ગ્રહ સંકેત -વિનોદ રાવલ
આ સપ્તાહમાં સૂર્ય અને નેપ્ચ્યુનની યુતિ થાય છે. સાથે બુધ અને સૂર્યની પણ યુતિ થાય છે. બુધ અને ગુરુનું ક્રાંતિસામ્ય થાય છે. આ સપ્તાહમાં સૂર્ય અને ગુરુના કેન્દ્રયોગ પણ છે. આ સપ્તાહમાં બુધ પોતાની નીચત્વવાળી મીન રાશિમાં પ્રવેશ
કરે છે.
આ ગ્રહયોગો બજારને કઈ દિશા આપશે તે જોઈએ…
શૅરબજાર: આ સપ્તાહની શરૂઆત મજબૂતાઈથી થઈ શકે છે અને શરૂઆતમાં વધઘટે મજબૂત રહી શકે છે. પણ આ સપ્તાહમાં ખુલતા બજારથી વેચીને વેપાર કરવો લાભદાયી થઈ શકે છે. આ સપ્તાહના ગ્રહયોગો બતાવે છે કે સપ્તાહના મધ્યમાં આકસ્મિક કારણ આવતા બજારમાં વેચવાલી આવી શકે છે. ચાલુ બજારે વેચવાલી આવતાં ઈન્ડેક્ષમાં નરમાઈ જોવા મળે. સપ્તાહના મધ્યથી અંત સુધીમાં એકાદ દિવસ નફારૂપી લેવાલી આવી શકે છે પણ તેજીતરફી બજારમાં નફો બુક કરતા રહેવો. આ સપ્તાહમાં ખુલતા ઈન્ડેક્ષ કરતાં સપ્તાહના અંતિમ દિવસોનો ઈન્ડેક્ષ નરમ જોવા મળે. આ સપ્તાહમાં સ્ટીલ, બૅંક, ફાઈનાન્સ, ઓટો., રિલાયન્સ, ફાઈનાન્સ સેક્ટરમાં વધઘટ જોવા મળી શકે.
સોના-ચાંદી: સોના અને ચાંદીમાં મજબૂતાઈથી સપ્તાહની શરૂઆતમાં જોવા મળી શકે છે. સોના અને ચાંદી વાયદા અને હાજરમાં આ સપ્તાહના શરૂઆતના દિવસથી જ બજારમાં વેચીને વેપાર ગોઠવવાથી લાભ મળી શકે છે એકાદ દિવસ મોટી અને ઝડપી વેચવાલી આવતા ભાવમાં સારી નરમાઈ જોવા મળે. સપ્તાહના શરૂઆતના દિવસોમાં અને મધ્યના દિવસોમાં બજારમાં વેચવાલી આવી શકે છે. સપ્તાહની મધ્યમાં નફારૂપી લેવાલી આવતા ભાવમાં સામાન્ય મજબૂતાઈ જોવા મળે. નફો બુક કરતા જવો. બજારમાં નરમ ધ્યાન રાખીને વેપાર કરવો. પણ વધઘટ બંને સાઈડ આવી શકે છે માટે નફો બુક કરતા જવો. આ સપ્તાહમાં દરેક ઊંચા ભાવે વેચીને વેપાર કરવો લાભદાયી થઈ શકે છે. સપ્તાહના અંતિમ દિવસોમાં સોના ચાંદીમાં બે તરફી બજાર જોવા મળે.
ક્રૂડઓઈલ: આ સપ્તાહમાં ક્રૂડ ઓઈલમાં મજબૂત ભાવ જોવા મળે. ક્રુડ ઓઈલમાં શરૂઆતના દિવસથી મધ્યના દિવસમાં બજાર સ્ટેડી રહી શકે છે. પણ ધ્યાન મજબૂત રાખીને શરૂઆતના દિવસોમાં સ્ટોક કરીને તેજીનો વેપાર ગોઠવતા જવો. સપ્તાહની મધ્યના દિવસમાં બજાર બે તરફી ચાલ બતાવી શકે છે. આ સપ્તાહમાં શરૂઆતના દિવસોથી મજબૂત ધ્યાન રાખીને વેપાર કરવો. સપ્તાહના અંતિમ દિવસો સુધી તેજીનો વેપાર રાખી શકાય. સપ્તાહના અંતિમ દિવસોમાં નવી લેવાલી આવતા બજાર મજબૂત રહી શકે છે. આ સપ્તાહમાં ક્રુડ ઓઈલમાં મજબૂત ભાવ રહી શકે છે.
કોમોડિટી: આ સપ્તાહની શરૂઆત મજબૂત ભાવથી થઈ શકે છે. સિંગતેલ, કપાસિયા તેલ, તેલીબિયાં અને દિવેલમાં સપ્તાહની શરૂઆત મજબૂત ભાવથી થાય. સપ્તાહની શરૂઆતના દિવસથી જ તેજી ધ્યાન રાખીને વેપાર ગોઠવતા જવો. આ સપ્તાહમાં તેલ તેલીબિયાં, કપાસિયાં, એરંડા, દિવેલ, તેલમાં તેજી ધ્યાન રાખીને વેપાર દરેક ભાવે કરવો. સપ્તાહના મધ્યના દિવસો સુધી સ્ટોક કરતા જવું લાભદાયી રહે. આ દિવસોમાં એકાદ દિવસ બજારમાં સામાન્ય નરમાઈ અથવા સાંકડી વધઘટ જોવા મળે પણ મંદીનો વેપાર કરવો નહીં. કપાસિયાં, એરંડા અને દિવેલ, તેલમાં આ સપ્તાહમાં નવી લેવાલી આવતા હાજર અને વાયદામાં મજબૂતાઈ જોવા મળે.
