ગ્રહ સંકેત -વિનોદ રાવલ
આ સપ્તાહના ગ્રહયોગો અને ખગોલીક સ્થિતિ:- આ સપ્તાહમાં શુક્ર અને ગુરુની યુતિ થાય છે. સાથે બુધ અને શનિનિ યુતિ થાય છે. આ સપ્તાહમાં બુધ અને શનિનું ક્રાંતિસામ્ય પણ છે. આ સપ્તાહમાં શનિનો પૂર્વોદય થાય છે.
શૅરબજાર:- શૅરબજારમાં સપ્તાહની શરૂઆત મજબૂતાઈથી થઈ શકે છે. આ સપ્તાહમાં ખુલતાં બજારથી વેચીને વેપાર કરવો લાભદાયી થઇ શકે છે. આ સપ્તાહના ગ્રહયોગો બતાવે છે કે સપ્તાહના મધ્યમાં આકસ્મિક કારણ આવતા બજારમાં ઝડપી અને મોટી વેચવાલી આવી શકે છે. ચાલુ બજારે વેચવાલી આવતા ઈન્ડેક્ષમાં નરમાઈ જોવા મળે. સપ્તાહના મધ્યથી અંત સુધીમાં એકાદ દિવસ નફારૂપી લેવાલી આવી શકે છે. પણ તેજીનો વેપાર કરવો નહીં, માટે નફો બુક કરતાં રહેવો. આ સપ્તાહમાં ખુલતાં ઈન્ડક્ષ કરતાં સપ્તાહના અંતિમ દિવસોની ઈન્ડક્ષ સારો નરમ જોવા મળે. આ સપ્તાહમાં સ્ટીલ, બૅંક, ફાઈનાન્સ, ઑટો, રિલાયન્સ, ફાયનાન્સ સેક્ટરમાં વધઘટ જોવા મળી શકે છે.
સોના-ચાંદી:- આ સપ્તાહમાં સોના-ચાંદીમાં મજબૂતાઈથી સપ્તાહની શરૂઆત જોવા મળી શકે છે. સોના અને ચાંદી વાયદા અને હાજરમાં આ સપ્તાહના શરૂઆતના દિવસથી જ બજારમાં વેચીને વેપાર ગોઠવવાથી લાભ મળી શકે છે. ખાસ ચાંદીમાં વેચીને વેપાર કરવો લાભદાયી રહે. એકાદ દિવસ મોટી ઝડપી વેચવાલી આવતાં બાવમાં સારી નરમાઈ જોવા મળે. સપ્તાહના શરૂઆતના દિવસોમાં અને મધ્યના દિવસોમાં બજારમાં વેચવાલી આવી શકે છે. સપ્તાહની મધ્યમાં નફારૂપી લેવાલી આવતાં ભાવમાં સામાન્ય મજબૂતાઈ જોવા મળે, નફો બુક કરતાં જવો. બજારમાં નરમ ધ્યાન રાખીને વેપાર કરવો. પણ વધઘટ બંને સાઈડ આવી શકે છે. માટે નફો બુક કરતાં જવો. આ સપ્તાહમાં દરેક ઊંચા ભાવે વેચીને વેપાર કરવો લાભદાયી થઇ શકે છે. સપ્તાહનાં અંતિમ દિવસોમાં સોના-ચાંદીમાં બે તરફ બજાર જોવા.
ક્રૂડ ઓઇલ:- ક્રૂડ ઓઇલમાં આ સપ્તાહમાં પણ મજબૂત ભાવ જોવા મળે. ક્રૂડ ઓઇલમાં શરૂઆતના દિવસથી સ્ટોક કરીને તેજીનો વેપાર ગોઠવવો. આ સપ્તાહના શરૂઆત દિવસોમાં સ્ટોક કરીને તેજીનો વેપાર ગોઠવતાં જવો. સપ્તાહની મધ્યના દિવસમાં બજાર બે તરફી ચાલ બતાવી શકે છે. આ સપ્તાહમાં શરૂઆતના દિવસોથી મજબૂત ધ્યાન રાખીને વેપાર કરવો. સપ્તાહના અંતિમ દિવસો સુધી તેજીનો વેપાર રાખી શકાય. સપ્તાહના અંતિમ દિવસોમાં નવી લેવાલી આવતાં બજાર મજબૂત રહી શકે છે. આ સપ્તાહમાં ક્રૂડ ઓઇલમાં મજબૂત ભાવ રહી શકે છે.
કોમોડિટી:- કોમોડિટી બજારમાં બજબૂત ભાવ જોવા મળી શકે છે. સિંગતેલ, તેલ, કપાસિયા તેલ, તેલી બિયાં અને દિવેલમાં સપ્તાહની શરૂઆત મજબૂત ભાવથી થાય. સપ્તાહની શરૂઆતના દિવસથી જ તેજી ધ્યાન રાખીને વેપાર ગોઠવતા જવો.