Homeટોપ ન્યૂઝઅમેરિકન ફૂટબોલ ટીમ ખરીદવા માટે...

અમેરિકન ફૂટબોલ ટીમ ખરીદવા માટે…

એમેઝોનના માલિક જેફ બેઝોસની ગણતરી વિશ્વના સૌથી અમીર લોકોમાં થાય છે. હવે તેમની સાથે જોડાયેલા એક મોટા સમાચાર આવી રહ્યા છે.આધારભૂત સૂત્રોના જણાવ્યાનુસાર, એમેઝોનના સ્થાપક જેફ બેઝોસ ફૂટબોલ ટીમ વોશિંગ્ટન કમાન્ડર્સને ખરીદવા માટે અમેરિકન અખબાર વોશિંગ્ટન પોસ્ટ વેચી શકે છે.
આ બાબતની જાણકારી ધરાવતા એક સ્ત્રોત અનુસાર, વોશિંગ્ટન પોસ્ટ વેચાણ માટે તૈયાર હોવાનું માનવામાં આવે છે. ઉલ્લેખનીય છે કે, બેઝોસે 2013માં વોશિંગ્ટન પોસ્ટને USD 250 મિલિયનમાં ખરીદી હતી. અહેવાલ છે કે બેઝોસ ફૂટબોલ ટીમના માલિક ડેન સ્નાઇડર પાસેથી કમાન્ડરો ખરીદવાનો રસ્તો સાફ કરવાનો પ્રયાસ કરી રહ્યા છે.
અગાઉ બેઝોસે જાહેરમાં કહ્યું હતું કે અખબારની માલિકી એ તેમનો હેતુ નથી. તેમણે નાણાકીય સ્થિરતા સુનિશ્ચિત કરવા અને ઑનલાઇન વિસ્તરણને પ્રોત્સાહન આપવા માટે પોસ્ટ ખરીદી હતી. જોકે, ફૂટબોલ તેમની મનપસંદ રમત હોવાને કારણે તેઓ આગળ જઈને ટીમ ખરીદી શકે તેવી ઘણી સંભાવનાઓ છે. અત્યાર સુધી તેમણે નેશનલ ફૂટબોલ લીગ ટીમ ખરીદવા માગે છે કે કેમ તે અંગે કોઈ ઔપચારિક જાહેરાત કરી નથી.

LEAVE A REPLY

Please enter your comment!
Please enter your name here
Captcha verification failed!
CAPTCHA user score failed. Please contact us!
RELATED ARTICLES

Most Popular