Homeઆમચી મુંબઈલો બોલો... સીએમ શિંદેએ શિવસેનાના મુખ્યાલયનું સરનામુ જ બદલી નાખ્યું!

લો બોલો… સીએમ શિંદેએ શિવસેનાના મુખ્યાલયનું સરનામુ જ બદલી નાખ્યું!

કેન્દ્રીય ચૂંટણી પંચ દ્વારા આપવામાં આવેલા ચૂકાદાને કારણે ઉદ્ધવ ઠાકરેને જોરદાર આંચકો લાગ્યો હતો. શિવસેના પક્ષનું નામ અને ચિહ્ન બંને સીએમ શિંદેને આપતા શિંદે જૂથની તાકાતમાં વધારો થયો છે અને હવે શિંદે જૂથે મધ્યવર્તી ઓફિસનું સરનામું બદલીને રાજકીય વર્તુળોમાં ચર્ચાઓને વેગ આપ્યો છે.
સૌથી પહેલાં શિંદે જૂથે મંત્રાલયની ઓફિસન શિવાલય પર કબજો કર્યો અને ત્યાર બાદ શિવસેનાની મધ્યવર્તી ઓફિસ એવા સેનાભવન પર કબજો કરે એવી ચર્ચા ચાલી રહી હતી, પણ હવે આ બધા વચ્ચે ચોંકાવનારા સમાચાર એવા આવી રહ્યા છે કે સીએમ શિંદેએ શિવસેનાની મધ્યવર્તી ઓફિસનું એડ્રેસ જ બદલી નાખ્યું છે. દાદર ખાતેના સેનાભવનની જગ્યાએ હવે શિંદે જૂથના લેટરહેડ પર દાદરના શિવસેના ભવનના બદલે થાણેના ટેમ્ભી નાકાનું સરનામું આપવામાં આવ્યું છે.
અત્યાર સુધી શિવસેનાની મધ્યવર્તી ઓફિસ તરીકે દાદરના સેના ભવનનો ઉલ્લેખ કરવામાં આવતો હતો, પરંતુ હવે શિંદે જૂથ દ્વારા પ્રસિદ્ધ કરવામાં આવેલા લેટરહેડ પર થાણેના આનંદ આશ્રમના એડ્રસનો ઉલ્લેખ મધ્યવર્તી ઓફિસ તરીકે કરવામાં આવ્યો છે.
અત્રે ઉલ્લેખનીય છે કે શિવસેના પક્ષના ફંડ, શાખા અને શિવસેના ભવન પર શિંદે જૂથ દ્વારા દાવો નહીં કરવામાં આવે એવી માહિતી શિંદે જૂથના પ્રધાન દિપક કેસરકર દ્વારા આપવામાં આવી હતી.
સત્તા સંઘર્ષ બાદ શિંદે જૂથ દ્વારા થાણેના આનંદ આશ્રમનું નામ બદલીને બાળા સાહેબાંચી શિવસેના આનંદ આશ્રમ એવું નવું નામ આનંદ આશ્રમને આપવામાં આવ્યું છે અને હવે આ જ શિવસેનાની નવી મધ્યવર્તી ઓફિસ હશે. શિંદે જૂથ દ્વારા આનંદાશ્રમનું સરનામુ લેટરહેડ પર છપાવ્યું હોવાને કારણે આ જ શિવસેનાની મધ્યવર્તી ઓફિસ હશે એવી ચર્ચા રાજકીય વર્તુળોમાં ચાલી રહી છે.

LEAVE A REPLY

Please enter your comment!
Please enter your name here
Captcha verification failed!
CAPTCHA user score failed. Please contact us!
RELATED ARTICLES

Most Popular