ડૉલર સામે રૂપિયો પાંચ પૈસા નરમ

બિઝનેસ

મુંબઈ: સ્થાનિક ઈક્વિટી માર્કેટમાં સુધારા ઉપરાંત ગઈકાલે વિદેશી સંસ્થાકીય રોકાણકારોની લેવાલી જળવાઈ રહેવાના નિર્દેશ તેમ જ બ્રેન્ટ ક્રૂડતેલના વાયદાના ભાવમાં ઘટાડો આવ્યો હોવા છતાં વૈશ્ર્વિક વિનિમય બજારમાં આજે ડૉલર ઈન્ડેક્સમાં સુધારો આગળ ધપ્યો હોવાથી સ્થાનિક ફોરેક્સ માર્કેટમાં ડૉલર સામે રૂપિયો પાંચ પૈસાના ઘસારા સાથે ૭૯.૯૦ની સપાટીએ બંધ રહ્યો હતો. આજે સ્થાનિકમાં ડૉલર સામે રૂપિયો ગઈકાલના ૭૯.૮૫ના બંધ સામે ૭૯.૯૦ની સપાટીએ ખૂલ્યા બાદ સત્ર દરમિયાન નીચામાં ૭૯.૯૨ અને ઉપરમાં ૭૯.૮૬ સુધી મજબૂત થયા બાદ અંતે ગઈકાલના બંધથી પાંચ પૈસાના ઘટાડા સાથે ૭૯.૯૦ની ખૂલતી સપાટીએ જ બંધ રહ્યો હતો. એફઆઈઆઈની લેવાલી અને ક્રૂડતેલના ભાવમાં ઘટાડો આવ્યો હોવા છતાં ડૉલરની મજબૂતાઈને કારણે રૂપિયામાં તીવ્ર સુધારો અટક્યો હોવાનું બીએનપી પારિબાસના વિશ્ર્લેષક અનુજ ચૌધરીએ જણાવતાં ઉમેર્યું હતું કે મંદીની ચિંતા સપાટી પર આવતાં આજે ડૉલરમાં સલામતી માટેની માગ ખૂલવાથી ડૉલરમાં સુધારા તરફી જોવા મળ્યું હતું.

પ્રતિશાદ આપો

તમારું ઇમેઇલ સરનામું પ્રકાશિત કરવામાં આવશે નહીં.