ઇન્ટરનેશનલ

ચીને તાઇવાનની આસપાસ યુદ્ધાભ્યાસ પૂર્ણ કર્યો

ચીને તાઈવાનની આસપાસ તેની બે દિવસીય સૈન્ય કવાયત જોઈન્ટ સ્વોર્ડ-2024A પૂર્ણ કરી છે. આ સમયગાળા દરમિયાન, ચીનની પીપલ્સ લિબરેશન આર્મી (પીએલએ) એ પ્રથમ વખત તાઈવાન અને તેના નિયંત્રણ હેઠળના ટાપુઓ પર હુમલાનો અભ્યાસ કર્યો. આ કવાયતમાં મુખ્યત્વે ચીનની વાયુસેના અને નેવીએ ભાગ લીધો હતો.

લાઈ ચિંગ તે તાઈવાનના રાષ્ટ્રપતિ તરીકે કાર્યભાર સંભાળ્યાના ત્રણ દિવસ બાદ PLAએ આ બે દિવસીય સૈન્ય કવાયત હાથ ધરી હતી. ચીન લાઈને અલગાવવાદી કહે છે. રાષ્ટ્રપતિ બન્યા બાદ પોતાના પ્રથમ ભાષણમાં લાઈએ ચીનને તાઈવાનને ધમકી આપવાનું બંધ કરવા કહ્યું હતું અને કહ્યું હતું કે તાઈવાન લોકશાહી દેશ છે અને ચીને તેની સાર્વભૌમત્વ સ્વીકારવી જોઈએ.
તાઈવાને આ કવાયતને ચીનની ગંભીર ઉશ્કેરણીજનક કાર્યવાહી ગણાવી છે. ચીનના સરકારી ટેલિવિઝનની સૈન્ય ચેનલે અહેવાલ આપ્યો છે કે સૈન્ય અભ્યાસ પૂર્વ આયોજિત કાર્યક્રમ મુજબ શુક્રવારે પૂર્ણ થયો હતો. ચીનના સંરક્ષણ મંત્રાલયે હજુ સુધી આ કવાયત અંગે કોઈ ટિપ્પણી કરી નથી.

નોંધનીય છે કે તાઇવાન લોકશાહી રીતે ચૂંટાયેલી સરકાર દ્વારા શાસિત છે. ચીન તાઈવાન પર પોતાનો દાવો કરે છે. તાઈવાન પોતાને એક સાર્વભૌમ રાષ્ટ્ર કહે છે. રાષ્ટ્રપતિ બન્યા બાદ પોતાના પ્રથમ ભાષણમાં લાઈએ ચીનને તાઈવાનને ધમકી આપવાનું બંધ કરવા કહ્યું હતું અને જણાવ્યું હતું કે તાઈવાન લોકતાંત્રિક દેશ છે, ચીને તેનું સાર્વભૌમત્વ સ્વીકારવું જોઈએ. ચીને તાજેતરની સૈન્ય કવાયતને લાઈની ટિપ્પણીની સજા ગણાવી હતી.

તાઈવાનના સંરક્ષણ મંત્રાલય દ્વારા જારી કરવામાં આવેલા નિવેદન અનુસાર, આ કવાયત દરમિયાન આકાશમાં એક સમયે 62 ફાઈટર પ્લેન જોવા મળ્યા હતા અને 27 યુદ્ધ જહાજો સમુદ્રમાં હુમલો કરવાની પ્રેક્ટિસ કરી રહ્યા હતા. જેમાંથી 46 ફાઈટર પ્લેન્સે તાઈવાન સ્ટ્રેટની મધ્ય રેખાને પાર કરી હતી. તાઈવાન સમુદ્રની મધ્યમાં આવેલી આ રેખાને પોતાની અને ચીન વચ્ચેની સીમા રેખા કહે છે, જ્યારે ચીન આ દાવાને સ્વીકારતું નથી. આ સૈન્ય અભ્યાસમાં ચીને સુખોઈ 30 ફાઈટર પ્લેન અને ન્યુક્લિયર એટેક એચ-6 બોમ્બરનો પણ ઉપયોગ કર્યો હતો.

દેશ દુનિયાના મહત્ત્વના અને રસપ્રદ સમાચારો માટે જોઈન કરો ' મુંબઈ સમાચાર 'ના WhatsApp ગ્રુપને ફોલો કરો અમારા Facebook, Instagram, YouTube અને X (Twitter) ને
Back to top button