ઓસ્કાર 2023માં ફિલ્મ RRRના ગીત ‘નાટૂ નાટૂ’એ બેસ્ટ ઓરિજિનલ સોંગનો એવોર્ડ તેમજ બેસ્ટ ડોક્યુમેન્ટરી શોર્ટ ફિલ્મ કેટેગરીમાં ફિલ્મ ‘ધ એલિફન્ટ વ્હિસ્પર્સ‘એ એવોર્ડ જીતીને ભારતનું નામ રોશન કર્યું છે અને આ સમગ્ર દેશ માટે ગર્વની ક્ષણ છે. બેસ્ટ ડોક્યુમેન્ટરી શોર્ટ ફિલ્મ કેટેગરીમાં ઓસ્કાર મેળવ્યા બાદ લોકો ફિલ્મ ‘ધ એલિફન્ટ વ્હિસ્પર્સ’ વિશે ખૂબ જ ચર્ચા કરતા જોવા મળી રહ્યા છે.
હાથી અને મહાવતના સંબંધ પર આધારિત આ ફિલ્મમાં જોવા મળેલા હાથીને જોવા માટે લોકો દૂર દૂરથી થેપ્પાકડુ એલિફન્ટ કેમ્પમાં પહોંચી રહ્યા છે. લોકો ઓસ્કાર વિજેતા ફિલ્મનો હાથી કેવો દેખાય છે એ જોવા માટે દૂર દૂરથી આવી રહ્યા છે.
સ્થાનિક નાગરિકોની સાથે સાથે વિદેશી નાગરિકોm રઘુ હાથીનો ક્રેઝ જોવા મળી રહ્યો છે. લંડનથી આવેલા એક ટુરિસ્ટે જણાવ્યું હતું કે, ગઈકાલે આ ફિલ્મે ઓસ્કાર એવોર્ડ જીત્યો છે અને હાથી e મારું મનપસંદ પ્રાણી છે. મને તેને જોઈને ખૂબ જ આનંદ થયો હતો અને અમને ખૂબ મજા આવી. હું ખૂબ નસીબદાર છું કે હું તેને જોઈ શક્યો.’
નિર્માતા ગુનીત મોંગા અને નિર્દેશક કાર્તિકી ગોન્સાલ્વિસની ફિલ્મ ‘ધ એલિફન્ટ વ્હિસ્પર્સ’ને બનાવવામાં લગભગ 5 વર્ષ લાગ્યા હતા અને આ ફિલ્મ 41 મિનિટની છે. ધ એલિફન્ટ વ્હિસ્પર્સની કહાની બે દક્ષિણ ભારતીય ગામડાના આદિવાસીઓ બામન અને બેઈલી અને એક બાળ હાથી રઘુની આસપાસ ફરે છે.
આ દંપતી હાથી રઘુની સંભાળ રાખે છે અને પોતાનું આખું જીવન અનાથ હાથીને જીવતો રાખવા માટે સમર્પિત કરી દે છે. આ ડોક્યુમેન્ટ્રીમાં રઘુની રિકવરી અને સર્વાઈવલની સફર દર્શાવવામાં આવી છે. આ ફિલ્મમાં આ કપલ અને રઘુ વચ્ચેના પ્રેમ અને બોન્ડની સુંદર કહાની બતાવવામાં આવી છે.
Mudumalai, Tamil Nadu | After 'The Elephant Whisperers' won #Oscars award for Best Documentary Short Film, people from different parts of the country visit Theppakadu Elephant Camp to witness the Oscar-winning elephant Raghu (13.03) pic.twitter.com/75vycru7Qg
— ANI (@ANI) March 14, 2023