હવે કાન 2024માં આ અભિનેત્રીએ તેના કિલર લુકની ઝલક બતાવી
Cannes ફિલ્મ ફેસ્ટિવલ 2024ની શાનદાર શરૂઆત થઇ ગઇ છે. હોલીવૂડ સ્ટાર્સ સહિત ઘણા ભારતીયો આ ઇવેન્ટમાં પોતાની દમદાર એન્ટ્રીથી લાઇમલાઇટ લૂંટી રહ્યા છે. બોલિવૂડ અભિનેત્રી કિયારા અડવાણીએ પણ કાનમાં ડેબ્યુ કર્યું છે. ચાહકો કિયારાના ડેબ્યુની આતુરતાપૂર્વક રાહ જોઇ રહ્યા હતા. કાન ફિલ્મ ફેસ્ટિવલ 2024માં પહેલીવાર અભિનેત્રી કિયારા અડવાણીએ ખૂબ જ સ્ટાઇલિશ એન્ટ્રી કરી છે. દરમિયાન તેણે સ્ટાઇલિંશ એલિગંટ લુકથી ચાહકોના દિલ લૂંટી લીધા છે. અભિનેત્રીએ ફિલ્મ ફેસ્ટિવલમાં તેના ડેબ્યૂ માટે ઓલ વ્હાઇટ આઉટફિટ પસંદ કર્યો છે. આ બધા સફેદ પોશાકમાં તે ખૂબ જ સુંદર લાગી રહી છે.
રેડ કાર્પેટ પર જતા પહેલા કિયારા અડવાણીએ તેના ઈન્સ્ટાગ્રામ પર એક વીડિયો શેર કરીને પોતાની એક ઝલક બતાવી હતી. વીડિયોમાં કિયારાની સ્ટાઈલ જોઈને ફેન્સ તેના પ્રેમમાં પડી ગયા છે. અભિનેત્રી રેડ સી ફિલ્મ ફાઉન્ડેશન વુમન ઇન સિનેમાના ગાલા ડિનરમાં ભારતનું પ્રતિનિધિત્વ કરવા કાન્સ પહોંચી છે.
કિયારા અડવાણીનો આઉટફિટ પ્રખ્યાત ફેશન ડિઝાઈનર પ્રબલ ગુરુંગે ડિઝાઈન કર્યો છે. તેનો લુક લક્ષ્મી લહેરે સ્ટાઈલ કર્યો છે. થાઇ હાઇ સ્લિટ ગાઉનમાં અભિનેત્રી ખૂબ જ સુંદર લાગી રહી હતી. તેનો પ્લંજીંગ (ડીપ) નેકલાઇન ગાઉન એકદમ ક્લાસી દેખાતો હતો. આઇવરી કલરના સિમ્પલ ગાઉન સાથે કિયારાએ સ્ટેટમેન્ટ ઇયરિંગ્સ પહેરી હતી. સફેદ મોતીથી બનેલી ઈયરિંગ્સ કિયારા અડવાણીના ખભાને સ્પર્શી રહી હતી. આઇવરી લુક સાથે તેણે સફેદ હીલ પેર કરી હતી. કિયારાનો આ લુક ખૂબ જ સિમ્પલ અને એલિગેન્ટ હતો. મેકઅપની વાત કરીએ તો તેણે તેને સોફ્ટ ગ્લેમ રાખ્યો હતો. અભિનેત્રીનો એકંદર દેખાવ તેના કાન્સ ડેબ્યુ માટે શ્રેષ્ઠ લાગતો હતો.
કિયારાએ કાન ફિલ્મ ફેસ્ટિવલમાં ડેબ્યુ કરીને ધૂમ મચાવી દીધી છે. આઇવરી ગાઉનમાં ક્યુટી દેખાતી કિયારાના સોશિયલ મીડિયા યુઝર્સ વખાણ કરી રહ્યા છે. ‘કિયારાએ આ આઉટફિટથી બતાવ્યું છે કે સુંદર દેખાવવા માટે તમારે કંઇ અજુગતુ પહેરવાની જરૂર નથી.’ અન્ય એક યુઝરે લખ્યું છે કે ‘કિયારાની સાદગી જ લોકોને પાગલ બનાવવા માટે પૂરતી છે. ‘
Also Read –