પાકિસ્તાન એક પછી એક સંકટનો સામનો કરી રહ્યું છે. પડોશી દેશ ગંભીર આર્થિક કટોકટી અને મોંઘવારીમાંથી હજી બહાર નીકળી શક્યો નથી કે હવે તેના પર એક નવી મુશ્કેલી આવી છે. પાકિસ્તાનમાં પાવર સિસ્ટમ ફેલ થઈ ગઈ છે, જેના કારણે પાકિસ્તાનના મોટા શહેરોમાં ઈસ્લામાબાદ, લાહોર અને કરાચીમાં વીજળી ગુલ થઇ ગઇ છે.
પાકિસ્તાનના ઉર્જા મંત્રાલયે કહ્યું છે કે સોમવારે સવારે લગભગ 7.30 વાગ્યે પાકિસ્તાનની નેશનલ ગ્રીડની સિસ્ટમ ફ્રીક્વન્સી ફેલ થઈ ગઈ હતી. જેના કારણે દેશભરમાં વીજતંત્ર પ્રભાવિત થતા વીજ ખોરવાઈ જવા પામી છે. સમારકામની કામગીરી ચાલી રહી છે. પાકિસ્તાનની મીડિયા સંસ્થાઓએ પણ કહ્યું છે કે કરાચી, લાહોરના ઘણા વિસ્તારોમાં વીજળી નથી.
ક્વેટા ઇલેક્ટ્રિક સપ્લાય કંપની (QESCO) એ માહિતી આપી છે કે ગુડ્ડુથી ક્વેટા સુધીની બે ટ્રાન્સમિશન લાઈનમાં ખામી સર્જાઈ છે. જેના કારણે બલૂચિસ્તાનના 22 જિલ્લાઓ વીજળી વગરના છે. પાકિસ્તાને તાજેતરમાં તેની નવી ઉર્જા સંરક્ષણ યોજનાની જાહેરાત કરી છે.
પાકિસ્તાન હાલમાં ગંભીર આર્થિક સંકટનો સામનો કરી રહ્યું છે. પાકિસ્તાનનું વિદેશી હૂંડિયામણ ઘટીને માત્ર 4 અબજ ડોલર જ રહ્યું છે.
પહેલા પૈસા પૂરા… હવે પાવર ગુલ, કંગાલ પાકિસ્તાનને માથે પડી બેવડી આફત
