Homeઉત્સવસાપ્તાહિક ભવિષ્ય

સાપ્તાહિક ભવિષ્ય

પંડિત જિતેન હરિહર મહેસાણાવાળા

તા. ૬-૧૧-૨૦૨૨ થી તા. ૧૨-૧૧-૨૦૨૨

ગ્રહગોચર: સૂર્યનારાયણ સમગ્ર સપ્તાહમાં તુલા રાશિમાં ભ્રમણ કરે છે. મંગળ વક્રી ગતિએ મિથુન રાશિમાં ભ્રમણ કરે છે. બુધ તુલા રાશિમાં માર્ગીભ્રમણ કરે છે. ગુરુ મીન રાશિમાં વક્રીભ્રમણ કરે છે. શુક્ર તુલા રાશિમાં માર્ગીભ્રમણ કરે છે. શનિ મકર રાશિમાં ભ્રમણ કરે છે. રાહુ મેષ રાશિમાં ભ્રમણ કરે છે. ચંદ્ર પ્રારંભે મીનમાંથી મેષમાં તા. ૭મીએ ભ્રમણ કરે છે. તા. ૯મીએ વૃષભમાં, તા. ૧૧મીએ મિથુનમાં આવે છે.

મેષ (અ, લ, ઈ): ભાઈશ્રી! આ સપ્તાહમાં શેરબજારના વાયદાના વેપારમાં સાવધાની રાખવી જરૂરી છે. નોકરી માટે તા. ૭, ૮, ૯, ૧૨ શ્રેષ્ઠત્તમ પુરવાર થશે. નવીન ભાગીદારીની રચના શક્ય છે. કુટુંબમાં સભ્યો કારોબારની સમસ્યામાં ઉપયોગી થશે. નાણાં આવક વધશે. મહિલાઓને પતિનો સહયોગ કાર્યક્ષેત્રે પ્રાપ્ત થાય. વિદ્યાર્થીઓને અધ્યયનમાં સફળતા જણાય.

વૃષભ (બ, વ, ઉ): ભાઈશ્રી! આ સપ્તાહમાં શેરબજારનાં દૈનિક સાપ્તાહિક વેપારમાં સાવધાની રાખવી જરૂરી છે. તા. ૭, ૯, ૧૦, ૧૨ના નિર્ણયો નોકરીમાં યશસ્વી પુરવાર થશે. કાર્યક્ષેત્રે જરૂરી મદદનીશ વ્યક્તિઓ મેળવશો. નવા નાણાંઆવકના સાધનો પ્રાપ્ત થશે. મહિલાઓને સ્વાસ્થ્ય જાળવણીમાં સફળતા પ્રાપ્ત થશે. વિદ્યાર્થીઓને અધ્યયનની પ્રવૃત્તિમાં યશસ્વી અનુભવ થાય.

મિથુન (ક, છ, ઘ): ભાઈશ્રી! આ સપ્તાહમાં શેરબજારમાં નવા રોકાણમાં સફળતા મેળવશો. નોકરીના સ્થળની બદલી શક્ય છે. સંતાન પરિવારના કારોબારમાં જોડાશે. કારોબારના મિત્રો ઉપયોગી થશે. અર્થવ્યવસ્થા વધુ સક્ષમ બનાવી શકશો. મહિલાઓને કિંમતી ચીજોની ખરીદી માટે સફળતા જણાશે. વિદ્યાર્થીઓના અભ્યાસના નિર્ણયો સ્વતંત્રપણે સફળ બનતા જણાશે.

કર્ક (ડ, હ): ભાઈશ્રી! આ સપ્તાહમાં શેરબજારમાં અપેક્ષાનુસાર નવા રોકાણની તક મેળવશો. નોકરી અર્થે લાંબાઅંતરનો પ્રવાસ સફળ થશે. કારોબાર માટે જરૂરી મિલકતની ખરીદી શક્ય છે. વાહનના નિર્ણયો લઈ શકશો. વેપારની આવક વધશે. મહિલાઓને નોકરીમાં પ્રગતિનો અનુભવ થાય. વિદ્યાર્થીઓના અધ્યયનના નિર્ણયો એકંદરે સફળ પુરવાર થશે.

સિંહ (મ, ટ): ભાઈશ્રી! આ સપ્તાહમાં શેરબજારમાં નવા રોકાણ અને દૈનિક સાપ્તાહિક વેપાર અનુકૂળ જણાશે. નોકરીમાં અધિકારીનો સહયોગ મેળવશો. સહોદરો સાથેનો નાણાં વ્યવહાર સફળ થશે. કોર્પોરેટ કંપની સરકારી અધિકારીનો સહયોગ પ્રાપ્ત થાય. મહિલાઓને નવા કારોબારના પ્રારંભમાં સગવડતા જણાય. વિદ્યાર્થીઓને અભ્યાસની પ્રવૃત્તિ યશસ્વી પુરવાર થશે.

ક્ધયા (પ, ઠ, ણ): ભાઈશ્રી! આ સપ્તાહમાં શેરબજારમાં નવા રોકાણ માટેના નિર્ણયો લેવા માટે અન્યની મદદ મેળવી શકશો. નોકરીના કામકાજમાં ફેરફાર શક્ય જણાય છે. નાણાં આવકના નવા સાધનો મેળવશો. વકતવ્ય, વાક્ચાતુર્યતા ઈત્યાદિ વાટાઘાટોમાં ઉપયોગી થશે. નવા વેપારના પ્રારંભમાં સફળતા મેળવશો. મહિલાઓને તા. ૮, ૯ અનુકૂળ જણાશે. વિદ્યાર્થીઓને અભ્યાસ અર્થે શ્રેષ્ઠ સાધનો સવલતો પ્રાપ્ત થાય.

તુલા (ર, ત): ભાઈશ્રી! આ સપ્તાહમાં શેરબજારમાં આત્મવિશ્ર્વાસ અને કાર્યદક્ષતા ઉપયોગી થશે. નોકરીના સહકાર્યકરો ઉપયોગી થશે. નવા કારોબારનો પ્રારંભ આ સપ્તાહમાં શક્ય છે. પરિવારના સભ્યો સ્વતંત્ર કારોબારમાં તથા અન્ય નોકરીની પ્રવૃત્તિઓમાં માર્ગદર્શક બની રહેશે. અર્થવ્યવસ્થા વિશેની મૂંઝવણ દૂર થશે. વિદ્યાર્થીઓના મિત્રતાના સંબંધો સફળતાસૂચક પુરવાર થશે.

વૃશ્ર્ચિક (ન, ય): ભાઈશ્રી! આ સપ્તાહમાં શેરબજારમાં નવા રોકાણ માટે અનુકૂળ તકો મેળવશો. નોકરીમાં હરીફાઈના પ્રસંગોમાં સફળતા મેળવશો. કારોબારના મિત્રો વેપાર ધંધામાં ઉપયોગી થશે. કુટુંબમાં પ્રગતિ જળવાઈ. આવક વધે. મહિલાઓને સંતાનના જવાબદારીના કામકાજમાં સફળતા જણાશે. વિદ્યાર્થીઓને અભ્યાસ માટે સફળ તકો પ્રાપ્ત થતી જણાય.

ધનુ (ભ, ધ, ફ, ઢ): ભાઈશ્રી! આ સપ્તાહમાં શેરબજારમાં માટે નવા નાણાંરોકાણનો નિર્ણય સ્વતંત્રપણે લઈ શકશો. નોકરીમાં સ્વતંત્રપણે જૂનાં અધૂરા કાર્યો પૂર્ણ કરવામાં સફળ રહેશો. કારોબારમાં અકારણ નાણાંખર્ચ ટાળવા જરૂરી છે. વાક્ચાતુર્યતા, વ્યવહારુતા દ્વારા જૂનાં મતભેદોનો ઉકેલ લાવી શકશો. મહિલાઓ સગવડતાના સાધનો મેળવી શકશે. વિદ્યાર્થીઓને દૈનિક અધ્યયનની પ્રવૃત્તિઓમાં જાળવી રાખવામાં સફળતા પ્રાપ્ત થશે.

મકર (ખ.જ): ભાઈશ્રી! આ સપ્તાહમાં શેરબજારમાં ધાર્યા મુજબનું રોકાણ શક્ય જણાય છે. નોકરીમાં મદદનીશ વ્યક્તિ, સહકાર્યકર દ્વારા અધૂરા કાર્યો પૂર્ણ કરી શકશો. મિલકતના ખરીદ-વેચાણના નિર્ણયોમાં સાવધાની રાખવી જરૂરી છે. કુટુંબમાં ધાર્યા મુજબના પ્રસંગો મહિલાઓને સરળતાથી સંપન્ન થતાં જણાશે. વિદ્યાર્થીઓને નવા અભ્યાસ માટે સફળતા પ્રાપ્ત થાય.

કુંભ (ગ, શ, સ): ભાઈશ્રી! આ સપ્તાહમાં શેરબજારમાં નવા રોકાણના નિર્ણયોના અમલ માટે સફળ રહેશો. નોકરીમાં મહત્ત્વના નિર્ણયો લઈ શકશો. આયાત-નિકાસના કામકાજમાં સફળતા રહેશે. કુટુંબીજનો સહિતના કામકાજમાં સફળતા રહેશે. મહિલાઓનો સપરિવાર તીર્થપ્રવાસ સફળ રહેશે. વિદ્યાર્થીઓને અધ્યયનના શ્રેષ્ઠ પરિણામો પ્રાપ્ત થતાં
જણાશે.

મીન (દ, ચ, ઝ, થ): ભાઈશ્રી! આ સપ્તાહમાં શેરબજારમાં નવા રોકાણ અને સાપ્તાહિક વેપાર માટે સફળતા મેળવશો. નોકરી માટે તા. ૮, ૯, ૧૧ શુભ જણાય છે. નવા આવકના સાધનો મેળવશો. સામાજિક પ્રવૃત્તિમાં યશ મેળવશો. મહિલાઓને કુટુંબીજનો પ્રસંગોપાત જવાબદારીઓમાં ઉપયોગી થશે. વિદ્યાર્થીઓ અધ્યયનમાં એકાગ્રતા જાળવી શકશે.

RELATED ARTICLES

Most Popular