મહારાષ્ટ્રની નવી બનેલી શિંદે સરકારે નાગરિકોને મોટી ભેટ આપી છે. ગુરુવારે સવારે પેટ્રોલ અને ડીઝલ પરના વેટને ઓછું કરવાનો નિર્ણય લેવામાં આવ્યો હતો, જેને કારણે પેટ્રોલ અને ડિઝલના ભાવ અનુક્રમે 5 રૂપિયા અને 3 રૂપિયા પ્રતિ લિટર ઘટાડવાનો નિર્ણય કર્યો છે. અત્રે ઉલ્લેખનીય છે કે ડીઝલ અને પેટ્રોલ પર વેલ્યુ એડેડ ટેક્સ ઘટાડવાના નિર્ણયની જાહેરાત સીએમ એકનાથ શિંદેએ 4 જુલાઈએ યોજાયેલા ફ્લોર ટેસ્ટ દરમિયાન કરી હતી.
નાયબ મુખ્ય પ્રધાન દેવેન્દ્ર ફડણવીસે આ નિર્ણયને આવકારતાં ટ્વિટ કર્યું હતું કે મહારાષ્ટ્રીયન અને મરાઠી માણુસને મોટી રાહત! એ જાહેરાત કરતાં આનંદ થાય છે કે સીએમ એકનાથરાવ શિંદે હેઠળની નવી સરકારે પેટ્રોલ અને ડીઝલના ભાવમાં અનુક્રમે ₹5/લિટર અને ₹3/લિટરનો ઘટાડો કરવાનો નિર્ણય લીધો છે. માનનીય પીએમ નરેન્દ્ર મોદીજી દ્વારા સામાન્ય નાગરિકોના લાભ માટે કરેલી અપીલ તરફ આ અમારું પગલું છે. આ નિર્ણય માટે રાજ્ય પર ₹6000 કરોડનો બોજ પડશે.”
Great relief to Maharashtrian & Marathi Manus !
Happy to announce that new Government under CM Eknathrao Shinde has decided to reduce Petrol & Diesel prices by ₹5/litre & ₹3/litre respectively.#CabinetDecision #PetrolDieselPrice #Maharashtra— Devendra Fadnavis (@Dev_Fadnavis) July 14, 2022
“>
હાલમાં મુંબઈમાં પેટ્રોલનો ભાવ ₹ 111.35 પ્રતિ લિટર છે અને ડીઝલ ₹ 97.28 પ્રતિ લિટર વેચાઈ રહ્યું છે.કેન્દ્ર સરકારે મે મહિનામાં પેટ્રોલ પરની એક્સાઈઝ ડ્યૂટીમાં ₹ 8 પ્રતિ લિટર અને ડીઝલ પર ₹ 6 પ્રતિ લિટરનો ઘટાડો કર્યો હતો.
