પંડિત જિતેન હરિહર મહેસાણાવાળા

તા. ૮-૧-૨૦૨૩ થી તા. ૧૪-૧-૨૦૨૩

ગ્રહગોચર: સૂર્યનારાયણ સપ્તાહના પ્રારંભમાં ધનુ રાશિમાં ભ્રમણ કરે છે. તા. ૧૪મીએ મકર રાશિમાં પ્રવેશે છે. મંગળ સમગ્ર સપ્તાહમાં વૃષભ રાશિમાં ભ્રમણ કરે છે. પ્રારંભમાં મંગળ વક્રી રહે છે. તા. ૧૨મીએ માર્ગી થાય છે. બુધ સમગ્ર સપ્તાહમાં ધનુ રાશિમાં મિશ્ર ગતિએ વક્રી ભ્રમણ કરે છે. ગુરુ મંદ ગતિએ મીન રાશિમાં માર્ગીભ્રમણ કરે છે. શુક્ર સમગતિએ મકર રાશિમાં માર્ગીભ્રમણ કરે છે. શનિ મંદ ગતિએ મકર રાશિમાં ભ્રમણ કરે છે. રાહુ મેષ રાશિમાં ભ્રમણ કરે છે. ચંદ્ર સપ્તાહમાં પ્રારંભે કર્ક રાશિમાં રહે છે. તા. ૧૦મીએ સિંહ રાશિમાં, તા. ૧૨મીએ ક્ધયા રાશિમાં આવી સપ્તાહના અંત સુધી અહીં ક્ધયા રાશિમાં રહે છે.

મેષ (અ, લ, ઈ): ભાઈશ્રી! આ સપ્તાહમાં શૅરબજારના વાયદાના વેપારમાં સાવધાની રાખવી જરૂરી છે. નોકરી અર્થે પ્રવાસ થાય. મિલકતના નિર્ણયો સરળતાથી લઈ શકશો. તા. ૮, ૯, ૧૨ના કારોબારના નિર્ણયોનો સફળ અમલ થઈ શકશે. મહિલાઓને સંતાનની જવાબદારીમાં સફળતા પ્રાપ્ત થતી જણાય. વિદ્યાર્થીઓને નવા અભ્યાસના પ્રારંભ માટે સાનુકૂળ તકો પ્રાપ્ત થશે.

વૃષભ (બ, વ, ઉ): ભાઈશ્રી! આ સપ્તાહમાં શૅરબજારના દૈનિક સાપ્તાહિક વેપાર માટે જન્મકુંડળીના આધારે નિર્ણયો લેવા જરૂરી છે. નોકરીના સ્થળની બદલી શક્ય છે. સહપરિવાર પ્રવાસ થાય. કોર્ટ-કાયદાના પ્રશ્ર્નો ઉકેલાય. તા. ૮, ૧૧, ૧૨ અને ૧૩ નાણાવ્યવસ્થા માટે સાનુકૂળ પુરવાર થશે. ગૃહિણીઓને સંતાનના મૂંઝવતા પ્રશ્ર્નોમાં અનુકૂળતા જણાશે. વિદ્યાર્થીઓને અભ્યાસ માટે પ્રવાસ શક્ય જણાય.

મિથુન (ક, છ, ઘ): ભાઈશ્રી! આ સપ્તાહમાં શૅરબજારમાં નવા રોકાણ માટેની તકોનો ઉપયોગ કરી શકશો. નોકરીના સ્થળની બદલી શક્ય છે. તા. ૮, ૯ જરૂરી નાણાંની સગવડતા પૂર્ણ થતી દર્શાવે છે. ભાગીદાર તરફથી ભાગ્યવૃદ્ધિની તકો પ્રાપ્ત થાય. તા. ૧૦, ૧૧, ૧૨મીએ મહિલાઓને પ્રાસંગિત જવાબદારીમાં સફળતા પ્રાપ્ત થતી જણાશે. વિદ્યાર્થીઓને મિત્રતાનો અધ્યયનની પ્રવૃત્તિમાં સુખદ અનુભવ થાય.

કર્ક (ડ, હ): ભાઈશ્રી! આ સપ્તાહમાં શૅરબજારમાં દૈનિક સાપ્તાહિક વેપારના કામકાજ લાભદાયી નીવડશે. નવી નોકરીનો પ્રારંભ શક્ય છે. તા. ૮મીએ મુસાફરી થાય. તા. ૯મીએ મિલકતના નિર્ણય લેવાય. સપ્તાહમાં નાણાંની વ્યવસ્થા દઢ પુરવાર થશે. મહિલાઓને કુટુંબના કારોબારમાં સફળતાની અનુભૂતિ થાય. વિદ્યાર્થીઓને પરિવારના સભ્યોનો આર્થિક સહયોગ, શૈક્ષણિક સહયોગ પ્રાપ્ત થાય.

સિંહ (મ, ટ): ભાઈશ્રી! આ સપ્તાહમાં શૅરબજારમાં નવા નાણારોકાણ માટે સ્વતંત્રપણે નિર્ણયો સફળ બની રહેશે. નોકરીની પ્રવૃત્તિઓમાં આત્મવિશ્ર્વાસ વધશે. તા. ૧૨, ૧૩, ૧૪ના રોજ નવા કારોબારના પ્રારંભમાં અનુકૂળતાઓ અનુભવશો. નાણાવ્યવસ્થા વધુ બળવત્તર બનશે. ગૃહિણીઓને પરિવારજનોના વ્યવહારથી સુખદ અનુભૂતિ થાય. વિદ્યાર્થીઓના નિત્ય અભ્યાસના કામકાજ સફળ બની રહેશે.

ક્ધયા (પ, ઠ, ણ): ભાઈશ્રી! આ સપ્તાહમાં શૅરબજારમાં ધાર્યા મુજબનું લે-વેંચનું વેપારનું કામકાજ સફળ બની રહેશે. નોકરીમાં સ્થાન બદલી શક્ય છે. મિલકતના નિર્ણયો સરળતાથી લઈ શકશો. નાણાવ્યવહાર સંપન્ન થઈ શકશે. નાણાઆવક વધશે. કુટુંબના સભ્યોનો સહયોગ મહિલાઓને સરળતાથી પ્રાપ્ત થાય. વિદ્યાર્થીઓના કઠીન અભ્યાસના વિષયો સરળ બની રહેશે.

તુલા (ર, ત): ભાઈશ્રી! આ સપ્તાહમાં શૅરબજારમાં નાણાંના રોકાણના નિર્ણયનો અમલ સફળ પુરવાર થશે. નોકરીના હસ્તગત કામકાજમાં પરિવર્તનો આવે તેમ છે. પરિવારના સદસ્યો, સહોદરો સાથેનો નાણાવ્યવહાર સરળતાથી સંપન્ન થશે. મિલકત સાધન-સગવડતાઓ મેળવી શકશો. મહિલાઓને પરિવાર માટે જરૂરી ચીજવસ્તુઓ મેળવવા માટે સરળતા જણાશે. વિદ્યાર્થીઓના અભ્યાસના કામકાજ નિયમિતપણે સંપન્ન થશે.

વૃશ્ર્ચિક (ન, ય): ભાઈશ્રી! આ સપ્તાહમાં શૅરબજારમાં ચોક્કસ નિર્ણયોનો અમલ સફળતાથી થઈ શકશે. નોકરીના ઉપરી અધિકારીની અપેક્ષિત મદદ પ્રાપ્ત કરશો. કારોબાર માટેની વાટાઘાટો વેચાણ વૃદ્ધિ, કામદારો સાથેના મતભેદોનો ઉકેલ ઈત્યાદિ સફળ જણાય છે. સહોદરોના નાણાવ્યવહાર આ સપ્તાહમાં સંપન્ન થશે. નાણાઆવક વધશે. ગૃહિણીઓને પરિવારજનોનો સુખદ અનુભવ થાય. વિદ્યાર્થીઓને જરૂરી વાંચન, અધ્યયનનું સાહિત્ય સરળતાથી પ્રાપ્ત થતું જણાશે.

ધનુ (ભ, ધ, ફ, ઢ): ભાઈશ્રી! આ સપ્તાહમાં શૅરબજારમાં જરૂરી માર્ગદર્શન મેળવવા માટે વિલંબ જણાય. નોકરીમાં છૂપા હરીફની ઓળખ થાય. કારોબારની વાટાઘાટો સરળતાથી સંપન્ન થશે. કારોબારના મિત્રોથી નાણાસહાય પ્રાપ્ત થાય. વેચાણ વધશે. મહિલાઓને નોકરીમાં યશસ્વીપણાનો અનુભવ થાય. વિદ્યાર્થીઓના અભ્યાસના કામકાજ સફળ બનતા જણાશે.

મકર (ખ.જ): ભાઈશ્રી! આ સપ્તાહમાં શૅરબજારમાં જૂનાં રોકાણમાંથી નાણાં મેળવી શકશો. નોકરીમાં પ્રગતિ જાળવી શકશો. કારોબારમાં વૈવિધ્યતા પરિવર્તનો લાવી શકશો. નવાં ઉત્પાદનો, પ્રોડક્ટ ઈત્યાદિનો ઉમેરો થાય. વેચાણ વધશે. આવક વધશે. મહિલાઓને સામાજિક પ્રવૃત્તિમાં યશસ્વીપણાનો અનુભવ થાય. વિદ્યાર્થીઓનો શૈક્ષણિક પ્રવૃત્તિ અર્થેનો પ્રવાસ સફળ થતો જણાશે.

કુંભ (ગ, શ, સ): ભાઈશ્રી! આ સપ્તાહમાં શૅરબજારમાં નિર્ણયો લેવા માટેની મક્કમતા ગોચરગ્રહો પ્રમાણે ફળદાયી પુરવાર થશે. નોકરીના અપેક્ષિત લાભ, ઉપરી અધિકારીનો સહયોગ મેળવી શકશો. રાજકીય જાહેર જીવનની પ્રવૃત્તિમાં વધુ પડતાં વચનો, જવાબદારી ટાળવા જરૂરી છે. વેપારની જૂની નાણાંની ઉઘરાણીની વસૂલી સફળ થશે. મહિલાઓને સ્વાસ્થ્ય જાળવણીમાં સફળતા જણાય. વિદ્યાર્થીઓને મિત્ર સમુદાય દ્વારા મૂંઝવણોમાં માર્ગદર્શન પ્રાપ્ત થાય.

મીન (દ, ચ, ઝ, થ): ભાઈશ્રી! આ સપ્તાહમાં શૅરબજારમાં નવા નિર્ણયોનો અમલ સરળતાથી થઈ શકશે. નવી નોકરીનો પ્રારંભ થાય. તા. ૯, ૧૨, ૧૩ના કામકાજ યશસ્વી પુરવાર થાય. નાણાખર્ચ ઉપર કાબૂ રાખી શકશો. મહિલાઓને જીવનસાથીનો સહયોગ કારોબારમાં પ્રાપ્ત થાય. વિદ્યાર્થીઓને નવા અભ્યાસના પ્રારંભ માટે સાનુકૂળ તકો પ્રાપ્ત થતી જણાશે.