‘ઉદ્ધવ ઠાકરેએ એકનાથ શિંદેને નક્સલવાદીઓએ ધમકી આપ્યા બાદ સુરક્ષા આપવાનો ઇનકાર કર્યો હતો’: શિવસેના ધારાસભ્ય સુહાસ કાંડે

આમચી મુંબઈ ટૉપ ન્યૂઝ

શિવસેનાના ધારાસભ્ય સુહાસ કાંડેએ ઉદ્ધવ ઠાકરે પર ગંભીર આરોપો લગાવ્યા બાદ રાજકારણમાં ફરી હલચલ મચી ગઈ છે. શિવસેનાના ધારાસભ્ય સુહાસ કાંડેએ જણાવ્યું હતું કે મહારાષ્ટ્રના ભૂતપૂર્વ સીએમ ઉદ્ધવ ઠાકરેએ તત્કાલિન ગૃહ પ્રધાન શંભુરાજ દેસાઈને એકનાથ શિંદેને નક્સલવાદીઓએ ધમકી આપ્યા બાદ વધારાની સુરક્ષા ન આપવા જણાવ્યું હતું. સુહાસ કાંડેના આક્ષેપ બાદ મહારાષ્ટ્રના રાજકારણમાં હડકંપ મચી ગયો છે.
“જ્યારે એકનાથ શિંદેને નક્સલવાદીઓ તરફથી જાનથી મારી નાખવાની ધમકીઓ મળી, ત્યારે બંને ગૃહ પ્રધાનો (રાજ્ય અને મંત્રીમંડળ) તેમને Z Plus સુરક્ષા આપવાનું વિચારતા હતા. માત્ર તેમને જ નહીં પરંતુ તેમના પરિવારજનોને પણ ધમકી આપવામાં આવી હતી, પરંતુ ઉદ્ધવ ઠાકરેએ સવારે 8.30 વાગ્યે શંભુરાજ દેસાઈને ફોન કર્યો અને એકનાથ શિંદેને સુરક્ષા ન આપવા કહ્યું,” એમ સુહાસ કાંડેએ હાલમાં એક મુલાકાતમાં જણાવ્યું હતું. મનમાડના પ્રવાસે આવેલા આદિત્ય ઠાકરેને પડકારતાં કાંડેએ કહ્યું કે જો મહારાષ્ટ્રના પૂર્વ પર્યાવરણ મંત્રી તેમના પ્રશ્નોના જવાબ આપશે તો તેઓ રાજીનામું આપી દેશે.
સુહાસ કાંડેએ શિવસેના પ્રમુખ ઉદ્ધવ ઠાકરે પર ગંભીર આરોપ લગાવ્યા બાદ હવે શંભુરાજ દેસાઈએ પણ તેની પુષ્ટિ કરી હતી અને જણાવ્યું હતું કે એકનાથ શિંદેને નક્સલવાદીઓ તરફથી ધમકીભર્યો પત્ર મળ્યા બાદ બંને ગૃહોમાં આ અંગે ચર્ચા થઈ હતી. તેથી સુરક્ષાને અનુલક્ષીને રાજ્યના ગૃહમંત્રી તરીકે સુરક્ષાની પણ જાહેરાત કરવામાં આવી હતી. ધમકી પત્રની સતત ચકાસણી પણ કરવામાં આવી હતી. શંભુ દેસાઈએ સ્પષ્ટતા કરી હતી કે તત્કાલિન મુખ્ય પ્રધાન ઉદ્ધવ ઠાકરેએ એકનાથ શિંદેને સુરક્ષા નકારી કાઢી હતી.
નોંધનીય છે કે વર્તમાન મુખ્ય પ્રધાન એકનાથ શિંદે મહાવિકાસ આઘાડી દરમિયાન ગઢચિરોલીના પાલક પ્રધાન પણ હતા. તે સમય દરમિયાન જિલ્લાને લગતા કેટલાક નિર્ણયો લેવામાં આવ્યા હતા. નિર્ણય લેતાની સાથે જ તેને નક્સલવાદીઓ તરફથી જાનથી મારી નાખવાની ધમકીનો પત્ર મળ્યો હતો,
અન્યથા પરિવારોને પણ આમાં સામેલ કરવામાં આવશે તેવો ઉલ્લેખ કરાયો હતો. તપાસ બાદ શંભુરાજ દેસાઈએ આ વાત સાચી હોવાનો ખુલાસો કર્યો છે. તો સવાલ એ રહે છે કે પક્ષના વડા ઉદ્ધવ ઠાકરેએ તેમના જીવને જોખમ હતું ત્યારે પણ સુરક્ષાનો ઇનકાર કેમ કર્યો?
નોંધનીય છે કે એકનાથ શિંદેએ મુખ્ય પ્રધાન તરીકે શપથ લીધાની સાથે જ સંબંધિત વિભાગને સૂચના આપી હતી કે સુરક્ષા માટે મર્યાદિત પોલીસ કર્મચારીઓ હોવા જોઈએ. સુરક્ષાને લઈને ગંભીર ન રહેતા એકનાથ શિંદેની જૂની કહાની હવે જ્યારે નવેસરથી ચર્ચાઈ રહી છે, ત્યારે એના રાજકીય પ્રત્યાઘાતો કેવા પડશે, એ તો સમય જ કહેશે

પ્રતિશાદ આપો

તમારું ઇમેઇલ સરનામું પ્રકાશિત કરવામાં આવશે નહીં.