પંડિત જિતેન હરિહર મહેસાણાવાળા
તા. ૧૯-૨-૨૦૨૩ થી તા. ૨૫-૨-૨૦૨૩
—
ગ્રહગોચર: સૂર્યનારાયણ સમગ્ર સપ્તાહમાં કુંભ રાશિમાં ભ્રમણ કરે છે.મંગળ વૃષભ રાશિમાં સમ ગતિએ માર્ગી ભ્રમણ કરે છે.બુધ મકર રાશિમાં શીઘ્ર ગતિએ માર્ગી ભ્રમણ કરે છે, ગુરુ મીન રાશિમાં મંદ ગતિએ માર્ગીભ્રમણ કરે છે. શુક્ર મીન રાશિમાં શીઘ્ર ગતિએ માર્ગીભ્રમણ કરે છે. શનિ કુંભ રાશિમાં માર્ગીભ્રમણ કરે છે. રાહુ મેષ રાશિમાં ભ્રમણ કરે છે. ચંદ્ર પ્રારંભે મકર રાશિમાં રહે છે. તા. ૨૦મીએ કુંભ રાશિમાં, તા. ૨૨મીએ મીન રાશિમાં, તા. ૨૪મીએ મેષ રાશિમાં પ્રવેશે છે.
મેષ (અ, લ, ઈ): ભાઈશ્રી! આ સપ્તાહમાં શૅરબજારના સાપ્તાહિક દૈનિક વેપારથી લાભ થશે. નોકરીમાં પ્રગતિ થાય. તા. ૨૩, ૨૪, ૨૫મીએ કારોબારમાં વિશિષ્ટ સફળતા મેળવશો. મિત્રોમાં મહિલાઓના વિવાદો, ગેરસમજણો દૂર થશે. વિદ્યાર્થીઓને આ સપ્તાહમાં વિદ્યાભ્યાસની પ્રવૃત્તિઓમાં સફળતા જણાય.
વૃષભ (બ, વ, ઉ): ભાઈશ્રી! આ સપ્તાહમાં શૅરબજારમાં નવા નાણારોકાણના સ્વ નિર્ણયો સફળ જણાશે. નોકરીના કામકાજ અર્થે પ્રવાસ થાય. નવા કારોબાર માટેની તકો અનુસરી શકશો. જૂના ઉઘરાણીનાં નાણાં મેળવશો. ગૃહિણીઓને પતિનો સહયોગ નિજી પ્રવૃત્તિઓમાં જવાબદારીઓમાં પ્રાપ્ત થાય. વિદ્યાર્થીઓના અધ્યયનના નિર્ણયો એકંદરે અનુકૂળ બની રહેશે.
મિથુન (ક, છ, ઘ): ભાઈશ્રી! આ સપ્તાહમાં શૅરબજારના વાયદાના સોદામાં સાવધાની રાખવી જરૂરી છે. નોકરીના સહકાર્યકર
મિત્રોમાં ગેરસમજણો દૂર થશે. કારોબારમાં ભાગીદાર ઉપયોગી થાય. અર્થવ્યવસ્થા વધુ
દઢ પુરવાર થશે. મહિલાઓનો પરિવારજનો સાથેનો સફળ વ્યવહાર યશ પ્રાપ્ત કરાવશે. વિદ્યાર્થીઓ ઉચ્ચ અભ્યાસના નિર્ણયોમાં સફળતા મેળવશે.
કર્ક (ડ, હ): ભાઈશ્રી! આ સપ્તાહમાં શૅરબજારમાં નવા રોકાણની તકને અનુસરી શકશો. નોકરીના કામકાજ અર્થે મુસાફરી શક્ય છે. કુટુંબ માટે નાણાંની અનુકૂળતાઓ જણાશે. વેપાર વિનિમય સફળ બની રહેશે. ગૃહિણીઓને સંતાનના મૂંઝવતા પ્રશ્ર્નોમાં રાહત જણાશે. વિદ્યાર્થીઓને સહઅધ્યાયીઓ સાથેના મતભેદમાં રાહત જણાશે.
સિંહ (મ, ટ): ભાઈશ્રી! આ સપ્તાહમાં શૅરબજારમાં જૂનાં રોકાણમાંથી નાણાં મેળવી શકશો. નોકરીના કામકાજ સરળતાથી સંપન્ન થશે.કારોબારના ભાગીદાર સાથેના મતભેદો દૂર થશે. કાયદા કાનૂની સવાલો હળવા થાય. મિત્રોમાં મહિલાઓની માનપ્રતિષ્ઠા વધે. કુટુંબ માટે આ સપ્તાહમાં વિશિષ્ટ નિર્ણયો લઈ શકશો. વિદ્યાર્થીઓને અધ્યયનમાં ઉપરી અધિકારીનો સહયોગ પ્રાપ્ત થાય.
ક્ધયા (પ, ઠ, ણ): ભાઈશ્રી! આ સપ્તાહમાં શૅરબજારમાં નવા રોકાણ માટે ગોચરફળ શુભ છે. નોકરીના કામકાજમાં પ્રગતિ થાય. નવા ભાગીદારીના નિર્ણયો લઈ શકાય. પ્રવાસ માટે આ સપ્તાહ અનુકૂળ જણાય છે. કુટુંબના સભ્યો સાથેનો નાણાવ્યવહાર સંપન્ન થાય. મહિલાઓના નોકરીના નિર્ણયો અનુકૂળ બની રહેશે. સ્વાસ્થ્યની અનુકૂળતા અનુભવશો. વિદ્યાર્થીઓ નવા અભ્યાસના પ્રારંભ માટે સાધન સગવડતાઓ પ્રાપ્ત થાય.
તુલા (ર, ત): ભાઈશ્રી! આ સપ્તાહમાં શેરબજારમાં ધાર્યા મુજબના દૈનિક વેપાર લાભદાયી પુરવાર થશે. નવી નોકરીનો પ્રારંભ શક્ય છે. વ્યાપારના વિકાસના પ્રયત્નો સફળ બની રહેશે. મિલકતના ધાર્યા મુજબના નિર્ણયો લઈ શકશો. મહિલાઓને સંતાનના શિક્ષણના મૂંઝવતા પ્રશ્ર્નોમાં રાહત જણાશે. વિદ્યાર્થીઓના અધ્યયનના નિર્ણયો માટે પરિવારજનોનો સહયોગ પ્રાપ્ત થશે.
વૃશ્ર્ચિક (ન, ય): ભાઈશ્રી! આ સપ્તાહમાં શૅરબજારમાં નવા રોકાણ માટે અનુકૂળ તકો ગોચરગ્રહો દર્શાવે છે. નોકરીના સહકાર્યકરો સાથેનો વિવાદ દૂર થશે. ભાઈ-બહેનો સાથેના નાણાવ્યવહાર સફળ થશે. સરકારી અધિકારીનો સહયોગ મેળવશો. મહિલાઓને સંતાનની જવાબદારીની પ્રવૃત્તિઓમાં અનુકૂળતા જણાશે. વિદ્યાર્થીઓનો અધ્યયનનો સપ્તાહનો પૂર્ણ સમય સફળ બની રહેશે.
ધનુ (ભ, ધ, ફ, ઢ): ભાઈશ્રી! આ સપ્તાહમાં શેરબજારમાં નવા નાણાંના રોકાણ માટે અનુકૂળ તકો પ્રાપ્ત થશે. નોકરીમાં સ્થાન પરિવર્તન થાય. નવા નાણાં, આવકનાં સાધનો મેળવશો. અર્થવ્યવસ્થા વધુ સક્ષમ બનશે. મહિલાઓ વાહન મિલકતના નિર્ણયો લઈ શકશે. વિદ્યાર્થીઓના અભ્યાસમાં ઉત્સાહ અને આત્મવિશ્ર્વાસનો ઉમેરો થાય.
મકર (ખ.જ): ભાઈશ્રી! આ સપ્તાહમાં શૅરબજારમાં લે-વેંચના વેપાર સફળ જણાશે. નોકરીના સ્થળની બદલી થાય. અકારણ નાણાંખર્ચ ટાળી શકશો. કુટુંબના સભ્યો સાથેનો નાણાવ્યવહાર સફળ રહેશે. મહિલાઓને કારોબારની નાણાઆવકની અનુકૂળતા જણાશે. વિદ્યાર્થીઓના અધ્યનના નિર્ણયો સફળ બની રહેશે.
કુંભ (ગ, શ, સ): ભાઈશ્રી! આ સપ્તાહમાં શૅરબજારમાં નવા નાણારોકાણના પ્રયત્નોમાં યોગ્ય માર્ગદર્શન મેળવશો. નોકરીની પ્રવૃત્તિઓમાં અધિકારીનો સહયોગ મેળવશો. પ્રવાસ દ્વારા વેપારના વિકાસના કામકાજ સફળ બની રહેશે. કાર્યક્ષેત્રે વાટાઘાટો સફળ રહેશે. મહિલાઓએ કુટુંબના સભ્યો સાથેના મતભેદોનો ઉકેલ જણાશે. વિદ્યાર્થીઓને ઉચ્ચ પરીક્ષામાં સફળતા પ્રાપ્ત થાય.
મીન (દ, ચ, ઝ, થ): ભાઈશ્રી! આ સપ્તાહમાં શૅરબજારમાં નવીન કાર્યપદ્ધતિનો અમલ થઈ શકશે. નોકરીમાં યશસ્વીપણું અનુભવશો. નવા કારોબાર, નવા આવકનાં સાધનો મેળવશો. મહિલાઓને સંતાનના શિક્ષણના કામકાજમાં સફળતા જણાશે. વિદ્યાર્થીઓને અધ્યયન ક્ષેત્રે નિયમિતતા જાળવવામાં સફળતા જણાશે.
