પંડિત જિતેન હરિહર મહેસાણાવાળા
તા. ૧૨-૨-૨૦૨૩ થી તા. ૧૮-૨-૨૦૨૩
ગ્રહગોચર: સૂર્યનારાયણ તા. ૧૩મીએ કુંભ રાશિમાં પ્રવેશે છે. મંગળ વૃષભ રાશિમાં માર્ગી થાય છે. બુધ મકર રાશિમાં શીઘ્ર ગતિએ ભ્રમણ કરે છે. ગુરુ મીન રાશિમાં માર્ગી ગતિએ ભ્રમણ કરે છે. શનિ કુંભ રાશિમાં પ્રવેશ કરે છે. રાહુ મેષ રાશિમાં ભ્રમણ કરે છે. ચંદ્ર તા. ૧૩મીએ વૃશ્ર્ચિક રાશિમાં, તા. ૧૬મીએ ધનુ રાશિમાં, તા. ૧૮મીએ મકર રાશિમાં પ્રવેશ કરે છે.
મેષ (અ, લ, ઈ): ભાઈશ્રી! આ સપ્તાહમાં શૅરબજારમાં તેજીના વેપારથી લાભ થશે. નવી નોકરીનો પ્રારંભ શક્ય છે. અકારણ નાણાખર્ચ ટાળવો જરૂરી છે. સામાજિક, રાજકીય પ્રવૃત્તિઓમાં યશ મેળવશો. નવા કારોબારના પ્રારંભ માટે મહિલાઓને પતિનો સહયોગ પ્રાપ્ત થાય. વિદ્યાર્થીઓના દૈનિક અભ્યાસના કામકાજ નિયમિતપણે જળવાઈ રહેશે.
વૃષભ (બ, વ, ઉ): ભાઈશ્રી! આ સપ્તાહમાં શૅરબજારમાં નવા રોકાણની તક અનુસરી શકશો. નોકરીના નિર્ણયો લેવા માટે ઉપરી અધિકારીની મદદ મેળવી શકશો. મુસાફરી દ્વારા નાણાં ઉઘરાણીના કામકાજ સરળતાથી પૂર્ણ કરી શકશો. ગૃહિણીઓને સંતાનની જવાબદારીઓમાં યશસ્વી અનુભવ થાય. વિદ્યાર્થીઓને અધ્યયનની સાધન સામગ્રી સરળતાથી પ્રાપ્ત થતી જણાય.
મિથુન (ક, છ, ઘ): ભાઈશ્રી! આ સપ્તાહમાં શૅરબજારમાં દૈનિક સાપ્તાહિક વેપાર લાભદાયી પુરવાર થશે. નોકરીમાં અધૂરાં કાર્યો આ સપ્તાહમાં પૂર્ણ કરવા માટે સફળ રહેશો. નવા નાણાઆવકના સાધનો પ્રાપ્ત થાય. કારોબારની પ્રગતિ જળવાઈ રહેશે. ગૃહિણીઓનો સપરિવાર પ્રવાસ સફળ જણાય છે. વિદ્યાર્થીઓ અધ્યયનના નિર્ણયો સ્વપ્રયત્ને સફળતાથી લઈ શકશે.
કર્ક (ડ, હ): ભાઈશ્રી! આ સપ્તાહમાં શૅરબજારમાં નવાં આયોજનો, નવા રોકાણો અનુકૂળ થાય. નોકરીના કામકાજ અર્થે પ્રવાસ શક્ય છે. વારસાગત મિલકત, લેણાંની રકમ મેળવી શકશો. કાયદા કાનૂની સવાલોનો ઉકેલ આવે. મહિલાઓને મિત્રો દ્વારા નવા કામકાજના પ્રારંભમાં અનુકૂળતા જણાશે. વિદ્યાર્થીઓ ઉચ્ચ અભ્યાસ માટે જરૂરી સાધન સગવડતા પ્રાપ્ત કરશે.
સિંહ (મ, ટ): ભાઈશ્રી! આ સપ્તાહમાં શૅરબજારમાં નવા રોકાણ, દૈનિક સાપ્તાહિક વેપાર લાભદાયી થશે. નોકરીના સહકાર્યકરોમાં યશ મેળવશો. નાણાવ્યવસ્થા વધુ સક્ષમ બનાવી શકશો. સંતાન પરિવારના કારોબારમાં જોડાય, ઉપયોગી થાય. મહિલાઓને પતિનો સહયોગ નિજી પ્રવૃત્તિમાં પ્રાપ્ત થાય. વિદ્યાર્થીઓની અભ્યાસની પ્રવૃત્તિઓ યશસ્વી પુરવાર થશે.
ક્ધયા (પ, ઠ, ણ): ભાઈશ્રી! આ સપ્તાહમાં શૅરબજારમાં અપેક્ષા મુજબ નવું રોકાણ શક્ય છે. નોકરીમાં નવીન તકને અનુસરી શકશો. નાણાંની આવકની મૂંઝવણો હળવી થશે. ભાગીદાર કાર્યક્ષેત્રે ઉપયોગી થાય. કુટુંબના કારોબારમાં પ્રગતિ થશે. મહિલાઓનો નવી નોકરીનો પ્રારંભ શક્ય છે. વિદ્યાર્થીઓને નબળા વિષયમાં જરૂરી માર્ગદર્શન પ્રાપ્ત થાય.
તુલા (ર, ત): ભાઈશ્રી! આ સપ્તાહમાં શૅરબજારમાં નવી કાર્યપદ્ધતિ અપનાવશો. નોકરી માટેના ધાર્યા મુજબના નિર્ણયો લાભદાયી પુરવાર થાય. વડીલોથી વારસાગત મિલકતની પ્રાપ્તિ માટે ગોચરગ્રહફળ શુભ છે. ભાગીદારથી પણ નાણાલાભ થાય. મહિલાઓનો સપરિવાર પ્રવાસ સફળ જણાશે. આરોગ્ય જળવાશે. વિદ્યાર્થીઓના અધ્યયનના નિર્ણયો સફળ પુરવાર થાય.
વૃશ્ર્ચિક (ન, ય): ભાઈશ્રી! આ સપ્તાહમાં શૅરબજારમાં નવા રોકાણ તથા દૈનિક સાપ્તાહિક વેપાર લાભદાયી થાય. નોકરીના કામકાજ પ્રવાસ દ્વારા પૂર્ણ કરી શકશો. નાણાંના લેવડદેવડના વ્યવહાર આ સપ્તાહમાં સરળતાથી સંપન્ન થશે. પ્રવાસ દ્વારા નવા કારોબારના પ્રારંભના પ્રયત્નો પણ સફળ થાય. મિત્રો દ્વારા મહિલાઓના કામકાજ સફળતાથી સંપન્ન થતાં જણાય. વિદ્યાર્થીઓને અધ્યયનની પ્રવૃત્તિમાં નિયમિતતાનો અનુભવ થાય.
ધનુ (ભ, ધ, ફ, ઢ): ભાઈશ્રી! આ સપ્તાાહમાં શૅરબજારમાં નવું રોકાણ શક્ય છે. નોકરીના કામકાજમાં કુટુંબીજનોનો સહયોગ મળવાથી ઉત્સાહ, ઉમંગ ઉમેરાશે. નાણાખર્ચ પરત્વે સાવધાની દાખવી શકશો. નાણાઆવક જળવાશે. મહિલાઓ કિંમતી ચીજોની ખરીદી કરી શકશે. વિદ્યાર્થીઓને ઉચ્ચ અભ્યાસ માટે સફળ તકો પ્રાપ્ત થાય.
મકર (ખ.જ): ભાઈશ્રી! આ સપ્તાહમાં શૅરબજારમાં નવા નાણારોકાણ, દૈનિક સાપ્તાહિક વેપાર અનુકૂળ રહેશે. નોકરીમાં વર્ચસ્વ જળવાઈ રહે, માનપાન વધશે. સામાજિક પ્રવૃત્તિમાં યશસ્વી નીવડશો. મિલકતના અધૂરા નિર્ણયોનો ઉકેલ આવે. પ્રવાસ દ્વારા વિકાસનાં કાર્યો સંપન્ન થાય. કુટુંબમાં મહિલાઓને ગેરસમજણ દૂર કરવા માટેની સફળ તક પ્રાપ્ત થાય. વિદ્યાર્થીઓના ઉચ્ચ અભ્યાસના નિર્ણયો સફળ રહેશે.
કુંભ (ગ, શ, સ): ભાઈશ્રી! આ સપ્તાહમાં શૅરબજારમાં દૈનિક સાપ્તાહિક વેપાર લાભદાયી થશે. નોકરીમાં સાહસિકતા, મક્કમ વલણથી અધૂરાં કાર્યો પૂર્ણ કરી શકશો. કાયદાના પ્રશ્ર્નોનો ઉકેલ આવશે. રાજકીય પ્રવૃત્તિમાં યશસ્વી નીવડશો. મિલકતના નિર્ણયો એકંદરે અનુકૂળ બની રહેશે. મહિલાઓને પરિવારજનોનો નિજી પ્રવૃત્તિમાં સહયોગમાં પ્રાપ્ત થાય. વિદ્યાર્થીઓ નવા અભ્યાસનો પ્રારંભ કરી શકશે.
મીન (દ, ચ, ઝ, થ): ભાઈશ્રી! આ સપ્તાહમાં શૅરબજારમાં નવા રોકાણના પ્રયત્નોમાં માર્ગદર્શન ઉપયોગી થશે. નોકરીમાં યશ મેળવશો. પ્રગતિ થાય. કુટુંબના સભ્યો સાથેનો નાણાવ્યવહાર સફળ રહેશે. તા. ૧૫, ૧૭, ૧૮ મહિલાઓને નોકરી ક્ષેત્રે અનુકૂળ જણાશે. વિદ્યાર્થીઓના અધ્યયનના નિર્ણયો એકંદરે સફળ પુરવાર થશે.
