પંડિત જિતેન હરિહર મહેસાણાવાળા
તા. ૧૮-૧૨-૨૦૨૨ થી તા. ૨૪-૧૨-૨૦૨૨
ગ્રહગોચર: સૂર્યનારાયણ સમગ્ર સપ્તાહમાં ધનુ રાશિમાં ભ્રમણ કરે છે. મંગળ વૃષભ રાશિમાં મંદ ગતિએ વક્રી ભ્રમણ કરે છે. બુધ ધનુ રાશિમાં મિશ્ર ગતિએ માર્ગીભ્રમણ કરે છે. ગુરુ મીન રાશિમાં મંદ ગતિએ માર્ગીભ્રમણ કરે છે. શુક્ર ધનુ રાશિમાં શીઘ્ર ગતિએ માર્ગીભ્રમણ કરે છે. શનિ મકર રાશિમાં માર્ગીભ્રમણ કરે છે. રાહુ મેષ રાશિમાં ભ્રમણ કરે છે. ચંદ્ર પ્રારંભે તુલા રાશિમાં તા. ૧૮મીએ આવે છે. તા. ૨૧મીએ વૃશ્ર્ચિક રાશિમાં, તા. ૨૩મીએ ધનુ રાશિમાં પ્રવેશે છે.
મેષ (અ, લ, ઈ): ભાઈશ્રી! આ સપ્તાહમાં શૅરબજારના દૈનિક સાપ્તાહિક વેપારના કામકાજ સફળ રહેશે. નોકરીના કામકાજ અર્થે દૂરનો પ્રવાસ શક્ય છે. નાણાખર્ચ માટે કરકસર દાખવવી ઉપયોગી બની રહેશે. નવા નાણાઆવકના સાધનો પણ મેળવશો. મહિલાઓને કુટુંબીજનો સાથેના વિવાદનો ઉકેલ જણાય. વિદ્યાર્થીઓને અધ્યયનમાં નબળા વિષયમાં જરૂરી માર્ગદર્શન પ્રાપ્ત થતું જણાય.
વૃષભ (બ, વ, ઉ): ભાઈશ્રી! આ સપ્તાહમાં શૅરબજારમાં નવીન કાર્યપદ્ધતિ અપનાવશો. નોકરીના કામકાજમાં પરિવર્તનો શક્ય છે. કાર્યક્ષેત્રે અકારણ વાદવિવાદ ટાળવો જરૂરી છે. સહપરિવાર પ્રવાસ શક્ય જણાય છે. નાણાં તંત્ર વધુ મજબૂત બનેલું જણાશે. મહિલાઓના કુટુંબના જવાબદારીના કામકાજ સ્વપ્રયત્ને સફળ થતાં જણાશે. વિદ્યાર્થીઓના ઉચ્ચ અભ્યાસના નિર્ણયો સફળ પુરવાર થશે.
મિથુન (ક, છ, ઘ): ભાઈશ્રી! આ સપ્તાહમાં શૅરબજારમાં જૂનાં રોકાણમાંથી નાણાં મેળવી શકશો. નોકરીમાં નવીન જવાબદારીઓ અપેક્ષા મુજબ મેળવી શકશો. ભાગીદારીના નિર્ણયો અનુકૂળ બની રહેશે. કારોબારના વિકાસની તકોનો અમલ થઈ શકશે. મહિલાઓનો સહપરિવાર પ્રવાસ શક્ય જણાય છે. વિદ્યાર્થીઓના અધ્યયનના કામકાજ નિયમિતપણે જળવાઈ રહેશે.
કર્ક (ડ, હ): ભાઈશ્રી! આ સપ્તાહમાં શૅરબજારમાં નવું રોકાણ અનુકૂળતા અનુસાર શક્ય જણાય છે. નોકરીના સહકાર્યકરોનો સહયોગ મેળવશો. મિલકતના નિર્ણયો લઈ શકશો. વાહનના નિર્ણયો એકંદરે લાભદાયી પુરવાર થશે. કાર્યક્ષેત્રે મિત્રોનો સહયોગ જળવાઈ રહેશે. મહિલાઓને પડોશ સંબંધોમાં અનુકૂળ જણાશે. વિદ્યાર્થીઓને અભ્યાસ વાંચનમાં સાનુકૂળતાઓ, સગવડતાઓનો અનુભવ થાય.
સિંહ (મ, ટ): ભાઈશ્રી! આ સપ્તાહમાં શૅરબજારમાં દૈનિક સાપ્તાહિક વેપાર રોકાણ અનુકૂળ રહેશે. નોકરીમાં યશસ્વી બનાવનારી ઘટના શક્ય બને તેમ છે. કારોબારના મિત્રો સાથેનો આર્થિક વ્યવહાર સરળતાથી સંપન્ન થશે. પરિવારના કારોબારમાં સંતાન સામેલ થાય. મહિલાઓને સંતાનની શૈક્ષણિક જવાબદારીમાં રાહત પ્રાપ્ત થતી જણાય. વિદ્યાર્થીઓને આ સપ્તાહમાં નવીન અભ્યાસના વિષયની તકો પ્રાપ્ત થાય.
ક્ધયા (પ, ઠ, ણ): ભાઈશ્રી! આ સપ્તાહમાં શૅરબજારમાં નવા રોકાણના કામકાજમાં સફળતા મેળવશો. નોકરીના સ્થળમાં પરિવર્તનો બદલી શક્ય છે. આ સપ્તાાહમાં કાર્યક્ષેત્રે માટે જરૂરી જગ્યા, કાર્યાલય, વાહન ઈત્યાદિ સગવડતાનાં સાધનો મેળવી શકશો. જીવનસાથીનો સહયોગ કાર્યક્ષેત્રે પ્રાપ્ત કરશો. સંતાનની જવાબદારીમાં મહિલાઓને સફળતા પ્રાપ્ત થાય. વિદ્યાર્થીઓના નિત્ય વાંચન અભ્યાસના કામકાજ સરળતાથી સંપન્ન થતાં જણાશે.
તુલા (ર, ત): ભાઈશ્રી! આ સપ્તાહમાં શૅરબજારમાં નવું રોકાણ તથા દૈનિક સાપ્તાહિક વેપાર સફળ રહેશે. નોકરીમાં હસ્તગત કામકાજમાં પરિવર્તનો આવે તેમ છે. કારોબાર માટે જરૂરી સાધનો મેળવી શકશો. સહોદરો, કુટુંબીજનો કાર્યક્ષેત્રે ઉપયોગી થશે. મહિલાઓના પડોશ સંબંધોના વિવાદો હળવા થતા જણાશે. વિદ્યાર્થીઓના ઉચ્ચ અભ્યાસના નિર્ણયો એકંદરે સફળ થતા જણાશે.
વૃશ્ર્ચિક (ન, ય): ભાઈશ્રી! આ સપ્તાહમાં શૅરબજારમાં નવા રોકાણમાં નિર્ણયોનો અમલ થઈ શકશે. નોકરીમાં છુપા હરીફોની ઓળખ થાય. જૂની નાણાં ઉઘરાણીની વસૂલી સરળતાથી થઈ શકશે. મિત્રો દ્વારા વ્યાપારના વિકાસના પ્રયત્નો સફળ થતાં જણાશે. સંતાન પરિવારના કારોબારમાં ઉપયોગી થશે. મહિલાઓને નોકરીના પરિવર્તનોમાં અનુકૂળતાઓ પ્રાપ્ત થાય. વિદ્યાર્થીઓને વાંચન, અભ્યાસમાં યોગ્ય માર્ગદર્શન, પ્રોત્સાહન, એકાગ્રતા અનુભવાય.
ધનુ (ભ, ધ, ફ, ઢ): ભાઈશ્રી! આ સપ્તાહમાં શૅરબજારમાં દૈનિક સાપ્તાહિક વેપારમાં સાવધાની રાખવી જરૂરી છે. નોકરીમાં સહકાર્યકરો સાથેનો વિવાદ ટાળી શકશો. નાણાસંચય નાણાંના આયોજનો ઈત્યાદિ સફળ બનશે. ભાગીદાર, કારોબારના મિત્રો સાથેનો વ્યવહાર સુગમ અને સફળ જણાશે. નાણાઆવકની વૃદ્ધિ થશે. મહિલાઓને કુટુંબ જીવનનો યશસ્વી અનુભવ થાય. વિદ્યાર્થીઓને અભ્યાસનાં સાધનો સરળતાથી પ્રાપ્ત થતાં જણાય.
મકર (ખ.જ): ભાઈશ્રી! આ સપ્તાહમાં શૅરબજારમાં નવા રોકાણના નિર્ણયોનો અમલ થઈ શકશે. નોકરીના કામકાજ અર્થે લાંબા અંતરનો પ્રવાસ શક્ય જણાય છે. એજન્સી, કમિશન સલાહ સૂચન, માર્ગદર્શન, ઈત્યાદિ પ્રવૃત્તિઓમાં યશ મેળવશો. સહોદરોમાં, પરિવારજનોમાં યશસ્વી બનશો. નાણાખર્ચ પરત્વે, કરકસર દાખવવી જરૂરી છે. નાણાઆવક જળવાઈ રહેશે. મહિલાઓને સંતાનના જવાબદારીના કામકાજ અર્થે પ્રવાસની શક્યતા જણાય છે. વિદ્યાર્થીઓની શૈક્ષણિક પ્રવૃત્તિઓ યશસ્વી પુરવાર થશે.
કુંભ (ગ, શ, સ): ભાઈશ્રી! આ સપ્તાહમાં શૅરબજારની લે-વેંચની વેપારી પ્રવૃત્તિઓ લાભદાયી પુરવાર થશે. નોકરીમાં જરૂરી મદદ ઉપરી અધિકારી દ્વારા મેળવી શકશો. જૂનાં નાણાંની વસૂલી થાય. નવા આવકનાં સાધનો પણ મેળવશો. મહિલાઓના સહોદરો સાથેના મતભેદો દૂર થાય. વિદ્યાર્થીઓને આ સપ્તાહમાં નવા અભ્યાસના પ્રારંભની અનુકૂળ તકો પ્રાપ્ત થતી જણાશે.
મીન (દ, ચ, ઝ, થ): ભાઈશ્રી! આ સપ્તાહમાં શૅરબજારના વેપારના નિર્ણયોનો અમલ સ્વપ્રયત્ને થઈ શકશે. નોકરીમાં સ્થળાંતર છે. તા. ૧૮, ૨૦, ૨૧ના કારોબારના કામકાજ યશસ્વી નીવડશે. અકારણ નાણાખર્ચ ટાળી શકશો. વાહનના નિર્ણયો લઈ શકશો. મહિલાઓનો આ સપ્તાહનો સપરિવાર પ્રવાસ અનુકૂળ બની રહેશે. વિદ્યાર્થીઓને આ સપ્તાહમાં અનુકૂળ તકો પ્રાપ્ત થશે.
