લાતુર: લાતુરમાં છ વર્ષની બાળકી પર જાતીય હુમલો કરવા પ્રકરણે આરોપીની ધરપકડ કરવામાં આવી હોવાનું પોલીસે જણાવ્યું હતું.
પોલીસના જણાવ્યા અનુસાર ઉદ્ગીર ખાતે ૧૪ ડિસેમ્બરના રોજ આ ઘટના બની હતી. ૪૮ વર્ષનો આરોપી ૧૪ ડિસેમ્બરે બાળકીને તેના ઘરે લઇ ગયો હતો, જ્યાં તેના પર જાતીય હુમલો કરવામાં આવ્યો હતો. બાળકીએ એ જ દિવસે માતાને આની જાણ કરી હતી.
દરમિયાન બાળકીની માતાએ આ પ્રકરણે પોલીસમાં ફરિયાદ નોંધાવી હતી, જેને આધારે પોલીસે ભારતીય દંડસંહિતાની સંબંધિત કલમ તથા પોક્સો (પ્રોટેકશન ઓફ ચિલ્ડ્રન ફ્રોમ સેકસ્યુઅલ ઓફેન્સીસ એક્ટ) હેઠળ ગુનો દાખલ કરીને આરોપીની ધરપકડ કરી હતી. (પીટીઆઇ)
લાતુરમાં છ વર્ષની બાળકી પર જાતીય હુમલો: નરાધમની ધરપકડ
