પાકિસ્તાન સ્થિત એક પત્રકારે દાવો કર્યો છે કે ઈસ્લામાબાદ દ્વારા તુર્કીને મોકલવામાં આવેલી સહાય હકીકતમાં અંકારા (તુર્કી) દ્વારા ગયા વર્ષે વિનાશક પૂર દરમિયાન પાકિસ્તાનને મોકલવામાં આવી હતી. તાજેતરમાં, પાકિસ્તાને તુર્કીના ભૂકંપગ્રસ્ત વિસ્તારોમાં રાહત પુરવઠો અને બચાવ કર્મચારીઓ મોકલ્યા હતા.
હવે પાકિસ્તાન સ્થિત એક પત્રકારે દાવો કર્યો છે કે તુર્કીને એ જ મદદ મળી છે જે તેણે પૂર દરમિયાન ઈસ્લામાબાદને મોકલી હતી. તેણે પાકિસ્તાન સ્થિત એક ન્યૂઝ ચેનલ પર વિસ્ફોટક દાવો કરતા જણાવ્યું હતું કે પાકિસ્તાને એ જ રાહત સામાનને ફરીથી પેક કર્યો અને ભૂકંપ સહાયના નામે તુર્કી પરત મોકલ્યો.
પાકિસ્તાન માટે આ એક મોટી શરમજનક બાબત છે કારણ કે તેના વડા પ્રધાન શેહબાઝ શરીફ તુર્કીના ભૂકંપગ્રસ્ત વિસ્તારોમાં રાહત અને બચાવ કામગીરી પર વ્યક્તિગત રીતે દેખરેખ રાખી રહ્યા છે.
11 દિવસ પહેલા તુર્કી અને સીરિયામાં આવેલા પ્રચંડ ભૂકંપમાં 45,000 થી વધુ લોકો માર્યા ગયા છે.
લો બોલો! પાકિસ્તાને ભૂકંપ સહાય તરીકે તુર્કી દ્વારા મોકલવામાં આવેલો રાહત સામાન પરત તુર્કી મોકલ્યો
