નોરા ઇચ્છતી હતી કે હું જેકલીનને છોડી દઉં…’ સુકેશ ચંદ્રશેખરનો નવો લેટર બૉમ્બ

200 કરોડના મની લોન્ડરિંગ કેસમાં જેલમાં રહેલા સુકેશ ચંદ્રશેખરે વધુ એક સનસનીખેજ દાવા સાથે પત્ર લખ્યો છે. આ વખતે સુકેશે આ પત્ર નોરા ફતેહી અને જેકલીન ફર્નાન્ડીઝ વચ્ચેના વિવાદને લઈને લખ્યો છે. સુકેશે દાવો કર્યો છે કે નોરા ફતેહીએ ઈકોનોમિક ઓફેન્સ બ્યુરો (EOW) સમક્ષ પોતાનું નિવેદન બદલી નાખ્યું હતું. સુકેશે એમ પણ કહ્યું હતું કે નોરા ઇચ્છતી હતી કે હું જેકલીનને છોડી દઉં. મેં ના પાડ્યા પછી પણ નોરા મને હેરાન કરતી રહી હતી.
સુકેશે પત્રમાં આગળ લખ્યું- જેકલીન અને હું ગંભીર સંબંધમાં હતા. આ જ કારણ છે કે નોરા જેકલીનથી ઈર્ષ્યા કરતી હતી. અને મારું બ્રેઈનવોશ કરતો હતો. નોરા ઈચ્છતી હતી કે હું જેકલીનને છોડી દઉં. સુકેશે આગળ લખ્યું છે કે નિક્કી તંબોલી અને ચાહત ખન્ના માત્ર પ્રોફેશનલ એસોસિયેટ હતા અને મારા પ્રોડક્શનમાં કામ કરવાના હતા.
સુકેશે કહ્યું કે નોરા ઇચ્છતી હતી કે હું જેકલીનને છોડી દઉં અને તેને ડેટ કરવાનું શરૂ કરી દઉં, નોરા દિવસમાં ઓછામાં ઓછા 10 વખત મને ફોન કરવાનો પ્રયાસ કરતી હતી. પત્રમાં સુકેશ ચંદશેખરે ફિલ્મ અભિનેત્રી નોરા ફતેહી દ્વારા જેકલીન પર લગાવવામાં આવેલા આરોપોને મનઘડત ગણાવ્યા છે. નોરા પર આરોપ લગાવતા સુકેશે કહ્યું કે નોરાએ EDની સામે અને EOWની સામે અલગ-અલગ નિવેદનો આપ્યા છે, જે સાબિત કરે છે કે તે પોતાના મનથી વાર્તા બનાવી રહી છે. નોરાએ ખોટું કહ્યું કે તે મારી પાસેથી કાર લેવા માંગતી નથી. એ સૌથી મોટું જૂઠ છે. જ્યારે નોરા મને મળી ત્યારે તેની પાસે મોંઘી કાર નહોતી. પરંતુ તેણે અને મેં મળીને એક લક્ઝરી કાર પસંદ કરી જેના સ્ક્રીન શોટ્સ ED પાસે છે.
નોરાએ જુઠ્ઠુ ના બોલવું જોઇએ. હકીકત એ છે કે હું તેને રેન્જ રોવર આપવા માંગતો હતો. પરંતુ તે સ્ટોકમાં ન હતો. તેથી મેં તેને S સિરીઝની BMW કાર ગિફ્ટ કરી જે તેણે લાંબા સમય સુધી પોતાની પાસે રાખી હતી. નોરા મને મોંઘી બેગ અને જ્વેલરીની તસવીરો મોકલતી હતી. જે મેં તેને ભેટ આપી છે. તેણી હજી પણ તેનો ઉપયોગ કરી રહી છે. મેં નોરાને લગભગ 2 કરોડ રૂપિયાની ગિફ્ટ્ આપી હતી. તે ક્યારેય ખરીદીના બિલ બતાવી શકશે નહીં. મારા માત્ર નિક્કી તંબોલી અને ચાહતા ખન્ના સાથે વ્યાવસાયિક સંબંધો હતા અને બંને મારા પ્રોડક્શનમાં અભિનય કરવાના હતા
સુકેશના આ પત્ર બાદ નોરા શું પ્રતિક્રિયા આપે છે તે જોવું રહ્યું.