ધોળા જંકશન પર માલગાડી પાટા પરથી ઉતરી જવાને કારણે રેલ વ્યવહાર પ્રભાવિત

પશ્ચિમ રેલ્વે ભાવનગર ડિવિઝનના ધોળા જંકશન યાર્ડ ખાતે 16.45 કલાકે માલગાડી પાટા પરથી ઉતરી જવાને કારણે આ સેક્શન પર રેલ ટ્રાફિકને અસર થઈ છે. આ કારણે ઘણી ટ્રેનના આવન-જાવનના સમયમાં ફેરફાર થયો છે. રેલવે દ્વારા આ ટ્રેનની યાદી આપવામાં આવી હતી. જેથી યાત્રિકોને માહિતી મળે.
પ્રભાવિત થનારી ટ્રેનમાં  19મી ફેબ્રુઆરી, 2023 ના રોજ ભાવનગરથી ઉપડતી ટ્રેન નંબર 22964 ભાવનગર –બાંદ્રા એક્સપ્રેસ ભાવનગર ટર્મિનસ સ્ટેશનથી 3 કલાકના વિલંબ સાથે 20.45 કલાકે ઉપડશે, ટ્રેન નંબર 12972 ભાવનગર – બાંદ્રા એક્સપ્રેસ 19મી ફેબ્રુઆરી, 2023ના રોજ ભાવનગર ટર્મિનસ સ્ટેશનથી 3 કલાકના વિલંબ સાથે 21.30 કલાકે ઉપડશે, 19મી ફેબ્રુઆરી, 2023ના રોજ મહુવાથી ઉપડતી ટ્રેન નંબર 20956 મહુવા – સુરત એક્સપ્રેસ 3 કલાકના વિલંબ સાથે 22.15 કલાકે મહુવા સ્ટેશનથી ઉપડશે, ટ્રેન નંબર 19209 ભાવનગર – ઓખા એક્સપ્રેસ 19મી ફેબ્રુઆરી, 2023 ના રોજ ભાવનગર ટર્મિનસ સ્ટેશનથી 00.10 કલાકે (20.02.2023) 2 કલાકના વિલંબ સાથે ઉપડશે, 19 ફેબ્રુઆરી, 2023 ના રોજ ભાવનગરથી ઉપડતી ટ્રેન નંબર 09582 ભાવનગર –બોટાદ ભાવનગર ટર્મિનસ સ્ટેશનથી 3 કલાકના વિલંબ સાથે 22.10 કલાકે ઉપડશે,  19 ફેબ્રુઆરી, 2023 ના રોજ ધોલા જંકશનથી ઉપડતી ટ્રેન નંબર 09583 ધોલા જંકશન – મહુવા 3 કલાકના વિલંબ સાથે ધોલા સ્ટેશનથી 20.45 કલાકે ઉપડશે,  19 ફેબ્રુઆરી, 2023 ના રોજ મહુવા સ્ટેશન થી ઉપડતી ટ્રેન નંબર 19206 મહુવા – ભાવનગર લીલીયા મોટા સ્ટેશન પર શોર્ટ ટર્મિનેટ થઈ છે જેના કારણે આ ટ્રેન લીલીયા મોટા અને ભાવનગર વચ્ચે રદ રહેશે.
રેલવેએ વધુ વિગતો માટે રેલવેની વેબસાઈટ પરથી માહિતી મેળવવાની અપીલ પણ યાત્રિકોને કરી છે.