ફિલિપાઈન્સના મનિલામાં મંગળવારે ભૂકંપના જોરદાર આંચકા અનુભવાયા હતા. રિક્ટર સ્કેલ પર તેની તીવ્રતા 6.0 નોંધવામાં આવી છે. અમેરિકન જિયોલોજિકલ સર્વેના રિપોર્ટ અનુસાર, સ્થાનિક સમય અનુસાર બપોરે 2 વાગ્યે ભૂકંપના આંચકા અનુભવાયા હતા.
ભૂકંપનું કેન્દ્ર મિંડાનાઓ ટાપુના દાવો ડી ઓરો પ્રાંતમાં હતું. ડિઝાસ્ટર ઓફિસના એક કર્મચારીએ જણાવ્યું હતું કે અમે રાષ્ટ્રીય ધોરીમાર્ગ પર ભૂસ્ખલનના અહેવાલોની તપાસ કરી રહ્યા છે. અમને અન્ય નુકસાન અથવા જાનહાનિના કોઈ અહેવાલો પ્રાપ્ત થયા નથી, પરંતુ અમે શહેરની આસપાસના ગામોની તપાસ કરી રહ્યા છીએ.
આ પહેલા 16 ફેબ્રુઆરીએ ફિલિપાઈન્સના મસબેટ વિસ્તારમાં 6.1ની તીવ્રતાનો ભૂકંપ આવ્યો હતો. જો કે, આના કારણે સુનામીની કોઈ ચેતવણી જારી કરવામાં આવી ન હતી અને ન તો તેના કારણે કોઈ નુકસાનની પુષ્ટિ થઈ હતી. યુએસજીએસએ જણાવ્યું હતું કે ભૂકંપનું કેન્દ્ર પ્રાંતના મુખ્ય ટાપુ મસબેટની યુસોન નગરપાલિકામાં મિયાગાના નજીકના ગામથી 11 કિલોમીટર દૂર હતું.
ફિલિપાઈન્સ સહીત વિશ્વના ઘણા દેશોમાં વારંવાર ભૂકંપની ઘટનાઓ બની રહી છે, જેને લઈને ભૂસ્તરશાસ્ત્રીઓએ ચિંતા વ્યક્ત કરી છે. આ પહેલા ફિલિપાઈન્સમાં પૂરના કારણે અનેક લોકોના મોત થયા હતા. ફિલિપાઈન્સ માટે વર્ષની શરૂઆત ખૂબ જ દુઃખદ રહી.
ફિલિપાઈન્સમાં જોરદાર ભૂકંપ, ચેતવણી જારી, નુકસાનની આશંકા!
