Homeપ્રજામતપ્રજામત

પ્રજામત

દવાના નામે સ્ટેરોઈડ્ઝ
ક્યારેક આયુર્વેદ કે હોમિયોપથીની દવાના નામે તેના ડૉક્ટર્સ સ્ટેરોઈડઝ આપી દેતા હોય છે. આનાથી દર્દીને થોડા સમય પૂરતું તો સારું લાગે પણ તેની આડઅસરનો ખ્યાલ તો ઘણા સમય પછી આવે.
બોરીવલીના એક વૈદે આવી રીતે પાંચ વર્ષ સતત સ્ટેરોઈડઝ આપી દેવાથી, એક દર્દી બહેનની કિડની-હાર્ટ-હાડકા પર ખૂબ જ માઠી અસર થઈ છે. તે ડૉક્ટરે માફી માગી. પણ હજુ તેને ત્યાં એટલા જ દર્દીઓની લાઈન લાગે છે અને સ્ટેરોઈડઝવાળી દવા, અજાણતા લે છે તેને કોઈ રોકવાવાળું નહીં?
જો તે સ્ટેરોઈડઝ આપવી જરૂરી માનતા હોય તો દર્દીને જણાવ્યા પછી જ આપે. તો પછી તેને ક્યાં કેટલી લાઈન લાગે તે જોવાનું!
– પદ્મા મનોજ લાખાણી
હીરાનંદાની-પવઈ
————-
પેન્શન અત્યાર સુધી કેમ વધતું નથી?!
‘ઈપીએફ ૯૫’ પેન્શન યોજનામાં ઓછામાં ઓછું પેન્શન એક હજાર રૂપિયા કરવામાં આવેલ ત્યારે વિરોધી પક્ષમાં ભારતીય જનતા પક્ષે ટીકાનો વરસાદ વરસાવતા કહેલ:
“અલ્પતમ રકમનો અર્થ કામદારો પર થયેલ અન્યાય કહેવાય, તેમને દગો આપેલ છે એમ મનાય. આ પેન્શન ઓછામાં ઓછું ત્રણ હજાર રૂપિયા હોવું જોઈએ. એવું તત્કાલીન પ્રવક્તા શ્રી પ્રકાશ જાવડેકર, સાહેબશ્રીએ જણાવેલ.) (ધ્વનિફીત ઉપલબ્ધ)
અમારું તલસ્પર્શીય અવલોકન: બવે ભાજપની પૂર્ણ બહુમતીની સરકારના સત્તા ગ્રહણ કરવાના આઠ વર્ષ થયેલ છે, છતાં પણ સરકારશ્રી અને પક્ષ કથિત પેન્શન વધારવાની બાબતમાં એક શબ્દ પણ ઉચ્ચારવા માટે તૈયાર નથી, તો પછી આપેલ ‘વચન’ને વચન સમજવું કે ‘બોલવચન’?
– પ્રિન્સિ કુંવરજી બારોટ
અંધેરી (પ.), મુંબઈ.
————–
આપણા સાંસદ અને હંગામો
ભારતની પ્રજાના કમનસીબે આપણે જેમને પ્રતિનિધિ તરીકે ચૂંટીને સંસદમાં મોકલીએ છીએ તે આપણી સમસ્યાઓને કે આપણા લાભ માટે રજૂઆત કે ચર્ચા કરવાને બદલે (કે એનું સમાધાન શોધવાને બદલે) દેશના કોઈ ઉદ્યોગપતિ કે કારોબાર કરનારે શું કર્યું. એ બાબત હંગામો કરી સંસદ ચાલવા નથી દેતા. આવા કોઈ કૌભાંડની તપાસ એ તપાસ માટે કોઈ જોઈન્ટ કમિટી નીમવામાં આવે તો એની તપાસનું પરિણામ આવતાં લાંબો સમય ચાલ્યો જાય અને ત્યાં સુધી મુળ સમસ્યા જ ખતમ થઈ જાય. હકીકતમાં વિપક્ષોનો મુળ વાંધો શ્રી મોદીજી સામે છે અને એમને લાગે છે કે દેશના બે મોટા ઉદ્યોગપતિ સરકાર ચલાવે છે. શું આ શક્ય છે? શું ઔદ્યોગિક વિકાસ વગર દેશનો વિકાસ થઈ શકે? શું કૉંગ્રેસ કે બીજા પક્ષો ઉદ્યોગપતિઓ પાસે ફંડ નથી લેતા? હમણાં અદાણી ગ્રૂપ માટે આ હંગામો ચાલુ છે. અફસોસની વાત છે કે હીડનબર્ગ જેવી નવી સવી એજન્સીની વાત માની આ થાય છે. જેની ખાસ કોઈ વિશ્ર્વસનીયતા નથી. પોતે પણ પોતાના સ્વાર્થ માટે શૅરબજારમાં રમત રમે છે. એવી જ રીતે વીસ વર્ષ પછી બીબીસીએ ગોધરાકાંડ પર ડોક્યુમેન્ટરી બનાવી અને વિપક્ષોને મોદી વિરુદ્ધ એક મળી ગઈ. કેવી વિડંબના કે આપણે આપણી તપાસ સમિતિ અને સુપ્રીમ કોર્ટ પર વિશ્ર્વાસ નથી કરતા પણ આપણને બસ્સો વર્ષ ગુલામ રાખનાર અંગ્રેજો પર વધારે ભરોસો કરીએ છીએ. આપણામાં આપણા દેશ પ્રત્યે ક્યારે માન જાગશે. અદાણી ગ્રૂપે જે કાંઈ કર્યું હશે તે સેબી અને એસબીઆઈ દ્વારા બહાર આવશે. ગોધરામાં શું થયું તે આપણે બધા જાણીએ છીએ પછી બીબીસીને શા માટે મહત્ત્વ આપવું જોઈએ.
– જિતેન્દ્ર શાહ, હૈદરાબાદ
————-
હિમાલય યાત્રા
હિમાલયને ઓળખવા હિમાલયમાં ઉતરવું પડે. હિમાલયમાં ઓગળવું પડે, હિમાલયની સાથે એકાત્મક કરવું પડે.
ઉપરોક્ત શબ્દો છે આચાર્ય વિજય શ્રી હાર્દિકરત્નસૂરીજી મ.સા.ના માતૃભાષા ગુજરાતીના પાયાના વર્તમાનપત્ર મુંબઈ સમાચારમાં રવિવાર સિવાય નિશદિન પ્રકટ થતો લેખ જૈન સાધુની હિમાલય યાત્રા સંદર્ભે હિમાલય યાત્રા દ્વારા વાંચકોને પણ ચલચિત્રની જેમ હિમાલય યાત્રા માણવાનો આનંદ પ્રાપ્ત થઈ રહ્યો છે. ૮૫ વર્ષની ઉંમરે સ્મરણમાં છે તે મુજબ ૪(ચાર) ધામની યાત્રા +અમરનાથ યાત્રાની વિગતો લખી-છપાવી જેની પ્રેરણા લેખક શ્રી કાકાસાહેબ કાલેલકરને આભારી રહેતા વિશેષમાં જણાવવાનું કે વર્તમાનમાં ‘મુંબઈ સમાચાર’માં પ્રસિદ્ધ હિમાલય યાત્રા કુદરત, વનસ્પતિ જ્ઞાન અને ધર્મ અનુરાગીઓ માટે ઉપયોગી લખાણ છે. અતિ સુંદરતાથી બારીકાઈ નિસર્ગની રજૂઆત કરેલ છે. આનંદ થાય છે.
આપનો સ્નેહાંકિત
– જગજીવન મુલજી તન્ના
————-
કલબ મહિન્દ્રની મેમ્બરશિપ બાબત
મેં કલબ મહિન્દ્રની મેમ્બરશિપ મારા દીકરા/દીકરીના નામે લીધી છે. મેમ્બરશિપ નં. ૧૬૬૩૦૧૬ જિીંમશજ્ઞ માટે ઠવશયિં તયતજ્ઞક્ષની છે અને દર વર્ષે મેઈન્ટેન્સ ભરવા પડે છે જે અત્યારે રૂ. ૧૮,૦૦૦/- છે. જો કોઈ મેમ્બરશિપના લગભગ ૪ લાખની ઉપરનું વ્યાજ વત્તા અખજ ગણીએ તો લગભગ ૬૦/૭૦ હજાર થાય તેમાં ઘણી સારી હોટેલોમાં બુકિંગ, ખાવા-પીવા સાથે મળી શકે. કેમ કે આ કલબ ૭ દિવસ ફ્રી આપે છે. બીજું કશું જ નહીં. જ્યારે આજ કાલ ખજ્ઞક્ષિશક્ષલ ઇયિફસરફતિં શક્ષમયમશક્ષલ મળે છે એટલે કે ૪/૫ લાખ પોતાની પાસે જ રહે અને એના વ્યાજમાં ફરી શકાય.
બીજું ખાસ એના ફૂડ ચાર્જિસ લગભગ ફાઈવ સ્ટાર જેટલા છે. બહારની હોટેલોમાં લગભગ ૫૦ ટકા ઓછા હોય છે. સ્ટીમ, સોના, સાઈકલના પણ ચાર્જીસ લે છે. ફક્ત શ્ર્વાસ લેવાની હવાના બાકી છે. કદાચ એ પણ લે ભવિષ્યમાં એમ કહી અમે શુદ્ધ હવા આપીએ છીએ. લોકોને મારે ચેતવવાના કે ફક્ત લલચામણી એડ.માં ના ફસાઈ જતા. વળી તમને જોઈતી રિસોર્ટ તમારા અનુકૂળ સમયે કેળવવી અઘરી થઈ પડે છે. જે લોકો આ મારી સલાહ વારે તે પોતાના મિત્રો સંબંધીઓને પણ જણાવે. હું પસ્તાવ છું.
– દિપક શાહ, દાદર (ઈસ્ટ)

LEAVE A REPLY

Please enter your comment!
Please enter your name here
Captcha verification failed!
CAPTCHA user score failed. Please contact us!
RELATED ARTICLES

Most Popular