ચીનના ફેકટરી આઉટપુટના નબળા ડેટાને કારણે રોકાણકારોનું સેન્ટિમેન્ટ ખરડાયું, એશિયાઇ શૅરબજારોમાં મિશ્ર વલણ

(વાણિજ્ય પ્રતિનિધિ તરફથી)
બેંગકોક – મુંબઇ: ચીને મે મહિનામાં તેનું ફેક્ટરી આઉટપુટ ધીમુ પડયું હોવાના અહેવાલ આપ્યા બાદ સોમવારે એશિયાના ઇક્વિટી બજારનું સેન્ટિમેન્ટ ખરડાયું હતું અને એકંદરે મિશ્ર વલણ જોવા મળ્યું હતું. પ્રોપર્ટી માર્કેટ હજુ પણ મંદીમાં સપડાયેલું છે. યુએસ ફ્યુચર્સ નીચા સ્તરે હતા અને ક્રૂડ ઓઇલના ભાવમાં પણ ઘટાડો જોવા મળ્યો હતો.

ટોકિયો સ્ટોક એક્સચેન્જનો ઇન્ડેક્સ 1.9 ટકા ઘટીને 38,070.40ના સ્તર પર અને સિઓલમાં, કોસ્પી 0.50 ટકા ઘટીને 2,744.63ની સપાટી પર આવી ગયો હતો.
ઓસ્ટે્રલિયાનો એસએન્ડપી/એએસએક્સ 200 ઇન્ડેક્સ 0.20 ટકા વધીને 7,712.90 પોઇન્ટની સપાટી પર પહોંચ્યો છે. હોંગકોંગનો હેંગસેંગ ઇન્ડેક્સ 0.10 ટકા વધીને 17,960.09 સુધી પહોંચ્યો હતો, જ્યારે શાંઘાઈ કમ્પોઝિટ ઈન્ડેક્સ 0.60 ટકા ઘટીને 3,015.95 પોઇન્ટ પર સ્થિર થયો હતો.
ચીનના સત્તાવાર અહેવાલ અનુસાર મે મહિનામાં ચીનમાં ફેક્ટરી આઉટપુટ 5.60 ટકા ઘટ્યો હતો, જે વિશ્લેષકોની આગાહી કરતા નીચે અને તે મહિના પહેલા 6.70 ટકા સામે પણ નીચું સ્તર બતાવે છે. વર્ષના પ્રથમ પાંચ મહિનામાં છૂટક વેચાણ માત્ર 4.10 ટકા વધ્યું છે.

આ નબળા આંકડાઓને પણ ઢાંકી દે એવા ડેટા અંતર્ગત, પ્રોપર્ટી રોકાણમાં એક વર્ષ અગાઉના મે મહિનામાં 10 ટકાનો જોરદા ઘટાડો થયો હતો, જ્યારે મોટા શહેરોમાં ઘરની કિમતો 3.20 ટકા ઘટી હતી. પ્રોપર્ટીના વેચાણમાં વાર્ષિક ધોરણે 30.50 ટકાનો ઘટાડો થયો છે, જે દર્શાવે છે કે પ્રોપર્ટી સેક્ટરમાં હજુ મંદીનો સામનો કરવા માટેના પગલાંની અસર જોવા મળી નથી.

દક્ષિણપૂર્વ એશિયાના મોટાભાગના બજારો રજાઓ માટે બંધ હતા, જ્યારે થાઈલેન્ડનો એસઇટી ઇન્ડેક્સ 1.20 ટકા ઘટ્યો હતો. શુક્રવારે, યુએસ સ્ટોક્સ તેમના વિક્રમ સ્તરની આસપાસ થંભી ગયા હતા, જેમાં એસએન્ડપી 500 ઇન્ડેક્સ 0.10 ટકા કરતા ઓછા ઘટીને 5,431.60 પોઇન્ટના સ્તરે સ્થિર થઇ ગયો હતો, જે ગયા અઠવાડિયે પ્રથમ વખતએવું થયું હતું કે તેણે સર્વકાલીન ઉચ્ચ સ્તર મેળવ્યું નહોતું.

ડાઉ જોન્સ ઇન્ડસ્ટ્રિયલ એવરેજ 0.10 ટકા ઘટીને 38,589.16 પોઇન્ટ પર પહોંચ્યો હતો. જોકે, નેસડેક કમ્પોઝિટે ટેક્નોલોજી શેરની તેજીને આધારે એક દિવસ પહેલાના તેના રેકોર્ડમાં 0.10 ટકાનો ઉમેરો કરીને 17,688.88ની સપાટી પર બંધ આપ્યો હતો. યુરોપમાં ચૂંટણીઓને પગલે શેરબજારો ગબડી ગયા હતા, કેમ કે આ ઇલેક્શને પ્રદેશના ભાવિ અંગે અનિશ્ચિતતાા ઊભી કરી છે. તાજેતરની ચૂંટણીઓએ મેક્સિકો, ભારત અને અન્યત્ર બજારોને પણ હચમચાવી દીધા છે.

ફ્રાન્સનો સીએસી 40 ઇન્ડેક્સે 2.70 ટકાના ઘટાડા સાથે બે વર્ષમાં સૌથી ખરાબ કામગીરી દર્શાવી છે. જર્મનીનો ડેક્સ ઇન્ડેક્સ 1.40 ટકા તૂટ્યો છે. આ વર્ષના અંતમાં ફેડરલ રિઝર્વને વ્યાજ દરોમાં ઘટાડો કરવા માટે મનાવવા માટે ફુગાવો પૂરતો ધીમો પડી રહ્યો હોવાની આશા વધી રહી હોવાથી યુએસ શેરબજારોએ રેકોર્ડ બનાવ્યા છે.

ટેક્નોલોજી સેગમેન્ટના મોટા શેરોએ આ દરમિયાન, અર્થતંત્ર અને વ્યાજ દરોની દિશા અને દશા ધ્યાનમાં લીધા વિના લગભગ આગળ રેસ ચાલુ રાખી છે. તાજેતરના ક્વાર્ટરમાં વિશ્લેષકોની અપેક્ષા કરતાં મજબૂત નફાની જાણ કર્યા પછી એડોબ 14.50 ટકા ઊછળ્યો હતો. એ જ રીતે, અપેક્ષા કરતાં વધુ સારા નફાની જાણ કર્યા પછી અને તેના ભાવને વધુ પોષણક્ષમ બનાવવા માટે એક સામે દસના સ્ટોક વિભાજન કર્યા પછી બ્રોડકોમ સતત બીજા દિવસે 3.30 ટકા ઊછળ્યો હતો. આર્ટિફિશિયલ ઈન્ટેલિજન્સ ટેક્નોલોજીમાં ધસારો કરનાર પોસ્ટર ચાઈલ્ડે તેનું કુલ બજાર મૂલ્ય ત્રણ ટ્રિલિયનથી પણ વધુ ઊંચી આંકી હોવાથી એનવિડિયામાં 1.80 ટકાનો વધારો જોવા મળ્યો હતો. યુનિવર્સિટી ઓફ મિશિગનના પ્રારંભિક અહેવાલમાં સૂચવવામાં આવ્યું છે કે અર્થશાસ્ત્રીઓની અપેક્ષાઓ વિરુદ્ધ યુએસ ગ્રાહકોમાં સેન્ટિમેન્ટ આ મહિને સુધરવામાં નિષ્ફળ રહ્યું છે.

ઊંચા મોર્ટગેજ દરોએ હાઉસિંગ માર્કેટને નુકસાન પહોંચાડ્યું છે, કારણ કે ફેડરલ રિઝર્વે તેના મુખ્ય વ્યાજ દરને બે દાયકાથી વધુના ઉચ્ચતમ સ્તરે રાખ્યો છે. સેન્ટ્રલ બેંક તેના ઇંધણની ઊંચી ફુગાવાની ભૂખે મરવાની આશામાં ઊંચા દરો દ્વારા ઇરાદાપૂર્વક અર્થતંત્રને ધીમું કરી રહી છે.
સોમવારની શરૂઆતમાં અન્ય સોદાઓમાં, યુએસ બેન્ચમાર્ક ક્રૂડ ઓઇલ ન્યૂયોર્ક મર્કેન્ટાઇલ એક્સચેન્જમાં ઇલેક્ટ્રોનિક ટે્રડિગમાં 30 સેન્ટ ઘટીને 77.75 પ્રતિ બેરલ થયું હતું. આંતરરાષ્ટ્રીય સ્ટાન્ડર્ડ બ્રેન્ટ ક્રૂડ 30 સેન્ટ ઘટીને 82.32 પ્રતિ બેરલ થઈ ગયું. યુએસ ડોલર 157.39 યેનથી વધીને 157.52 જાપાનીઝ યેન પર પહોંચ્યો. યુરો 1.0705 થી ઘટીને 1.0704 થયો હતો.

ભારતીય શેરબજારે ગયા અઠવાડિયે સહેજ મંદીપ્રેરક માહોલ સાથે નવા ટ્રીગરનો અભાવ હોવા છતાં થોડો સુધારો દર્શાવ્યો હતો. સેન્ટિમેન્ટમાં એવો સુધારો હતો કે ફરી એકવાર મિડ અને સ્મોલ-કેપ શેરોએ આઉટપરફોર્મ કર્યું હતું. ભારતના પીએમઆઇ, બેન્ક ઓફ ઇંગ્લેન્ડની બેઠક અને એફઆઇઆઇના વલણ પર નજર સાથે બજાર ફરી કોન્સોલિડેશન તરફ આગળ વધી રહ્યું હોય એવું લાગે છે.

સમીક્ષા હેઠળના પાછલા સપ્તાહને અંતે સેન્સેક્સે 76,992.77 પોઇન્ટની નવી બંધ ટોચ અને 77,081.30ની નવી ઇન્ટ્રા-ડે હાઇ સપાટી, જ્યારે નિફ્ટીએ 23,465.60 પોઇન્ટની વિક્રમી ઊંચી અને 23,490.40 પોઇન્ટની તાજી ઈન્ટ્રા-ડે સપાટી નોંધાવી હતી. આઇટી અને એફએમસીજી સેક્ટરોએ ગયા અઠવાડિયે મજબૂત વળતર બાદ વેચવાલીના દબાણનો સામનો કરવો પડ્યો હતો, ત્યારે અન્ય ક્ષેત્રોમાં ઉત્સાહ જળવાયો હતો.
આગળ જતાં, ભારત, ચીન અને યુરોઝોનના ઔદ્યોગિક ઉત્પાદન અને ફુગાવાના ડેટા પર રોકાણકારો ધ્યાન કેન્દ્રિત કરશે, જે વૈશ્વિક આર્થિક વલણોની દૃષ્ટિએ નિર્ણાયક છે. સ્થાનિક ધોરણે 21મી જૂને એચએસબીસી પીએમઆઇ મેન્યુફેકચરીંગ, કમ્પોઝિટ અને સર્વિસ ડેટા જાહેર થશે. બેન્ક ઓફ ઇંગ્લેન્ડ, ઓસ્ટે્રલિયા, નોર્વે, અને બ્રાઝિલ સહિતની વિશ્વભરની સેન્ટ્રલ બેંકો વૈશ્વિક વ્યાજ દર ઘટાડવાના વલણમાં જોડાવા અંગે સાવચેતીનુ માનસ ધરાવે છે.

આ અઠવાડિયે, યુકે અને ઑસ્ટે્રલિયા સહિત અર્થતંત્રો તરફથી મુખ્ય નિર્ણયો અપેક્ષિત છે. આ મધ્યસ્થ બેંકો ડિસફ્લેશન અંગે ચાલી રહેલી ચિંતાઓને કારણે ખચકાટ સૂચવે તેવી શક્યતા છે.

વીઆઇએક્સ ઇન્ડેક્સમાં સતત બીજા સપ્તાહે ઘટાડો થવાના કારણે તેજીવાળાઓએ રાહત અનુભવી છે. નિષ્ણાતો માને છે કે, જો વોલેટિલિટી આ સ્તરની આસપાસ રહે અથવા તેમં ઘટાડો થાય તો તેજીવાળા ફરી બજાર પર પકકડ જમાવવાની દિશામાં આગળ વધી શકે છે. આવતા અઠવાડિયે વિદેશી રોકાણકારોની ગતિવિધિ પર બારીકાઈથી નજર રાખવામાં આવશે.