સ્માર્ટફોનમાં કોઈ ખામી સર્જાય ત્યારે સર્વિસ સેન્ટર જતાં પહેલાં ફોન વોરંટીમાં છે કે નહીં તે જાણવું જરૂરી બને છે. ઘણીવાર જૂનું બિલ ખોવાઈ ગયું હોય કે ખરીદીની ચોક્કસ તારીખ યાદ ન હોય ત્યારે મુશ્કેલી ઊભી થાય છે. જોકે, મોટાભાગની સ્માર્ટફોન બ્રાન્ડ્સ માત્ર 15 ડિજિટનો IMEI (International Mobile Equipment Identity) નંબર દ્વારા ઓનલાઇન વોરંટી સ્ટેટસ ચેક કરવાની સુવિધા આપે છે. આજે આ આ વિશે સ્ટોરીમાં જાણીએ વિસ્તારથી...
ફોનનો IMEI નંબર કેવી રીતે જાણવો?:
ફોનના ડાયલ પેડમાં જઈને *#06# ડાયલ કરતાં જ સ્ક્રીન પર 15 ડિજિટનો IMEI નંબર દેખાશે.
આ ઉપરાંત Android ફોનમાં Settings > About Phone > Status / IMEI Informationમાં જઈને પણ આ નંબર મેળવી શકાય છે.
ફોનના ઓરિજિનલ પેકિંગ બોક્સની પાછળ લાગેલા બારકોડ સ્ટીકર પર પણ IMEI નંબર નોંધાયેલો હોય છે.
IMEI નંબરથી આ રીતે ચેક કરો વોરંટી?
જો તમે પણ તમારા સ્માર્ટફોનની વોરંટી ચેક કરવા માંગો છો તો એના માટે તમારે
ઓફિશિયલ બ્રાન્ડ વેબસાઇટ પર જાઓ: તમારા સ્માર્ટફોનની ઓફિશિયલ બ્રાન્ડ (Samsung, Xiaomi, Vivo, Oppo, Realme, OnePlus કે Apple)ના સર્વિસ / સપોર્ટ પેજ પર જાઓ.
Warranty Check ટૂલ શોધો: સપોર્ટ સેક્શનમાં 'Check Warranty Status' કે પછી 'Authenticate Device' વિકલ્પ પસંદ કરો.
IMEI નંબર દાખલ કરો: નિયત બોક્સમાં 15 આંકડાનો IMEI નંબર અને દર્શાવેલ કેપ્ચા (Captcha) કોડ દાખલ કરો.
વિગતો ચકાસો: 'Submit' કે 'Check' પર ક્લિક કરતાં જ ફોનનું મોડેલ, ખરીદીની તારીખ, એક્ટિવેશન ડેટ અને વોરંટીની એક્સપાયરી ડેટ સ્ક્રીન પર જોવા મળશે.
