પીએમ મોદીએ કર્યું બુંદેલખંડ એક્સપ્રેસવેનું ઉદ્ઘાટન, સીએમએ કહ્યું- બુંદેલખંડ માટે આજનો દિવસ ઐતિહાસિક

ટૉપ ન્યૂઝ દેશ વિદેશ

વડાપ્રધાન નરેન્દ્ર મોદી શનિવારે બુંદેલખંડ એક્સપ્રેસ વે રાષ્ટ્રને સમર્પિત કર્યો હતો. આ લોકાર્પણ પ્રસંગે તેઓએ 75 ઔષધીય છોડનું વાવેતર પણ કર્યું હતું. આ પ્રસંગે બોલતા યુપીના સીએમ યોગી આદિત્યનાથે કહ્યું હતું કે આ એક ઐતિહાસિક દિવસ છે જ્યારે 296 કિલોમીટર લાંબા બુંદેલખંડ એક્સપ્રેસ વેનું ઉદ્ઘાટન થઈ રહ્યું છે. કોરોના મહામારી હોવા છતાં એક્સપ્રેસ વે 28 મહિનામાં તૈયાર કરવામાં આવ્યો છે. બુંદેલખંડમાં વિકાસ અને જાહેર સુવિધાઓ મળી રહી છે.

નોંધનીય છે કે  આ એક્સપ્રેસવે 7 જિલ્લામાંથી પસાર થશે અને પછી આગ્રા-લખનૌ એક્સપ્રેસવે સાથે જોડાશે. આ પહેલા બુંદેલખંડ એક્સપ્રેસ વે ઉદ્ઘાટન માટે કાનપુર પહોંચેલા વડા પ્રધાન મોદીનું સીએમ યોગી આદિત્યનાથે સ્વાગત કર્યું હતું. અહીંથી મોદી જાલૌનના કૈત્રી ગામે એક્સપ્રેસવેના ઉદ્ઘાટન માટે રવાના થયા હતા.
બુંદેલખંડ એક્સપ્રેસ વેથી હવે લોકોને ઘણો ફાયદો થશે. તેમને વિવિધ સ્થળે પહોંચવાનો સમય ઘણો ઓછો થઇ જશે. એ ઉપરાંત બુંદેલખંડ એક્સપ્રેસ વે પર મુસાફરી કરનારાઓ માટે અન્ય પણ સારા સમાચાર છે. લોકોને છ મહિના સુધી ટોલ માટે તેમના ખિસ્સા ખાલી કરવા પડશે નહીં. 7766 કરોડના ખર્ચે બનેલા એક્સપ્રેસ વે પર ઘણી જગ્યાએ ટેસ્ટિંગ, પેઇન્ટિંગ અને ફ્લાયઓવરના કેટલાક કામ અધૂરા છે. આ કારણે કોમર્શિયલ ઓપરેશન ડેટ (COD) જાહેર કરવામાં આવી નથી. આ કામો પૂરા કરવામાં ઓછામાં ઓછા 6 મહિનાનો સમય લાગશે. આ પછી ટોલ ટેક્સ લાગશે. લગભગ 296.07 કિમી લાંબા એક્સપ્રેસ વે પર 13 ટોલ પ્લાઝા છે. ટોલ ટેક્સ પ્રતિ કિમી રૂ 1 વસૂલવામાં આવશે. એક્સપ્રેસ વે પર દર 500 મીટરે વોટર હાર્વેસ્ટિંગ માટે રિવર્સ બોરિંગ કરવામાં આવ્યું છે. વરસાદનું પાણી પાકી ગટરમાંથી 15 મીટર લાંબી અને ત્રણ મીટર પહોળી અને ત્રણ મીટર ઊંડી ટાંકીમાં જશે. અહીંથી 50-50 ફૂટની ઉંડાઈએ રિવર્સ બોરિંગને કારણે પાણી જમીનમાં સમાઈ જશે.

પ્રતિશાદ આપો

તમારું ઇમેઇલ સરનામું પ્રકાશિત કરવામાં આવશે નહીં.