સેન્સેક્સે ૭૬૧ પોઇન્ટના ઉછાળા સાથે ૫૭,૫૫૦ની સપાટી વટાવી, નિફ્ટી ૧૭,૧૫૦ની ઉપર: માર્કેટ કૅપમાં ₹ ૩.૪૮ લાખ કરોડનો વધારો

શેરબજાર

મુંબઇ: વિશ્ર્વબજારના સકારાત્મક સંકેત સાથે સુધરેલા સેન્ટિમેન્ટ વચ્ચે રિલાનન્સ ઇન્ડસ્ટ્રઈઝ, ઇન્ફોસિસ અને એચડીએફસી ટ્વીન્સ જેવા ઇન્ડેક્સ હેવીવેઇટ શેરોમાં લેવાલીનો ટેકો મળતાં સેન્સેક્સ અને નિફ્ટી ત્રણ દિવસની આગેકૂચમાં ત્રણ મહિનાની નવી ઊંચી સપાટીએ પહોંચ્યા હતા. સેન્સેક્સે ૫૭,૫૫૦ની સપાટી વટાવી હતી, જ્યારે નિફ્ટી ૧૭,૧૫૦૦ની ઉપર પહોંચ્યો હતો. અમેરિકાની ફેડરલ રિઝર્વ દ્વારા વ્યાજદરમાં ૭૫ બેસિસ પોઇન્ટનો અપેક્ષિત વધારો જાહેર થયા બાદ વિશ્ર્વબજારમાં આવેલા સુધારા સાથે સ્થાનિક શેરબજારમાં પણ સેન્ટિમેન્ટ તેજીમય બન્યું છે.
સત્ર દરમિયાન ૭૬૧.૪૮ પોઇન્ટ અથવા તો ૧.૩૩ ટકાના ઉછાળા સાથે ૫૭,૬૧૯.૨૭ પોઇન્ટની ઊંચી સપાટીને અથડાઇને અંતે સેન્સેક્સ ૭૧૨.૪૬ પોઇન્ટ અથવા તો ૧.૨૫ ટકાના ઉછાળા સાથે ૫૭,૫૭૦.૨૫ પોઇન્ટની સપાટીએ પહોંચ્યો હતો. જ્યારે નિફ્ટી ૨૨૮.૬૫ પોઇન્ટ અથવા તો ૧.૩૫ ટકાના ઘટાડા સાથે ૧૭,૧૫૮.૨૫ પોઇન્ટની સપાટીએ પહોંચ્યો હતો. સેન્સેક્સના શેરોમાં ટાટા સ્ટીલ સન ફાર્મા, બજાજ ફિનસર્વ, ઇન્ડસઇન્ડ બેન્ક, એશિયન પેઇન્ટ, ઇન્ફોસિસ, રિલાયન્સ ઇન્ડસ્ટ્રીઝ, બજાજ ફાઇનાન્સ, વિપ્રો અને એચડીએફસી ટોપ ગેઇનર્સ રહ્યાં હતાં. ડો. રેડ્ડીઝ લેબ, કોટક મહ્નિદ્ર બેન્ક, સ્ટેટ બેન્ક, આઇટીસી અને એક્સિસ બેન્ક ટોપ લૂઝર રહી હતી. ગ્લેનમાર્ક ફાર્માની યુએસ સ્થિત કંપનીને બર્થ ક્ધટ્રોલ કેપસ્યુલના જેનેરકિ વર્ઝન માટે યુએસએફડીએની મંજૂરી મળી ગઇ છે. લોર્ડ્સ માર્ક ઇન્ડસ્ટ્રીઝના ફાર્મા ડિવિઝન લોર્ડ્સમેડએ વિશ્ર્વની પ્રથમ કોવિડ ૧૯ સલાઇવા આધારિત રેપિડ એન્ટિજેન ટેસ્ટ કીટ ભારતમાં લાવવા માટે સિંગાપોર સ્થિત ડાયગ્નોસ્ટિક્સ કીટ મેન્યુફેક્ચરર સેન્સિંગ સેલ્ફ પીટીઇ લિમિટેડ સાથે યુતિ કરી છે. અશોક લેલેન્ડે જૂન ક્વાર્ટરમાં રૂ. ૯૬ કરોડનો ચોખ્ખો નફો નોંધાવ્યો છે. કંપનીએ ગયા વર્ષે સમાન સમયગાળામાં રૂ. ૩૨૪ કરોડની ખોટ નોંધાવી હતી. હોનાસા ક્ધઝ્યુમરે તેની એફએમસીજી બ્રાન્ડ મામાઅર્થ માટે એક્ઝક્લુસિવ બ્રાન્ડ આઉટલેટનું મુંબઇમાં કુર્લા અને મલાડ ખાતે વિસ્તરણ કર્યું છે, જેમાં બેબીકેર, બ્યુટી અને હેલ્થકેરની તમામ પ્રોડક્ટ રહેશે. આ બ્રાન્ડ હેઠળ પાંચ વર્ષમાં ૧૪૦ પ્રોડક્ટની રેન્જ ઊભી થઇ છે, જે ૫૦૦ શહેરમાં પહોંચી છે.
રિઝર્વ બેેન્ક પાસેથી ૧૦૦૦ બ્રાન્ચ ખોલવાની પરવાનગી મેળવ્યાં બાદ અન્ય શહેરમાં ૫૦૦ બ્રાન્ચ સ્થાપી ચૂકેલી અગ્રણી ફાઇનાન્શિયલ સર્વિસ પ્રોવાઇડર કેએલએમ એક્સિવા ફિનવેસ્ટેમુંબઇ ખાતે પહેલી પ્રાદેશિક કચેરી સ્થાપી છે. કંપની ગોલ્ડ લોનથી ઇન્વેસ્ટમેન્ટ, માઇક્રોાઇનાન્સથી મની એક્સછેન્જ સુધીની કામગીરીમાં વ્યસ્ત છે. જૂનમાં પૂરા થયેલા પ્રથમ ક્વાર્ટરમાં ઝાઇડસ વેલનેસે ૪.૭૫ ટકાના વધારા સાથે રૂ. ૧૩૭.૦૧ કરોડનો ચોખ્ખો નફો નોંધાવ્યો છે. એચડીએફસીએ જૂન ક્વાર્ટર માટે ૨૨.૨ ટકાના વધારા સાથે રૂ. ૩૬૬૮.૯૨ કરોડનો સ્ટેન્ડઅલોન નેટપ્રોફિટ અને રૂ. ૧૩,૨૪૮.૭૩ કરોડની કુલ આવક નોંધાવી છે. અમેરિકાની ફેડરલ રિઝર્વે તો અપેક્ષિત ધોરણે વ્યાજદરમાં ૭૫ બેસિસ પોઇન્ટનો વધારો જાહેર કરી દીધો છે, અને અમેરિકન અર્થતંત્રની દશા નબળી હોવાથી તે આગળ વધુ આક્રમક પગલાં નહીં લેશે એવી અટકળો વચ્ચે ઇકિવટી શેરોમાં લેવાલી જોવા મળી હતી.
હવે રિઝર્વ બેન્ક કેવો નિર્ણય લે છે તેના પર અર્થશાસ્ત્રીઓની નજર છે. અર્થશાસ્ત્રીઓ માને છે કે આરબીઆઇ વધુ આક્રમક રીતે વ્યાજ દરમાં વધારો નહીં કરે. અગાઉ વ્યાજ દરની વૃદ્ધિ માટે ૫૦ બેસિસ પોઇન્ટની ધારણા મૂકાતી હતી પરંતુ હવે રિઝર્વ બેન્કની એમપીસી માત્ર ૨૫ બેસિસ પોઇન્ટનો વધારો કરે એવી સંભાવના બેન્ક ઓફ બરોડના અર્થશાસ્ત્રી વ્યકતર કરે છે. તેમનું કહેવું છે કે ઇન્ફ્લેશન મધ્યસ્થ બેન્કની અપેત્રિત રેન્જમાં જ રહ્યું હોવાથી આગામી ત્રિમાસિક સમયગાળામાં વ્યાજદરને મોરચે કોઇ મોટો વધારો થાય એવી શકયતા જણાતી નથી. ટાટા સ્ટીલમાં ૭.૨૭ ટકા અને સન ફાર્મામાં ૫.૪૫ ટકા ઊછળ્યો હતો. બજાજ ફિનસર્વમાં ૨.૬૪ ટકાનો, ઇન્ડસઇન્ડ બેન્કમાં ૨.૫૨ ટકાનો, એશિયન પેઇન્ટમાં ૨.૩૮ ટકાનો અને ઇન્ફોસિસમાં ૨.૧૨ ટકાનો જ્યારે રિલાયન્સમાં ૨.૧ ટકાનો ઉછાળો નોંધાયો હતો. ડો. રેડ્ડૂીઝ લેબમાં ૩.૯૬ ટકાનો કડાકો નોંધાયો હતો.

પ્રતિશાદ આપો

તમારું ઇમેઇલ સરનામું પ્રકાશિત કરવામાં આવશે નહીં.