શિવાજી પાર્ક નહીં મળે તો ઠાકરે જૂથની દશેરા રેલી ક્યાં યોજાશે? શિવસેનાનો પ્લાન બી તૈયાર છે

આમચી મુંબઈ ટૉપ ન્યૂઝ

મુંબઈ મ્યુનિસિપલ કોર્પોરેશન (BMC) એ ઉદ્ધવ ઠાકરે અને સીએમ એકનાથ શિંદે એમ બંને જૂથને મુંબઈના શિવાજી પાર્ક ખાતે શિવસેનાની દશેરા રેલી યોજવાની પરવાનગી આપી નથી. હવે આ વિવાદનો નિવેડો બોમ્બે હાઈકોર્ટમાં આવશે. આજે આ મામલે હાઇ કોર્ટમાં તેની સુનાવણી થઈ રહી છે. હવે સવાલ એ ઊભો થાય છે કે જો ઉદ્ધવ ઠાકરે જૂથને શિવાજી પાર્ક નહીં મળે તો 41 વર્ષથી ચાલી આવતી શિવસેનાની દશેરા રેલીની પરંપરા કેવી રીતે ચાલુ રહેશે. એટલે કે આવી સ્થિતિમાં દશેરા રેલી યોજવા માટે ઠાકરે જૂથ શું કરશે?

સીએમ એકનાથ શિંદેના જૂથની વાત કરીએ તો તેમનો વિકલ્પ તૈયાર છે. તેમને બાંદ્રા કુર્લા કોમ્પ્લેક્સ (BKC) ગ્રાઉન્ડમાં રેલી કરવાની પરવાનગી મળી ગઈ છે. અહીં પણ ઠાકરે જૂથે વૈકલ્પિક વ્યવસ્થા માટે પરવાનગી માંગી હતી. પરંતુ ઠાકરે જૂથને બદલે એકનાથ શિંદે જૂથને અહીં રેલી કરવાની પરવાનગી મળી છે. જોકે, શિવાજી પાર્કમાં રેલીનો મામલો અલગ છે, એટલે જ BMC બાદ હવે હાઈકોર્ટમાં પણ બંને જૂથો સામસામે આવી ગયા છે.

જો હાઈકોર્ટ મુંબઈ શિવાજી પાર્કમાં રેલીની મંજૂરી આપવા માટે ઠાકરે જૂથની વિનંતીને ફગાવી દે છે, તો આવી સ્થિતિમાં ઉદ્ધવ ઠાકરે જૂથ પાસે પ્લાન બી તૈયાર છે. સૂત્રોના જણાવ્યા અનુસાર, ઠાકરે જૂથ મહાલક્ષ્મી રેસકોર્સ, ગિરગામ ચોપાટી, શિવસેના ભવન સહિત કેટલાક અન્ય વિકલ્પો પર વિચાર કરી રહ્યું છે. બોમ્બે હાઈકોર્ટના નિર્ણય બાદ તેનું ચિત્ર સ્પષ્ટ થશે.
બંને જૂથો તરફથી એવું કહેવામાં આવી રહ્યું છે કે તેમની દશેરા રેલીમાં સ્પષ્ટ થઈ જશે કે અસલી શિવસેના કોણ છે, હકીકતમાં શિવસૈનિક કોના પક્ષમાં વધુ છે. ઠાકરે અને શિંદે જૂથ આ રેલીને સફળ બનાવવા માટે તમામ પ્રયાસ કરી રહ્યા છે. બે દિવસ પહેલા શિવસેનાની બેઠકમાં અને તેમના જૂથના પદાધિકારીઓ સાથેની મહત્વપૂર્ણ બેઠકમાં, ઉદ્ધવ ઠાકરેએ તેમના નેતાઓ અને કાર્યકરોને સંપૂર્ણ શક્તિ સાથે ભીડ એકત્ર કરવા કહ્યું છે.

શિંદે જૂથ એવું પણ કહી રહ્યો છે કે એવી ભીડ જોવા મળશે કે આખું મહારાષ્ટ્ર જોશે. શિંદે જૂથ આ રેલીમાં પીએમ મોદી અને કેન્દ્રીય ગૃહ પ્રધાન અમિત શાહને સીધું આમંત્રણ આપવાની યોજના બનાવી રહ્યું છે.

પ્રતિશાદ આપો

તમારું ઇમેઇલ સરનામું પ્રકાશિત કરવામાં આવશે નહીં.