વોશિંગ્ટન : અમેરિકા અને વેનેઝુએલા વચ્ચે વિવાદ વધી રહ્યો છે. જેમાં હવે અમેરિકાના રાષ્ટ્ર્પતિ ડોનાલ્ડ ટ્રમ્પના આદેશ પર વેનેઝુએલાના એર સ્પેશને બંધ કરી દેવામાં આવ્યો છે. તેમજ અહેવાલ અનુસાર વેનેઝુએલા પર અમેરિકા કોઈપણ સમયે હુમલો કરી શકે છે. જેના લીધે આંતરરાષ્ટ્રીય એરલાઇન્સની ફ્લાઇટ્સ રદ કરવામાં આવી રહી છે. ડોનાલ્ડ ટ્રમ્પે વેનેઝુએલાના ડ્રગ ડીલરોને કડક ચેતવણી આપી છે. ટ્રમ્પે આજે વેનેઝુએલાના રાષ્ટ્રપતિ નિકોલસ માદુરો સાથે ફોન પર વાત કરી હતી, અને હવે અમેરિકાના લડાકુ વિમાનો વેનેઝુએલા પર હુમલો કરવા માટે તૈયાર છે.
અમેરિકાએ વેનેઝુએલા પર દબાણ વધાર્યું
ટ્રમ્પ આદેશ આપતાની સાથે જ યુએસ ફાઇટર પ્લેન ઉડાન ભરશે, એટલે કે ગમે ત્યારે નવો યુદ્ધ મોરચો ખુલી શકે છે. રશિયા અને યુક્રેનમાં યુદ્ધ મોરચો પહેલેથી જ ખુલ્લો છે. ટ્રમ્પે આ ચેતવણી ખાસ કરીને ડ્રગ ડીલરો, એરલાઇન્સ અને પાઇલટ્સને આપી હતી, જેનાથી સ્પષ્ટ થયું હતું કે માદુરો શાસન પર યુએસનું દબાણ વધુ વધી ગયું છે. ટ્રમ્પનું આ નિવેદન એવા સમયે આવ્યું છે જ્યારે યુએસ વહીવટીતંત્રે માદુરો સરકારને ગેરકાયદેસર શાસન જાહેર કર્યું છે, અને ત્યારથી, યુએસ વેનેઝુએલા સરકાર પર દબાણ વધારવા માટે સતત વિવિધ નવા વિકલ્પો પર વિચાર કરી રહ્યું છે.
આ પણ વાંચો….ટેરિફના વોરના ટાણે ભારત-અમેરિકા વચ્ચે થઈ મોટી ડીલ! ₹7,995 કરોડનો મેગા ડિફેન્સ સોદો
