છેલ્લા કેટલાક દિવસોથી અમેરિકાના આકાશમાં શંકાસ્પદ ફ્લાઈંગ ઓબ્જેક્ટ દેખાવના કિસ્સાઓ બની રહ્યા છે. અમેરિકાએ રવિવારે 12 ફેબ્રુઆરીના રોજ વધુ એક ફ્લાઈંગ ઓબ્જેક્ટને તોડી પડ્યું હતું. મીડિયા રિપોર્ટ્સ અનુસાર, યુએસ-કેનેડા બોર્ડર પર એક શંકાસ્પદ ફ્લાઈંગ ઓબ્જેક્ટ જોવા મળ્યું હતું. રાષ્ટ્રપતિ જો બાઈડેનના આદેશ બાદ અમેરિકી સેનાના ફાઈટર જેટે નિશાન બનાવીને ફાઈટર જેટને તોડી પાડ્યું હતું.
યુએસ આર્મીના ફાઈટર જેટે યુએસ-કેનેડિયન સરહદ પર આવેલા લેક હુરોન પર ઉડતી વસ્તુને તોડી પાડી છે. એક વરિષ્ઠ અમેરિકી અધિકારીએ જણાવ્યું કે રાષ્ટ્રપતિ જો બાઈડેને સેનાને ફ્લાઈંગ ઓબ્જેક્ટને ઠાર કરવાનો આદેશ આપ્યો, ત્યારબાદ તેને F-16 ફાઈટર એરક્રાફ્ટથી પૂરી સાવધાની સાથે તોડી પાડવામાં આવ્યું. અધિકારીઓએ જણાવ્યું હતું કે આ ફ્લાઈંગ ઓબ્જેક્ટ અષ્ટકોણ દેખાતું હતું. તેને લશ્કરી ખતરો માનવામાં આવી નથી રહ્યું, પરંતુ તે નાગરિક ઉડ્ડયન માટે જોખમ ઊભું કરી શકે છે.
છેલ્લા એક સપ્તાહમાં અમેરિકા અને કેનેડાના આકાશમાં અજાણ્યું ફ્લાઈંગ ઓબ્જેક્ટ દેખાયાનો આ ચોથો કિસ્સો છે. આ પહેલા કેનેડાએ અમેરિકન એરક્રાફ્ટની મદદથી ફ્લાઈંગ ઓબ્જેક્ટને તોડી પાડી હતી.
અમેરિકાએ વધુ એક ફ્લાઈંગ ઓબ્જેક્ટ તોડી પડ્યું, એક સપ્તાહમાં આ ચોથો કિસ્સો
