પ્રજામત

પ્રજામત

ખોટા ખર્ચ ઓછા કરી, સેવાભાવી કામ કરો
વર્ષો પહેલાં ચાંદલાવિધિમાં બન્ને પક્ષે અગિયાર જણ ભેગા થઇ શુભપ્રસંગ પૂર્ણ કરતાં. હમણાં પણ અમુક જણ આવી જ રીતે શુભપ્રસંગ મનાવે છે. એ શુભ બાબત છે. પણ દુ:ખની વાત એ છે કે ફકત ૧૦ ટકા જ જાગૃત થયા છે. છેલ્લાં બે વર્ષ કોરોનાકાળમાં ઘણાં બાળકો અનાથ થઇ ગયા છે. ઘણા લોકો આર્થિક રીતે પાયમાલ થઇ ગયા છે. તો કોઇપણ શુભપ્રસંગ પાછળ ભભકા રૂપે કે દેખાદેખી રૂપે ખોટો ખર્ચો કરવા કરતાં ટૂંકમાં પ્રસંગ પૂર્ણ કરી બાકીની રકમ આવાં અનાથ બાળકોને મદદ કરવા કે આર્થિક રીતે પાયમાલ થયેલાને પગભર કરવા વાપરવામાં આવે તો પ્રભુ પણ ખુશ થશે. કોઇને મદદ થવાથી પુણ્યની પ્રાપ્તી થાય છે. પાપના ઘડા ખૂટે છે અને દેખાદેખી કરવાથી કે ભભકો કરવાથી પાપ કર્મ બંધાય છે.
એ પોતે નક્કી કરવું છે કે કયો રસ્તો અપનાવવો એ માટે પૈસાવાળાઓને ખોટાં અરમાનો પર અંકુશ રાખવો પડશે. મધ્યમ વર્ગે દેખાદેખી ન કરવી પડશે. તો જ ધરતી પરથી પાપનો ભાર ઓછો થશે અને કોરોના જેવા કે તેના કરતા વધારે ભયાનક બીમારીઓ ભવિષ્યમાં નહીં આવે.
– રાજકુમાર ગાંગજી ગાલા
ઘાટકોપર
———–
આઇલેન્ડ’
આઇલેન્ડ કહાની, વાર્તા કે નવલકથામાં ભૂતકાળ, વર્તમાનકાળ અને ભવિષ્યનો ઉલ્લેખ સારી રીતે આવરી લેવાયો છે. બધાને પસંદ પડે છે અને વાંચવી ગમે છે.
– ગૌતમ
——-
એકસ્ટ્રા અફેર
તા. ૪-૭-૨૨ના એકસ્ટ્રા અફેર લેખમાં સુપ્રીમ કોર્ટના મુ. ન્યાયાધીશ શ્રી પાર્ડીવાલાએ નૂપુર શર્મા વિશે જે ટીપ્પણી-ટીકા કરી તેનો બચાવ કર્યો છે. પાર્ડીવાલા વિધાનસભ્ય અને ધારાસભ્ય પણ રહી ચૂકયાં છે. એમની કાબેલિયત કે અનુભવ બાબત બે મત છે જ નહીં. પણ મીડિયા અને બીજા ન્યાયતંત્ર સાથે સંકળાયેલ ભૂતપૂર્વ ન્યાયાધિશોએ પણ એક જ વાત કહી છે કે નૂપુર શર્માએ સુુપ્રીમ કોર્ટમાં એક અરજી કરેલી જે સ્વીકાર્ય ન હોય તો એને ખારીજ કરવાની હોય. પણ એવી ટીપ્પણી કરવી કે એને લીધે દેશ સળગે છે તે યોગ્ય નથી જ અને એનો ફાયદો કટ્ટર વિધર્મીઓ ઉઠાવે છે અને ગમે તેમ ઝેર ઓકે છે. અરે નિર્દોષની હત્યા સુધી પહોંચી ગયા છે. જો સાહેબ પોતે જ કહેતા હોય કે કોઇ વિશે ટીકા કરવાથી દેશ સળગી શકતો હોય તો પોતે પણ થોડો સંયમ દાખવ્યો હોત તો સારું થાત.
– જીતેન્દ્ર શાહ, હૈદરાબાદ
———
શ્રી નમસ્કાર મહામંત્ર આલેખન
જે નવકાર લખે છે તે શાશ્ર્વત સુખનો દસ્તાવેજ લખે છે. જીવનને મંગલમય અને કલ્યાણકારી બનાવવા શ્રી નમસ્કાર મહામંત્ર લખવાની મંગળ શરૂઆત કરો. જીવનમાં શાંતિ અને સમાધી માટે નવકારનું આલેખન કરો. પરિવારના પ્રત્યેક સભ્યોએ રોજ ૧૨ નવકાર લખવાની શુભ શરૂઆત કરે તો સમગ્ર ઘરમાં તેની આધ્યાત્મિક ઊર્જા કાર્યરત થાય છે.
નમસ્કાર મહામંત્ર આલેખન બુકમાં હિન્દીમાં નવકારમંત્ર ઘુંટવાના હોય છે. રોજ ૧ પાનાના ૧૨ નવકાર લખીએ તો ૧૦૦ દિવસમાં જ નવકારમંત્રનું આલેખન પૂરું થાય.
આ બુક તેમ જ તેની સાથે ૯ કલર બોલપેનનો સેટ વિનામૂલ્યે મળશે. મુંબઇના જૈન સંઘોએ તેના લેટરહેડ પર પત્ર લખી કેટલી બુક જોઇએ છે તે સંખ્યા લખી મોકલવી. તેમણે રૂબરૂ આવવું. બહારગામના સંધ નીચેના સરનામે પત્ર લખે અથવા ૂવફતિંફાા કરે તો કુરિયરથી મોકલશું.
એડ્રેસ : શ્રી વર્ધમાન પરિવાર/શ્રુતગંગા, બી-૪૦૩, મહાલક્ષ્મી સેન્ટર, બાલભારતી સ્કૂલ સામે, એસ. વી. રોડ., કાંદિવલી (વે.), મુંબઇ-૪૦૦૦૬૭. (ટાઇમ ૧૧થી ૭).
– અતુલકુમાર વ્રજલાલ શાહ (સી.એ).

 

પ્રતિશાદ આપો

તમારું ઇમેઇલ સરનામું પ્રકાશિત કરવામાં આવશે નહીં.