લોનાવલામાં ભૂશી ડેમ નજીક ધોધમાં મહિલા સહિત બે ડૂબ્યા, ત્રણ બાળક ગુમ
પુણે: લોનાવલા વિસ્તારમાં ભૂશી ડેમ નજીક ધોધમાં મહિલા અને 13 વર્ષની કિશોરી ડૂબી ગઇ હતી, જ્યાં ચારથી છ વર્ષની વયના ત્રણ બાળક ગુમ હોવાનું પોલીસે કહ્યું હતું.
રવિવારે બપોરે 1.30 વાગ્યે આ ઘટના બની હતી, જેને પગલે રેસ્ક્યુ ટીમ ઘટનાસ્થળે પહોંચી હતી અને બાળકોની શોધ આદરી હતી.
આ પણ વાંચો: Gift Cityનું વિસ્તરણ પડતું મુકાતા ભાજપના જ નેતાઓના 10,000 કરોડ ડૂબ્યાં
પુણે ગ્રામીણના પોલીસ સુપરિન્ટેન્ડેન્ટ પંકજ દેશમુખે જણાવ્યું હતું કે અમને 40 વર્ષની મહિલા અને 13 વર્ષની કિશોરીના મૃતદેહ મળી આવ્યા હતા, જ્યારે છ વર્ષની બે બાળકી અને ચાર વર્ષના બાળકની શોધ ચલાવવામાં આવી રહી છે.
દેશમુખના જણાવ્યા અનુસાર એવું લાગી રહ્યું છે તેઓ એક જ પરિવારના સભ્યો હતા અને ભૂશી ડેમથી બે કિલોમીટર દૂર પગ લપસવાથી ધોધમાં ડૂબ્યા હતા અને રિઝર્વોયરમાં આવી પહોંચ્યા હતા. મૃતદેહોને બાદમાં હોસ્પિટલમાં મોકલાયા હતા. (પીટીઆઇ)