કચ્છી ગુજરાતણ એક્ટ્રેસ કોમલ ઠક્કર સતત બીજા વર્ષે ૭૬મા કાન્સ ફિલ્મ ફેસ્ટિવલમાં ચમકી હતી. અત્રે ઉલ્લેખનીય છે કે રેડ કાર્પેટની શોભા વધારનાર તે ગુજરાતી ફિલ્મ ઈન્ડસ્ટ્રીમાંથી કદાચ એકમાત્ર પ્રતિનિધી હોવાનું કહેવાઈ રહ્યું છે.
કોમલની આ સિદ્ધિએ તેના ટ્રેલબ્લેઝિંગ સ્ટેટસને વધારે મજબૂત બનાવ્યું હતું અને તેણે આ માટે આભાર વ્યક્ત કરતાં જણાવ્યું હતું કે, આ નોંધપાત્ર મંચ પર મારા દેશ, ગુજરાતી ફિલ્મ ઉદ્યોગ અને વૈશ્વિક ફિલ્મ સમુદાયનું પ્રતિનિધિત્વ કરવા બદલ હું ગૌરવ અનુભવું છું.
અત્રે ઉલ્લેખનીય છે કે કોમલે રેડ કાર્પેટ પર વોક કરતી વખતે પહેરેલો આ ગાઉન ઇસ્તંબુલ તુર્કીના ફૌદ સરકીસે ડિઝાઇન કર્યો છે, જ્યારે તેની જ્વેલરી ડિઝાઈન લંડનની મોના ફાઇન જ્વેલરી દ્વારા કરવામાં આવ્યા છે, જ્યારે તેનો બીજો એક અલગ લૂક ભારતીય ડિઝાઇનર નિકેતા ઠક્કર દ્વારા ડિઝાઇન કરવામાં આવ્યો છે.
કોમલ ઠક્કરની નિર્વિવાદ પ્રતિભા અને મનમોહક ઓન-સ્ક્રીન હાજરીએ તેને આંતરરાષ્ટ્રીય સ્પોટલાઈટમાં પ્રેરિત કરી, તેણે મનોરંજન ઉદ્યોગમાં એક પ્રચંડ શક્તિ તરીકે સ્થાપિત કરી છે, કાન્સમાં તેની અસાધારણ યાત્રા વિશ્વભરના મહત્વાકાંક્ષી અભિનેતાઓ, અભિનેત્રીઓ અને ફિલ્મ નિર્માતાઓ માટે પ્રેરણારૂપ છે.
