આર્થિક સંકટથી ખરાબ રીતે પીડિત પાકિસ્તાનને દેવાના બોજમાંથી બહાર આવવા માટે કોઈ ઉકેલ મળી રહ્યો નથી. આ રીતે પાકિસ્તાન પર 100 અબજ ડોલરનું દેવું થઈ ગયું છે. સાથે જ IMF પણ પાકિસ્તાનને મદદ કરવામાં વિલંબ કરી રહ્યું છે. જોકે હવે પાકિસ્તાન માટે સારા સમાચાર આવ્યા છે. પાકિસ્તાનના નિષ્ણાતોનું કહેવું છે કે પાકિસ્તાન પાસે એવો ખજાનો છે કે તે પોતાની આર્થિક સંકટને સંપૂર્ણપણે દૂર કરી શકે છે.
પાકિસ્તાનના આર્થિક નિષ્ણાતોએ આ સંદર્ભમાં કહ્યું છે કે પાકિસ્તાન બ્લુ ઈકોનોમી ધરાવે છે. બ્લુ ઈકોનોમી એ ચોક્કસ પ્રકારના જળ સંસાધન વ્યવસ્થાપનનો ઉલ્લેખ કરે છે, જે તમામ પ્રકારની દરિયાકાંઠાની પ્રવૃત્તિઓને આવરી લે છે. સમુદ્ર સંબંધિત વેપાર અને સેવાઓ દ્વારા કોઈપણ દેશની આવક અનેક ગણી વધારી શકાય છે.
એક અંદાજ મુજબ દુનિયાભરમાં ત્રણ અબજથી વધુ લોકો તેમની આજીવિકા માટે સમુદ્ર પર નિર્ભર છે. ઊર્જા તેલ, ગેસ અને રિન્યુએબલ એનર્જી ઉપરાંત, બ્લુ ઈકોનોમીમાં શિપિંગ, દરિયાઈ, કૃષિ, મત્સ્યોદ્યોગ અને પ્રવાસન ક્ષેત્રોનો સમાવેશ થાય છે. બ્લુ ઈકોનોમીની મદદથી પાકિસ્તાન પોતાની આર્થિક, ભૂ-રાજકીય અને ભૌગોલિક-આર્થિક સ્થિતિને મજબૂત બનાવી શકે છે.
નોંધનીય છે કે પાકિસ્તાનની હાલત હાલમાં ખૂબ જ ખરાબ છે. પાકિસ્તાનની ઓઈલ કંપનીઓએ ચેતવણી આપી છે કે ડોલરની તંગી અને રૂપિયાના અવમૂલ્યનને કારણે વેપાર ખર્ચમાં વધારો થવાને કારણે દેશનો પેટ્રોલિયમ ઉદ્યોગ પતનની આરે છે. ઈન્ટરનેશનલ મોનેટરી ફંડની માંગને પહોંચી વળવા માટે સરકારે ડોલર પરની મર્યાદા હટાવી દીધી છે. જેના કારણે આંતરરાષ્ટ્રીય બજારમાં પાકિસ્તાની રૂપિયો ઐતિહાસિક ઘટાડા સાથે 276.58 રૂપિયા પ્રતિ ડોલર પર પહોંચી ગયો છે.
IMF એ રાહત પેકેજ આપવા માટે ઘણી આકરી શરતો લાદી છે, જેને પાકિસ્તાન સ્વીકારી પણ લીધી છે. જોકે, હાલમાં પાકિસ્તાનમાં ચાલી રહેલી આંતરવિગ્રહ ભરી પરિસ્થિતિને કારણે આઇએમએફના પેકેજમાં વિલંબ થઇ રહ્યો છે.
આ છુપાયેલા ખજાનાનો ઉપયોગ કરીને પાકિસ્તાન બની શકે છે અમીર, જાણો શું છે તે……
