સસ્તા અને ઝડપી પરિવહન માટે આજે પણ ભારતીય રેલવે સિવાય બીજો કોઈ વિકલ્પ મળ્યો નથી અને આગામી સમયમાં મળશે કે કેમ અંગે પણ સવાલ છે પણ વાત કરીએ સાવ અલગ અને હટકે.
ભારતીય રેલવેનું દેશમાં હજારો કિલોમીટરનું નેટવર્ક ફેલાયેલું છે, જ્યારે હજારો રેલવે સ્ટેશન હસે પણ દેશમાં બે જ એવા રેલવે સ્ટેશન છે જેના કોઈ નામ નથી. વાત માન્યામાં આવી એવી નથી હકીકત છે. એટલે તેમના સત્તાવાર કોઈ નામ તો શું સાઈન બોર્ડ પણ રાખવામાં આવ્યા નથી.
અચરજ પામી ગયા ને પણ સત્ય છે, પણ હવે જો તમે આ વાતથી વાકેફ ન હોવ તો જરાય ચિંતા કરશો નહીં. વાત કરીએ નામ વિનાના સ્ટેશનની. દેશના દરેક રાજ્ય, દરેક જિલ્લામાં ઘણા બધા રેલ્વે સ્ટેશન છે અને તે બધાના સત્તાવાર નામ પણ છે. પરંતુ આ સિવાય બે એવા રેલવે સ્ટેશન છે જેનું કોઈ સત્તાવાર નામ નથી.
તમે કદાચ તેને ખોટું માનતા હશો, પરંતુ તે સાચું છે. પહેલું રેલવે સ્ટેશન ઝારખંડના લોહરદગા જિલ્લામાં છે. આ રેલવે સ્ટેશનનું આજ સુધી કોઈ નામ નથી. તમને જણાવી દઈએ કે જ્યારે તમે રાંચીથી તોરી જતી ટ્રેનમાં મુસાફરી કરશો તો તમને રસ્તામાં આ અનામી રેલવે સ્ટેશન જોવા મળશે.
મળતી માહિતી મુજબ ૨૦૧૧માં જ્યારે રેલવેએ તેનો ઉપયોગ કરવાનું શરૂ કર્યું ત્યારે તેનું નામ બડકીચેમ્પ રાખવામાં આવ્યું હતું, પરંતુ સ્થાનિક લોકોએ કંઈકને લઈને વિરોધ કરવાનું શરૂ કર્યું, જેના કારણે રેલ્વેએ આ નામને સત્તાવાર બનાવ્યું ન હતું અને તે આજે પણ છે. રેલ્વે સ્ટેશન છે. નામ વગર.
એ જ રીતે પશ્ચિમ બંગાળમાં એક બીજું રેલવે સ્ટેશન પણ છે, જેનું કોઈ નામ નથી. આ રેલ્વે સ્ટેશન બાંકુરા-મસગ્રામ રેલ્વે લાઇન પર આવે છે, આ રેલ્વે સ્ટેશન પશ્ચિમ બંગાળના બર્ધમાનથી ૩૫ કિલોમીટર દૂર છે.
તમને જણાવી દઈએ કે પહેલા આ રેલવે સ્ટેશનનું નામ રૈનાગઢ હતું, પરંતુ અહીં પણ સ્થાનિક લોકોએ વિરોધ કર્યો હતો, જેના કારણે રેલવેએ નામ હટાવવું પડ્યું હતું. આ સ્ટેશન હજુ પણ નામ વગર ચાલી રહ્યું છે. હવે તમે વિચારી રહ્યા હશો કે ટિકિટ કેવી રીતે મેળવવી તો તમે આજે પણ રૈનાગઢ નામે ટિકિટ મળે છે.
