેટ પણ મોકલી નથી. હવે તમામ અટકળો વચ્ચે પ્રિયંકા ચોપરા બહેન પરિણીતીના લગ્નમાં ન આવવાનું કારણ સામે આવ્યું છે.
પરિણીતી અને રાઘવના લગ્નમાં પ્રિયંકા ચોપરાની માતાએ ઘણા એન્જોય કર્યા હતા. પરિણીતીના સંગીત સેરેમનીની તસવીરો પણ તેમણે સોશિયલ મીડિયા પર અપલોડ કરી હતી. પ્રિયંકા ચોપરાની માતા મધુ ચોપરાનો એક વીડિયો સોશિયલ મીડિયા પર વાયરલ થઇ રહ્યો છે જેમાં તેમણે પ્રિયંકાનું આ લગ્નમાં નહીં આવવાનું કારણ જણાવ્યું હતું.
મધુ ચોપરાએ ખુલાસો કર્યો હતો કે પ્રિયંકા હાલમાં તેના કામમાં બિઝી છે. તેના વર્ક કમિટમેન્ટ્સને કારણે તે લગ્નમાં હાજરી આપી શકી નથી. પ્રિયંકાએ કોઇ ગીફ્ટ પણ મોકલી નથી કારણ કે આ લગ્નમાં કોઇની પણ ગીફ્ટનો સ્વીકાર કરવામાં નહોતો આવ્યો. લોકોને ગીફ્ટ લાવવાની ના પાડવામાં આવી હતી. તેમને કપલને માત્ર આશિર્વાદની મહામૂલી ભેટ આપવાનું જ જણાવવામાં આવ્યું હતું.
પરિણીતી અને રાઘવના લગ્નમાં સાનિયા મિર્ઝા, મનીષ મલ્હોત્રા અને હરભજન સિંહ સહિત કેટલાક ફેમસ સેલેબ્સ આવ્યા હતા. ઉદયપુરમાં 22 સપ્ટેમ્બરથી આ કપલના લગ્નના ફંક્શન શરૂ થયા હતા. દરમિયાન, પરિણીતી ચોપરા અને રાઘવ ચઢ્ઢાના પ્રી-વેડિંગ ફંક્શનમાં ચૂડા સેરેમની, હલ્દી, મહેંદી અને સંગીતનો સમાવેશ થતો હતો, જે શુક્રવાર અને શનિવારે યોજાયો હતો. પરિણીતી અને રાઘવના લગ્ન 24 સપ્ટેમ્બરે થયા હતા. પરિણીતીએ તેના ઇન્સ્ટાગ્રામ એકાઉન્ટ પર તેના બિગ ડેની ખૂબ જ સુંદર તસવીરો પણ પોસ્ટ કરી હતી.
