હેડિંગ વાંચીને તમને પણ જાણવાની તાલાવેલી થઈ ગઈને કે આખરે ક્યાં આવેલી છે આ કાચ જેવા સાફ પાણીવાળી નદી?
તમને જાણીને નવાઈ લાગશે કે આ નદી બીજે ક્યાંય નહીં પણ આપણા ભારતમાં જ આવેલી છે
ભારત એ નદીઓનો દેશ અને અહીં અનેક નદીઓ વહે છે, ભારતમાં નદીઓને માતાનો દરજ્જો આપવામાં આવ્યો છે
એટલું જ નહીં પણ અહીં નદીઓને પવિત્ર માનીને પૂજા પણ કરવામાં આવે છે, પરંતુ શું તમને ખબર છે ભારતની ક્લિનેસ્ટ રિવર કઈ છે?
ચાલો તમને ભારતની આ અનોખી નદી વિશે જણાવીએ-
આ નદી એટલી ક્લિન છે કે તેના તળિયામાં રહેલાં પથ્થરા અને વસ્તુઓ તમે આરામથી જોઈ શકો છો
સૌથી પહેલાં તો તમારી જાણ માટે અમે જે નદીની વાત કરી રહ્યા છીએ એ છે ઉમંગોટ નદી.
ઉમંગોટ નદી ભારતના સેવન સિસ્ટર્સમાં આવતા રાજ્ય મેઘાલયમાં વહે છે અને આ નદી જ દાવકી નદીના નામે ઓળખાય છે
આ નદીમાં જ્યારે બોટ તરે ત્યારે પહેલી નજરે તો એવું જ લાગે છે કે જાણે બોટ હવામાં તરી રહી છે
આ નદી ભારત અને બાંગ્લાદેશ એમ બે દેશોની વચ્ચે વહે છે અને પર્યટકો આ નદીની મુલાકાત લેવા આવે છે
અહીં આવીને તમને ફોરેનની કોઈ નદીમાં બોટિંગ કરી રહ્યા હોવ એવો જ અનુભવ થાય છે
તમે પણ જ્યારે મેઘાલય લઈ જાવ તો ચોક્કસ જ આ નદીમાં બોટિંગ કરવાનો અનુભવ લેવા જેવો છે...